Արմեն Բայանդուրյան

Արմեն Սերգոյի Բայանդուրյան (սեպտեմբերի 12, 1953(1953-09-12), Խաչեն, Վրաստան), հայ բեմադրիչ, դերասան, արձակագիր, դրամատուրգ։ Թբիլիսիի Պետրոս Ադամյանի անվան պետական հայկական դրամատիկական թատրոնի գեղարվեստական ղեկավար (1994):

Արմեն Բայանդուրյան
Ծնվել է	սեպտեմբերի 12, 1953(1953-09-12) (70 տարեկան)
Ծննդավայր	Խաչեն, Վրաստան
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Վրաստան
Մասնագիտություն	դերասան և ռեժիսոր

Կենսագրություն

Արմեն Բայանդուրյանը ծնվել է 1953 թվականի սեպտեմբերի 12-ին, Վրաստանի Թեթրիծղարոյի մունիցիպալիտետի Դաղեթ-Խաչեն գյուղում։ Ավարտել է տեղի միջնակարգ դպրոցը և աշխատել գյուղի ակումբում։ Այնուհետև տեղափոխվել է Թբիլիսի և պետական հայկական դրամատիկական թատրոնում աշխատել որպես դերասան։ 1992 թվականին ավարտել է ԵՊՀ հոգեբանության ֆակուլտետը, 1999 թվականին՝ Երևանի գեղարվեստա-թատերական ինստիտուտի ռեժիսորական ֆակուլտետի հեռակա բաժինը։ Ավարտելու հետո վերադարձել է Թբիլիսի։ Շուրջ 10 թատերգությունների հեղինակ է, որոնք բեմադրվել են Թբիլիսիում, Երևանում և Վիեննայում։ 1994 թվականից ղեկավարում է Թբիլիսիի Պետրոս Ադամյանի անվան պետական հայկական դրամատիկական թատրոնը։ 2004 թվականին ընտրվել է Վրաստանի խորհրդարանի պատգամավոր։ Եղել է Վրաստանի հայերի փոխնախագահը, անդամակցում է Վրաստանի հայ գրողների «Վերնատուն» միությանը։

Երկեր

Մամուլ

• Դու միշտ կաս... (նկարչուհի Գայանե Խաչատրյանի հիշատակին)։ Կամուրջ, Թբիլիսի, Վրաստանի գրողների ստեղծագործական միություն, 2009, էջ 43-44։

Պարգևներ

• ՀՀ «Մովսես Խորենացի» մեդալ (1999)
• Վրաստանի «Պատվո շքանշան» (2001)

Ծանոթագրություններ

Վիքիդարանն ունի նյութեր, որոնք վերաբերում են «Արմեն Բայանդուրյան» հոդվածին։