Արմեն Բայանդուրյան
Արմեն Սերգոյի Բայանդուրյան (սեպտեմբերի 12, 1953, Խաչեն, Վրաստան), հայ բեմադրիչ, դերասան, արձակագիր, դրամատուրգ[1]։ Թբիլիսիի Պետրոս Ադամյանի անվան պետական հայկական դրամատիկական թատրոնի գեղարվեստական ղեկավար (1994):
Արմեն Բայանդուրյան | |
---|---|
Ծնվել է | սեպտեմբերի 12, 1953 (70 տարեկան) |
Ծննդավայր | Խաչեն, Վրաստան |
Կրթություն | Երևանի պետական գեղարվեստա-թատերական ինստիտուտ |
Քաղաքացիություն | ԽՍՀՄ և Վրաստան |
Մասնագիտություն | դերասան և ռեժիսոր |
Կենսագրություն խմբագրել
Արմեն Բայանդուրյանը ծնվել է 1953 թվականի սեպտեմբերի 12-ին, Վրաստանի Թեթրիծղարոյի մունիցիպալիտետի Դաղեթ-Խաչեն գյուղում։ Ավարտել է տեղի միջնակարգ դպրոցը և աշխատել գյուղի ակումբում։ Այնուհետև տեղափոխվել է Թբիլիսի և պետական հայկական դրամատիկական թատրոնում աշխատել որպես դերասան։ 1992 թվականին ավարտել է ԵՊՀ հոգեբանության ֆակուլտետը, 1999 թվականին՝ Երևանի գեղարվեստա-թատերական ինստիտուտի ռեժիսորական ֆակուլտետի[1] հեռակա բաժինը։ Ավարտելու հետո վերադարձել է Թբիլիսի։ Շուրջ 10 թատերգությունների հեղինակ է, որոնք բեմադրվել են Թբիլիսիում, Երևանում և Վիեննայում։ 1994 թվականից ղեկավարում է Թբիլիսիի Պետրոս Ադամյանի անվան պետական հայկական դրամատիկական թատրոնը[2]։ 2004 թվականին ընտրվել է Վրաստանի խորհրդարանի պատգամավոր[3]։ Եղել է Վրաստանի հայերի փոխնախագահը, անդամակցում է Վրաստանի հայ գրողների «Վերնատուն» միությանը[1]։
Երկեր խմբագրել
Մամուլ խմբագրել
- Դու միշտ կաս... (նկարչուհի Գայանե Խաչատրյանի հիշատակին)։ Կամուրջ, Թբիլիսի, Վրաստանի գրողների ստեղծագործական միություն, 2009, էջ 43-44։
Պարգևներ խմբագրել
- ՀՀ «Մովսես Խորենացի» մեդալ (1999)
- Վրաստանի «Պատվո շքանշան» (2001)
Ծանոթագրություններ խմբագրել
- ↑ 1,0 1,1 1,2 Կամուրջ, Թբիլիսի, Վրաստանի գրողների ստեղծագործական միություն, 2009, էջ 43։
- ↑ «Հայաստանից դուրս գործող միակ պետական հայկական թատրոնի գեղարվեստական ղեկավար Արմեն Բայանդուրյանը ՛՛ԳԱՄԱՐՋՈԲԱ ՄԱՄԱ՛՛ նախագծի և Թբիլիսիի հայկական թատրոնի վերանորոգման մասին». www.ankakh.com (անգլերեն). Արխիվացված է օրիգինալից 2019 թ․ ապրիլի 17-ին. Վերցված է 2019 թ․ ապրիլի 17-ին.
- ↑ «AV Production - Արմեն Բայանդուրյան». avproduction.am. Արխիվացված է օրիգինալից 2021 թ․ հոկտեմբերի 27-ին. Վերցված է 2019 թ․ ապրիլի 17-ին.
Վիքիդարանն ունի նյութեր, որոնք վերաբերում են «Արմեն Բայանդուրյան» հոդվածին։ |