Արման Մելիքյան
| Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
Արման Վարդանի Մելիքյան (մարտի 11, 1963, Երևան, Հայկական ԽՍՀ, ԽՍՀՄ), հայ քաղաքական գործիչ, դիվանագետ, Արցախի Հանրապետության արտաքին գործերի նախկին նախարար։
| Արման Մելիքյան | |
|---|---|
| Ծնվել է | մարտի 11, 1963 (61 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵՊՀ արևելագիտության ֆակուլտետ |
| Մասնագիտություն | դիվանագետ և քաղաքական գործիչ |
| Զբաղեցրած պաշտոններ | Արտաքին գործերի նախարար |
Կենսագրություն խմբագրել
Արման Վարդանի Մելիքյանը ծնվել է Երևանում 1963 թվականին։ Միջնակարգ կրթությունը ստացել է Երևանի թիվ 102 անգլիական թեքումով դպրոցում։ 1984 թ. ավարտել է Երևանի պետական համալսարանի արևելագիտության ֆակուլտետի իրանագիտության բաժինը։ 1985-1991 թթ. աշխատել է Հայաստանի ռադիոյի և և հեռուստատեսության պետական կոմիտեի համակարգում։ 1986-89 թթ. ուսանել է Հայաստանի Գիտությունների ակադեմիայի հնագիտության և ազգագրության ինստիտուտի ասպիրանտուրայում։ Միաժամանակ աշխատել է Հայաստանի ԳԱ-ին առընթեր Աշխարհագրական ընկերության քարանձավագիտական արշավախմբի կազմում։ 1991-1993 թթ. աշխատել է Հայաստանի Հանրապետության Գերագույն Խորհրդի արտաքին հարաբերությունների հանձնաժողովում՝ որպես գլխավոր փորձագետ։ 1993-1999 թթ. ղեկավարել է Ղազախստանում և Ղրղզստանում Հայաստանի Հանրապետության դիվանագիտական առաքելությունները։ 1999 թ.-ից հանդիսանում էր Հայաստանի Հանրապետության ԱԳՆ հատուկ հանձնարարություններով դեսպան։ 1999-2001 թթ. եղել է «Արմենիկում» ՊՓԲԸ գործադիր տնօրենը։ 2001-2004 թթ. ղեկավարել է ՀՀ-ում ԼՂՀ Մշտական ներկայացուցչությունը։ 2004 թ. նշանակվել է Լեռնային Ղարաբաղի Հանրապետության արտաքին գործերի նախարար, այնուհետև ստանձնել է ԼՂՀ Նախագահի արտաքին քաղաքականության հարցերով խորհրդականի պաշտոնը։ 2007 թ. հրաժարական է տվել ԼՂՀ Նախագահի արտաքին քաղաքականության հարցերով խորհրդականի պաշտոնից։ 2008 թ. մասնակցել է ՀՀ Նախագահի ընտրություններին որպես նախագահի թեկնածու։ 2007 թ. մինչև ներկա պահը «Փախստականները և միջազգային իրավունքը» քաղաքացիական հասարակության ցանցի հասարակական կարգով քաղաքական հարցերով խորհրդատուն է։
Դիվանագիտական գործունեությունը խմբագրել
1993-1999 թթ. ղեկավարել է Ղազախստանում և Ղրղզստանում Հայաստանի Հանրապետության դիվանագիտական առաքելությունները։ 1999-ից հանդիսանում էր Հայաստանի Հանրապետության ԱԳՆ հատուկ հանձնարարություններով դեսպան։ 2001-2004 թթ. ղեկավարել է ՀՀ-ում ԼՂՀ Մշտական ներկայացուցչությունը։ 2004 թ. նշանակվել է Լեռնային Ղարաբաղի Հանրապետության արտաքին գործերի նախարար, 2005 թ.-ին ստանձնել է ԼՂՀ նախագահի արտաքին քաղաքականության հարցերով խորհրդականի պաշտոնը։ Ունի ՀՀ արտակարգ և լիազոր դեսպանի դիվանագիտական աստիճան։
Այլ գործունեություն խմբագրել
1999-2001 թթ. եղել է «Արմենիկում» ՊՓԲԸ տնօրենը։
2008 թ.-ի նախագահական ընտրություններ խմբագրել
2008-ի ՀՀ նախագահական ընտրություններում եղել է ՀՀ նախագահի թեկնածու՝ 9 թեկնածուների մեջ զբաղեցնելով 8-րդ տեղը՝ 4399 ձայնով[1]։
2013 թ. նախագահական ընտրություններ խմբագրել
2012 թ. դեկտեմբերի 29-ին առաջադրվել է ՀՀ Նախագահի թեկնածու։
Ընտանիք խմբագրել
Ամուսնացած է, ունի 2 երեխա։
Ծանոթագրություններ խմբագրել
- ↑ Ընտրությունների արդյունքները՝ ՀՀ ԿԸՀ կայքում(չաշխատող հղում)
Արտաքին հղումներ խմբագրել
- Արման Մելիքյանի մասին hetq.am կայքում(չաշխատող հղում)
| Նախորդող Աշոտ Ղուլյան |
ԼՂՀ Արտաքին գործերի նախարար Արման Մելիքյան 2004-2005 |
Հաջորդող Գեորգի Պետրոսյան |