Արավուս

Արավուս, գյուղ Հայաստանի Հանրապետության Սյունիքի մարզում, Գորիսից մոտ 12 կմ հյուսիս-արևելք, Տեղ գյուղի մոտ, Գորիս-Ստեփանակերտ մայրուղու ձախ կողմում, ծովի մակարդակից մոտ 1350-1390 մ բարձրության վրա` լեռնալանջին։ Հեռավորությունը Կապան մարզկենտրոնից կազմում է մոտ 103 կմ։

Գյուղ
Երկիր	Հայաստան
Մարզ	ՍյունիքիՍյունիքի մարզ|Սյունիքի
Մակերես	4,43 կմ²
ԲԾՄ	1350 մետր
Պաշտոնական լեզու	հայերեն
Բնակչություն	171 մարդ (2011)
Ազգային կազմ	Հայեր,
Ժամային գոտի	UTC+4
Արավուս (Հայաստան)

Նույն անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Գորիսի շրջանի։ Գյուղում 1933 թվականին կազմավորվել է կոլտնտեսություն, որը լուծարվել է 1991 թվականին, նախկինում ընդգրկված էր Տեղի գյուղխորհրդի կազմում, տարանջատվել է 1991 թվականին։ 1995 թվականից մտնում է ՀՀ Սյունիքի մարզի մեջ, 2016 թվականից մաս է կազմում խոշորացված Տեղ համայնքի։

Բնակչություն

Ըստ ՀՀ 2011 թ. մարդահամարի արդյունքների` Արավուսի բնակչությունը կազմել է 171 մարդ։ Գյուղը մշտապես բնակեցված է եղել հայերով, որոնց մի նասի նախնիներն 18-րդ դարում այստեղ են եկել Արցախի Արավուս (Քարագլուխ) գյուղից։ Արավուսի բնակչության փոփոխությունը ժամանակի ընթացքում` ստորև.

Տարի	1831	1873	1897	1926	1959	1970	1979	1989	2001	2011
Բնակիչ	16	68	159	174	251	200	117	325	168	171

Տնտեսություն

Բնակչությունը զբաղվում է անասնաբուծությամբ և դաշտավարությամբ։

Գյուղատնտեսությամբ զբաղվում է 47 գյուղացիական տնտեսություն։ Անասնագլխաքանակը 2012 թ. հունվարի 1-ի դրությամբ կազմում է.

• խոշոր եղջերավոր անասուններ՝ 373 գլուխ,
• մանր եղջերավոր անասուններ՝ 496 գլուխ,
• խոզեր՝ 3 գլուխ

Համայնքում 2010 թվականին կատարվել է հացահատիկային մշակաբույսերի 180 հա աշնանացան։

Հողային և այլ բնական ռեսուրսներ

Հողեր (ընդամենը)՝ 443 հա, այդ թվում՝

• Գյուղատնտեսական նշանակության հողեր՝ 410 հա, որից՝
• վարելահող՝ 229 հա, խոտհարք՝ 22 հա, արոտ՝ 50 հա, այլ հողատեսք՝ 109 հա
• բնակավայրերի հողեր՝ 28 հա,
• արդյունաբերության, ընդերքօգտագործման և այլ արտադրական նշանակության հողեր՝ 1 հա
• էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր՝1 հա
• հատուկ պահպանվող տարածքների հողեր՝ 1 հա,
• ջրային հողեր՝ 3 հա։

Պատմամշակութային կառույցներ

Արավուսում կան XVIII դարի Սբ. Սարգիս եկեղեցի և Սբ. Հռիփսիմե մատուռ։

Տես նաև

• Արավուսի պատմության և մշակույթի անշարժ հուշարձանների ցանկ (Սյունիքի մարզ)

Արտաքին հղումներ

• Էջը Սյունիքի մարզպետարանի կայքում Archived 2012-04-16 at the Wayback Machine.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 689)։