Գայանե Խաչատրյան
- Վիքիպեդիայում կան հոդվածներ Խաչատրյան ազգանունով այլ մարդկանց մասին։
Գայանե Լևոնի Խաչատրյան (նաև Խաչատուրյան, մայիսի 9, 1942, Թբիլիսի, Վրաստան - մայիսի 1, 2009, Թբիլիսի, Վրաստան), հայ նկարչուհի։
Գայանե Խաչատրյան | |
|---|---|
 | |
| Ծնվել է | մայիսի 9, 1942 |
| Ծննդավայր | Թբիլիսի, Վրաստան |
| Վախճանվել է | մայիսի 1, 2009 (66 տարեկան) |
| Մահվան վայր | Թբիլիսի, Վրաստան |
| Քաղաքացիություն |  Հայաստան |
| Մասնագիտություն | նկարչուհի |
| Ներշնչվել է | Սերգեյ Փարաջանով |
 Gayane Khachaturian Վիքիպահեստում | |
Կենսագրություն
խմբագրելԳայանե Լևոնի Խաչատրյանը ծնվել է 1942 թվականի մայիսի 9-ին Թբիլիսիում։ 1949-1955 թվականներին սովորել է Թբիլիսիի N 14 միջնակարգ օրիորդաց դպրոցում։ 1955-1959 թվականներին ուսումը շարունակել է N 101 միջնակարգ դպրոցում և զուգահեռաբար ընդունվել է Թբիլիսիի Յա. Նիկոլաձեի անվան գեղարվեստի ուսումնարանին կից գեղարվեստի դպրոց։ 1959-1960 թվականներին սովորել է աշխատավոր երիտասարդության հանրապետական հեռակա միջնակարգ դպրոցում (Թբիլիսի)։
Ստեղծագործել է հիմնականում կոմպոզիցիայի բնագավառում։
Գործերից են՝
Աշխատանքներից ցուցադրվել են մի շարք քաղաքներում՝ Փարիզում, Լիսաբոնում, Վենետիկում, Մոսկվայում, Երևանում («Ափսեի կլոր տարածությունը» ցուցահանդեսում, 2005) և այլուր)։
Անհատական ցուցահանդեսներ է ունեցել Երևանում (1967, 1971)։
Գործերից պահվում են աշխարհի տարբեր թանգարաններում, մասնավոր հավաքածուներում՝ (Ֆեդերիկո Ֆելինիի և այլոց)[1]։
Գայանե Խաչատրյանը մահացել է 2009 թվականի մայիսի 1-ին Թբիլիսիում։
Ֆիլմեր Գայանե Խաչատրյանի մասին
խմբագրելԳայանե Խաչատրյանի մասին «Հայֆիլմ» կինոստուդիայում երկու ֆիլմ է նկարահանվել.
- 1971 թվականին «Գայանե» (Յու. Երզնկյան, ԽՍՀՄ ժողովրդական նկարիչ Մ. Սարյանի նախաբանով)։
- 1978 թվականին «Երկնագույն քամի, նշի բույրը» (Ռ. Գևորգյան)։
Ցուցահանդեսներ
խմբագրել
1967 թվականին Փարաջանովի աջակցությամբ տեղի ունեցավ Գայանե Խաչատրյանի առաջին ոչ պաշտոնական ցուցահանդեսը։ Ստորև ներկայացված են պաշտոնական ցուցահանդեսների տարեթվերը։
- 1968 - «Կիրառական արվեստ» ամսագրի խմբագրություն, Մոսկվա
- 1970 - Վրաստանի Ազգային պատկերասրահ, Թբիլիսի, խմբակային ցուցահանդես
- 1971 - Նկարիչների տուն, Երևան
- 1972 - Ա. Խորավայի անվան դերասանների տուն, Թբիլիսի
- 1972 - Ժամանակակից արվեստի թանգարան, Երևան
- 1978 - Գալուստ Գյուլբենկյան թանգարան, Լիսաբոն,Պորտուգալիա
- 1979 - Գալուստ Գյուլբենկյան հիմնադրամ, Փարիզ-Լիոն-Մարսել
- 1979 - Գալուստ Գյուլբենկյան հիմնադրամ, Բեյրութ
- 1987 - «Հայկական մշակույթի օրեր», Վենետիկ
- 1995 - «Հայաստանի ժամանակակից արվեստը Ֆրանսիայում», Փարիզ- անհատական ցուցահանդես
- 1995 - «Հայաստանի ուղիները» Արդարադատության պալատ, Փարիզ
- 1996 - Վրաստանի նկարիչների ցուցահանդեսը Հայաստանում, Հայաստանի ազգային պատկերասրահ
- 2001 - «Նաշչոկինի տուն» ցուցասրահ, Մոսկվա- «Ես Գայանեն եմ Թիֆլիսից»
- 2009 - «Գեղանկարչություն-կինո» Անդրեյ Տարկովսկի, Սերգեյ Փարաջանով, Գայանե Խաչատրյան-Ժամանակակից արվեստի պետական կենտրոն, Մոսկվա
- 2009 - 53-րդ Համաշխարհային գեղարվեստական վենետիկյան բիեննալե, հայկական տաղավար, Վենետիկ
- 2010 - «Ցուցահանդես նվիրված Գայանեի հիշատակին» Հայաստանի ազգային պատկերասրահ
Գրականություն
խմբագրել- Արմեն Բայանդուրյան, Դու միշտ կաս...: Կամուրջ, Թբիլիսի, Վրաստանի գրողների ստեղծագործական միություն, 2009, էջ 43-44։
Տես նաև
խմբագրելԾանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
Արտաքին հղումներ
խմբագրել- Գայանե Խաչատրյանը zarkfoundation.com կայքում
- Վիդեո Գայանե Խաչատրյան
- Ռեքվիեմ (1978)
- Շագանակի կեղևը (1969)
 | Վիքիպահեստն ունի նյութեր, որոնք վերաբերում են «Գայանե Խաչատրյան» հոդվածին։ |