Աննա Քրիբել
Աննա Բիրգիտտե Քրիբել (նորվ.՝ Anna Birgitte Kriebel կամ ուղղակի Քրիբել[1], օգոստոսի 20, 1861, Տրոնհեյմ, Տրոնհեյմ, Նորվեգիա - փետրվարի 1, 1926, Միլան, Իտալիայի թագավորություն), նորվեգացի օպերային երգչուհի, սոպրանո։
| Աննա Քրիբել | |
|---|---|
 | |
| Ծնվել է | օգոստոսի 20, 1861 Տրոնհեյմ, Տրոնհեյմ, Նորվեգիա |
| Երկիր |  Նորվեգիա |
| Մահացել է | փետրվարի 1, 1926 (64 տարեկան) Միլան, Իտալիայի թագավորություն |
| Մասնագիտություն | օպերային երգչուհի |
| Երգչաձայն | սոպրանո |
| Գործիքներ | վոկալ |
| Ամուսին | Վիտորիո Մարիա Վանզո |
Կենսագրություն և կարիերա խմբագրել
Աննա Քրիբելը ծնվել է նորվեգական Թրոնհեյմ քաղաքում 1861 թվականին՝ ատաղծագործի ընտանիքում[2]։ Երգել սովորել է հայրենի քաղաքում։ 1886 թվականին հանդիպել է Էդվարդ Գրիգի հետ, որը շատ է հավանում ապագա երգչուհու ձայնը[3]։
1887 թվականին Աննան ելույթներով հանդես է գալիս Ֆրանսիայի մայրաքաղաք Փարիզում՝ սկանդինավյան երաժշտության երեկույթներին, որը կազմակերպել էր Օսկար Կոմետտանը։ Այստեղ Աննա Քրիբելը մեծ ճանաչում է գտնում և նրան կոչում են «մեծ շնորհք ունեցող երիտասարդ նորվեգուհի»[4]։
1889 թվականին երգչուհին հանդես է գալիս Գերմանիայում։ Նույն թվականին իր դեբյուտն է կատարել իտալական բեմերում՝ Լիվոռնոյում։ Այստեղ կատարեց Ջակոմո Մեյերբերի «Հուգենոտներ» օպերայում Մարգարիտա Վալուայի պարտիան։ Երաժշտական քննադատները Աննա Քրիբելի ձայնը որակեցին որպես ուժեղ և զրնգուն[5]։ «Հուգենոտներ» օպերայի դիրիժորը Վիտտորիո Վանզոն էր, ում հետ հետագայում՝ երկու տարի անց ամուսնացավ երգչուհին։ Ամուսնու հետ Աննան շատ անգամներ բեմ բարձրացավ, այդ թվում և Լա Սկալայում։
Երգչուհին երբեմն-երբեմն վերադառնում էր հայրենիք՝ հյուրախաղերի։ 1902 թվականին նա Յուհան Հալվորսենի հրավերով Նորվեգիայի մայրաքաղաքում կատարում է Մոցարտի «Դոն Ժուան» օպերայի Դոննա Աննայի արիան։ 1906 թվականին կրկին է վերադառնում Նովեգիա, որպեսզի նոյեմբերի 22-ին ելույթ ունենա Հակոն VII արքայի գահակալման արարողությանը։
Օպերայից հեռանալուց հետո Աննա Բիրգիտտե Քրիբելը դասավանդել է Միլանի վոկալիստների դպրոցում։
Երգչուհին իր մահկանացուն կնքել է 1926 թվականի փետրվարի 1-ին։
Ծանոթագրություններ խմբագրել
- ↑ Anna Birgitte Kriebel-Vanzo: Страница на сайте «Норвежский музыкально-исторический архив» Института музыковедения Университета Осло (նորվ.). В других источниках встречаются 1862, 1863 и 1867.
- ↑ Anna Birgette Kribel: Страница на сайте Государственной архивной службы Норвегии (նորվ.)
- ↑ Beryl Foster. The Songs of Edvard Grieg — Boydell Press, 2007. — P. 22. (անգլ.)
- ↑ A. Tausserat. Musique Scandinave // Revue des traditions populaires, 1887, No. 5 (25 Mai), p. 222. (ֆր.)
- ↑ Nostre corrispondenze // Il Teatro illustrato e la musica popolare, Giugno 1889, No. 102, p. 90. (իտալ.)
Գրականություն խմբագրել
- Marte Mona. Berømte og gløymde Trondheimskvinner. — Norske Samlaget, 2004. — P. 21-24. (նորվ.)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Աննա Քրիբել կատեգորիայում։ |