Բացել գլխավոր ցանկը

Բորնմութ անգլիական պրոֆեսիոնալ ֆուտբոլային ակումբ է համանուն քաղաքից։ Ակումբը հիմնադրվել է 1899 թվականին, տնային խաղերն անցկացնում է Դին Կորտ մարզադաշտում, գույներն են սև-կարմիր-սպիտակ։ Ներկայումս թիմը հանդես է գալիս Պրեմիեր Լիգայում:

Բորնմութ
Afc bournemouth.svg
Ամբողջական անուն Athletic Football Club Bournemouth
Մականուն(ներ) The Cherries (Բալեր)
Գույներ Սև-կարմիր-սպիտակ
Հիմնադրում 1899
Երկիր Flag of the United Kingdom.svg Միացյալ Թագավորություն
Մարզադաշտ Դին Կորտ, Բորնմութ
Տարողունակություն 11,360
Տեր Մաքսիմ Դեմին
Նախագահ Ջեֆ Մոստին
Մարզիչ Էդդի Հաու
Կայք
Լիգա Պրեմիեր Լիգա
2016-17 9-րդ
Տան դաշտ
Մրցակցի դաշտ
Երրորդ համազգեստ

ՊատմությունԽմբագրել

1890 թվականին առաջին անգամ հիշատակվում է Boscombe St. John's Lads’ Institute F.C. անունով Սեյնթ-Ջոն համալսարանի ուսանողական թիմը, որը հանդես էր գալիս շրջանային առաջնությունում։ 1890-ականներին ակումբն ուներ տեղական մակարդակ և միայն 1899 թվականի աշնանը թիմն առանձնացավ համալսարանից և շրջանի անունով կոչվեց «Բոսկոմբ»։ 1899/1900 մրցաշրջանում «Բոսկոմբը» հանդես եկավ Բորնմութի շրջանային պատանեկան լիգայում և Հեմփշիրի պատանեկան գավաթում։ 1905/06 մրցաշրջանի ավարտին ակումբը թույլտվություն ստացավ հանդես գալ մեծահասակների սիրողական լիգայում։

1910 թվականին ստանալով հողատարածք՝ «Բոսկոմբը» սկսեց Դին Կորտ մարզադաշտի շինարարությունը։ Նույն տարի ակումբը ստորագրեց իր առաջին պրոֆեսիոնալ պայմանագիրը ֆուտբոլիստի հետ։ 1913/14 մրցաշրջանում «Բոսկոմբն» առաջին անգամ Անգլիայի գավաթում հանդես գալու թույլտվություն ստացավ, սակայն առաջին համաշխարհային պատերազմը թույլ չտվեց ակումբը զարգանա և այն վերադարձավ Հեմփշիրի լիգա։

1920 թվականին ստեղծվեց երրորդ դիվիզոնը և «Բոսկոմբը» Հեմփշիրի լիգայից տեղափոխվեց Հարավային լիգա։ Հարավային լիգայում իր երրորդ մրցաշրջանում ակումբը զբաղեցրեց երկրորդ տեղը և դուրս եկավ ֆուտբոլային լիգա։ Ֆուտբոլային լիգայում հանդես գալու թույլտվություն ստանալուց հետո ակումբը վերանվանվեց «Բորնմութ», որն արդեն ներկայացնում էր ողջ քաղաքը։ 1970 թվականին «Բորնմութը» 47 տարվա մեջ առաջին անգամ դուրս մնաց երրորդ դիվիզիոնից։ 1987/88 մրցաշրջանում «Բորնմութը» Հարի Ռեդնապի գլխավորությամբ նորամուտը նշեց երկրորդ դիվիզոնում, սակայն երեք տարի հետո կրկին վերադարձավ երրորդ դիվիզոն։

2009 թվականին ակումբը գլխավորեց թիմի նախկին ֆուտբոլիստ Էդդի Հաուն։ Առաջին մրցաշրջանի ընթացքում Հաուն ակումբը դուրս բերեց երրորդ լիգա։

2010-ականների սկզբին ակումբի բաժնետոմսերի վերահսկիչ փաթեթը գնեց ռուս գործարար Մաքսիմ Դեմինը։

«Բորնմութը» 2012/13 մրցաշրջանում բարձրացավ Չեմպիոնշիպ։ 2014/15 մրցաշրջանի արդյունքում «Բորնմութն» իր պատմության մեջ առաջին անգամ Պրեմիեր Լիգայի ուղեգիր նվաճեց[1]։

Ներկա կազմԽմբագրել

ՆվաճումներԽմբագրել

ԾանոթագրություններԽմբագրել

Արտաքին հղումներԽմբագրել