Գրիգոր Աղախանյան
- Վիքիպեդիայում կան հոդվածներ Աղախանյան ազգանունով այլ մարդկանց մասին։
Գրիգոր Աշոտի Աղախանյան (հոկտեմբերի 10 (23), 1904[1][2], Իգդիր, Երևանի նահանգ, Ռուսական կայսրություն[1][2] - սեպտեմբերի 27, 1986[2], Երևան, Հայկական ԽՍՀ, ԽՍՀՄ[2]), հայ խորհրդային ինժեներ-մելիորատոր։ ՀԽՍՀ վաստակավոր իռիգատոր 1957։
Գրիգոր Աղախանյան | |
---|---|
Ծնվել է | հոկտեմբերի 10 (23), 1904[1][2] |
Ծննդավայր | Իգդիր, Երևանի նահանգ, Ռուսական կայսրություն[1][2] |
Մահացել է | սեպտեմբերի 27, 1986[2] (81 տարեկան) |
Մահվան վայր | Երևան, Հայկական ԽՍՀ, ԽՍՀՄ[2] |
Քաղաքացիություն | Ռուսական կայսրություն և ԽՍՀՄ |
Ազգություն | հայ |
Կրթություն | Դոնի պետական ագրարային համալսարան (1929)[1] |
Մասնագիտություն | ճարտարագետ և մելիորատոր |
Աշխատավայր | Ջրային հիմնահարցերի և հիդրոտեխնիկայի ինստիտուտ[1] |
Զբաղեցրած պաշտոններ | տնօրեն |
Կուսակցություն | ԽՄԿԿ[1] |
Երեխաներ | Ալեքսանդր Աղախանյան |
Կենսագրություն խմբագրել
Ծնվել է 1904 թ. հոկտեմբերի 10-ին, Սուրմալուի գավառի Իգդիր գյուղաքաղաքում։ Ավարտել է Դոնի գյուղատնտեսության և մելիորացիայի ինստիտուտը 1929։ 1940-1953 թվականներին եղել է ՀԽՍՀ ջրային տնտեսության մինիստր, 1953 թվականից՝ ՀԽՍՀ ջրային պրոբլեմների և հիդրոտեխնիկայի ԳՀԻ-ի տնօրեն։
Մասնակցել է Արտաշատի, Դալմայի, Ստորին Հրազդանի և այլ ջրանցքների, ջրամբարների նախագծման, կառուցման, ՀԽՍՀ ոռոգման նոր համակարգի իրականացման աշխատանքներին։ Զբաղվել է նաև Սևանա լճի ջրերը խնայելու նպատակով Արարատյան դաշտի ստորերկրյա ու տեղական ջրերի օգտագործման, ոռոգման ցանցի նախագծման, ՀԽՍՀ ջրային տնտեսության զարգացման պատմության և այլ հարցերով։ Աղախանյանը եղել է 2-դ և 3-րդ գումարումների Հայկական ԽՍՀ Գերագույն խորհրդի դեպուտատ։ ԽՄԿԿ անդամ 1932 թվականից։
Պարգևներ խմբագրել
- Պարգևատրվել է ԽՍՀՄ երեք շքանշանով։
Գրականություն խմբագրել
- Ջրային տնտեսության զարգացումը Հայաստանում, Ե., 1960
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
Վիքիդարանն ունի նյութեր, որոնք վերաբերում են «Գրիգոր Աղախանյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 240)։ |