Ֆրեդ Աֆրիկյան

Ֆրեդ Աֆրիկյան;
Ի ծնե	Ֆրեդ Գուրգենի Աֆրիկյան
Ծնվել է	մարտի 25, 1937
Ծննդավայր	Արթիկ, Հայկական ԽՍՀ, ԽՍՀՄ
Մահացել է	հոկտեմբերի 13, 2018 (81 տարեկան)
Վախճանի վայր	Երևան, Հայաստան
Ազգություն	հայ
Ճյուղ(եր)	ճարտարապետություն
Գործունեություն	ճարտարապետ
Կրթություն	ՀԱՊՀ (1961)
Աշխատավայր	Հայնախագիծ
Ուշագրավ աշխատանքներ	Հայոց այբուբենի հուշարձան, Մարտական ծառայության մեդալ և «Հայրենիքին մատուցած ծառայությունների համար» մեդալ
Պարգևներ	Հայաստանի մշակույթի նախարարության ոսկե մեդալ
	Ֆրեդ Աֆրիկյան Վիքիքաղվածքում
	Fred Afrikyan Վիքիպահեստում

Ֆրեդ Գուրգենի Աֆրիկյան (մարտի 25, 1937(1937-03-25), Արթիկ, Հայկական ԽՍՀ, ԽՍՀՄ - հոկտեմբերի 13, 2018(2018-10-13), Երևան, Հայաստան), հայ ճարտարապետ, նկարիչ-ձևավորող, տառաստեղծ։ Եղել է Հայաստանի ճարտարապետների միության անդամ։

Կենսագրություն խմբագրել

1955-1961 թվականներին սովորել է Երևանի պոլիտեխնիկական ինստիտուտի ճարտարապետական բաժնում։ 1961-2003 թվականներին աշխատել է «Հայնախագիծ» նախագծային ինստիտուտում նախ որպես ճարտարապետ, ապա՝ նախագծի գլխավոր ճարտարապետ։ 1963 թվականից եղել է Հայաստանի ճարտարապետների միության անդամ։ Ֆրեդ Աֆրիկյանը մեծ ներդրում ունի հայ տառարվեստի և գրքերի գեղարվեստական ձևավորումների ասպարեզում^[1]^[2]։ 1984 թվականին լույս է տեսել նրա «Տառարվեստ» ալբոմը՝ 150 հեղինակային տառատեսակներով, 2011 թվականին՝ «Հայ Գիր» ալբոմը նոր 200 տառատեսակներով^[3]։

Ճարտարապետ Աննա Ալոյանի ամուսինն է, նկարչուհի Մանո Աֆրիկյանի հայրը։

Ստեղծագործական ուղի խմբագրել

1984 թվականին Աֆրիկյանի հեղինակությամբ հրատարակվել է «Տառարվեստ» ալբոմը, որը պարունակում է 120 հայկական գեղարվեստական տառատեսակներ։ 2011 թվականին հրատարակվել է նրա դասական և կանոնական համակարգերի հայկական տպագրական տառատեսակների 200 շրիֆտներ պարունակող «Հայգիր» կատալոգը։ Գեղարվեստականորեն ձևավորել է շուրջ 400 գիրք, որից չորսը իր հեղինակած բանաստեղծությունների՝ «Պոեմ էակի», «Օրհներգումն արեգական», «Մարդ միսթիկական», «Աֆորիզմներ» ժողովածուները։

Հայոց այբուբենի հուշարձան

Իրականացրել է հետևյալ հեղինակային նախագծեր՝

Լենինականի Արագած փողոցի բնակելի տներ և դրանց կառուցապատում
Լենինականի տեքստիլ կոմբինատի վարչական շենք
Լենինականի ծածկած շուկա
Ծաղկաձորի պիոներ ճամբար
Իջևանի պիոներ ճամբար
Մեծամորի մշակույթի պալատ
Կամոյի մշակույթի պալատ
Մասիսի գեղագիտության կենտրոն
Աբովյանի ստորգետնյա երկդահլիճ կինոթատրոն
Ապարանի մայրուղուն առընթեր Հայաստանում գրերի գյուտի 1500 ամյակին նվիրված «Հայոց այբուբենի հուշարձան»

Հեղինակ է կառավարական երեք մեդալների՝

«Մարտական ծառայության համար»
«Արիության համար»
«Հայրենիքին մատուցած ծառայությունների համար»

Հեղինակային գրքեր խմբագրել

Տառարվեստ։ Հայկական գեղարվեստական տառատեսակների 120 տախտակ։ «Սովետական գրող», 1984^[4]
Հայկական նոր տպագրական տառատեսակների «ՀԱՅԳԻՐ» կատալոգը, 2011 (200 տառատեսակներ)
«Աֆորիզմներ», 1995
«Պոեմ էակի», 2000
«Օրհներգումն արեգական», 2000
«Մարդ միսթիկական», 2007
«Բևեռացում», 2017, ISBN 978-9939-0-2443-1