Վիքիպեդիա

Այրին Շարաֆ

Այրին Շարաֆ (անգլ.՝ Irene Sharaff, հունվարի 23, 1910(1910-01-23)[1][2], Նյու Յորք, Նյու Յորք, ԱՄՆ - օգոստոսի 10, 1993(1993-08-10)[1][2] կամ օգոստոսի 16, 1993(1993-08-16)[3], Նյու Յորք, Նյու Յորք, ԱՄՆ[4]), ամերիկացի կոստյումների դիզայներ, Օսկար և Թոնի մրցանակների դափնեկիր։

Այրին Շարաֆ
Ծնվել էհունվարի 23, 1910(1910-01-23)[1][2]
ԾննդավայրՆյու Յորք, Նյու Յորք, ԱՄՆ
Վախճանվել էօգոստոսի 10, 1993(1993-08-10)[1][2] (83 տարեկան) կամ օգոստոսի 16, 1993(1993-08-16)[3] (83 տարեկան)
Մահվան վայրՆյու Յորք, Նյու Յորք, ԱՄՆ[4]
Քաղաքացիություն ԱՄՆ
ԿրթությունԳրան–Շոմիե ակադեմիա և Փարսոնս դիզայնի դպրոց
Մասնագիտությունհագուստ ձևագծող, նորաձևության դիզայներ և բեմանկարիչ
Թեմաներկինոնկար[5] և թատրոն[5]
Պարգևներ
 Irene Sharaff Վիքիպահեստում

Կենսագրություն խմբագրել

Շարաֆը ծնվել է Բոստոնում։ Սովորել է Նյու Յորքի գեղարվեստի և կիրառական արվեստի դպրոցում, Նյու Յորքի գեղարվեստի ուսանողների լիգայում, Փարիզի Գրանդ Շոմիեր ակադեմիայում։

Աշխատանքային գործունեությունը սկսել է որպես նորաձևության իլյուստրատոր, այնուհետև սկսել է զբաղվել կոստյումների դիզայնով։ Ֆիլմարտադրությունում նրա գործունեությունը սկսվել է 1931 թվականին Բրոդվեյ ընկերության «Ալիսը հրաշքների աշխարհում» ֆիլմով։ «Թագավորը և ես» (1951) ֆիլմում նա օգտագործում է Թայլանդից բերված մետաքս՝ նորաձևության աշխարհում ստեղծելով նոր տենդենց[6]։

Շարաֆի աշխատանքները ցուցադրվել են «Արևմտյան կողմի պատմություն» (Օսկար մրցանակ, 1961), «Կլեոպատրա» (Օսկար մրցանակ, 1963), «Հանդիպիր ինձ Սենտ Լուիսում», «Ողջույն, Դոլլի», «Սիրելի մայրիկ», «Կեսգիշերի մյուս կողմը», «Ով է վախենում Վիրջինիայի գայլից» (Օսկար մրցանակ, 1966), «Տղաներն ու տիկնիկները», «Մեր կյանքի լավագույն օրերը», «Թագավորը և ես» (Օսկար մրցանակ, 1956), «Ամերիկացին Փարիզում» (Օսկար մրցանակ, 1951), «Զվարճալի աղջիկը», «Փորգի և Բես»։

Շարաֆը կոստյումներ է ստեղծել նաև Ամերիկյան բալետի թատրոնի, Նյու Յորքի բալետի, Մոնտե Կառլոյի ռուսական բալետի համար, նկարազարդումներ է արել նորաձևության ամսագրերի համար՝ Vogueo, Harper's Bazaar:

Սահմանվել է «Թատրոնի զարգացման ֆոնդի» «Irene Sharaff Lifetime Achievement» մրցանակ։ Մրցանակի առաջին ստացողը եղել է Շարաֆը 1993 թվականին։ Մրցանակը շնորհվում է ամեն տարի այն կոստյում դիզայներին, ով իր գործունեության ընթացքում թատրոնի, կինոյի, օպերայի ու պարի բնագավառում հասել է հռչակի և վարպետության[7][8]։

Շարաֆը մահացել է 83 տարեկան հասակում սրտի կանգից Նյու Յորքում[6]։ Շարաֆը իր և գործընկերոջ Մեմե Զեի գրքերի հավաքածուն նվիրաբերել է Նյու Յորքի գրադարանի հասարակությանը[9]։

Ֆիլմեր խմբագրել

Ֆիլմեր
Տարեթիվ Ֆիլմը հայերեն ՖԻլմը բնօրինակ լեզվով Մրցանակներ, անվանակարգեր
1944 Հանդիպիր ինձ Սենտ Սուիսում Meet Me in St. Louis
1945 Զիլֆելդի անհեթեթությունները Ziegfeld Follies
1945 Յոլանդան և գողը Yolanda and the Thief
1946 Մութ հայելի The Dark Mirror
1946 Մեր կյանքի լավագույն օրերը The Best Years of Our Lives
1947 Ուոլթեր Միթի գաղտնի կյանքը The Secret Life of Walter Mitty
1947 Եպիսկոպոսի կինը The Bishop’s Wife
1948 Երգ է ծնվում A Song Is Born
1948 Յուրաքանչյուր աղջիկ պետք է ամուսնանա Every Girl Should Be Married
1951 Ամերիկացին Փարիզում An American in Paris Օսկար լավագույն կոստյում դիզայնի համար
1953 Ինձ մադամ անվանիր Call Me Madam Օսկարի առաջադրում լավագույն կոստյում դիզայնի համար
1954 Բրիգադուն Brigadoon Օսկարի առաջադրում լավագույն կոստյում դիզայնի համար
1954 Աստղ է ծնվել A Star Is Born Օսկարի առաջադրում լավագույն կոստյում դիզայնի համար
1955 Տղաներ և տիկնիկներ Guys and Dolls Օսկարի առաջադրում լավագույն կոստյում դիզայնի համար
1956 Թագավորը և ես The King and I Օսկար լավագույն կոստյում դիզայնի համար
Թոնի
1958 Ամսվա DuPont շոուն DuPont Show of the Month
1959 Պորգի և Բես Porgy and Bess Օսկարի առաջադրում լավագույն կոստյում դիզայնի համար
1960 Կան-կան Can-Can Օսկարի առաջադրում լավագույն կոստյում դիզայնի համար
1961 Թմբուկի ծաղկային երգը Flower Drum Song Օսկարի առաջադրում լավագույն կոստյում դիզայնի համար
1961 Արևմտյան կողմի պատմություն West Side Story Օսկար լավագույն կոստյում դիզայնի համար
1963 Կլեոպատրա Cleopatra Օսկար լավագույն կոստյում դիզայնի համար
1965 Կտցար The Sandpiper
1966 Ո՞վ է վախենում Վիրջինիա վուլֆից Who’s Afraid of Virginia Woolf? Օսկար լավագույն կոստյում դիզայնի համար
1967 Կամակոր կնոջ սանձումը The Taming of the Shrew Օսկարի առաջադրում լավագույն կոստյում դիզայնի համար
1968 Զվարճալի աղջիկ Funny Girl Օսկարի առաջադրում լավագույն կոստյում դիզայնի համար
1968 Պատահար կենտրոնական զբոսայգում
1969 Ջասթին Justine
1969 Ողջույն, Դոլլի Hello, Dolly! Օսկարի առաջադրում լավագույն կոստյում դիզայնի համար
1970 Մեծ սպիտակ հույս The Great White Hope
1977 Կեսգիշերի մյուս կողմը Օսկարի առաջադրում լավագույն կոստյում դիզայնի համար
1981 Սիրելի մայրիկ Mommie Dearest

Ծանոթագրություններ խմբագրել

  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 2,2 2,3 2,4 Internet Broadway Database — 2000.
  3. ↑ 3,0 3,1 3,2 https://www.nytimes.com/1993/08/17/obituaries/irene-sharaff-designer-83-dies-costumes-won-tony-and-oscars.html
  4. ↑ 4,0 4,1 4,2 Deutsche Nationalbibliothek Record #1048022021 // Gemeinsame Normdatei (գերմ.) — 2012—2016.
  5. ↑ 5,0 5,1 Չեխիայի ազգային գրադարանի կատալոգ
  6. ↑ 6,0 6,1 Howe, Marvine. "Irene Sharaff, Designer, 83, Dies; Costumes Won Tony and Oscars". The New York Times, August 17, 1993
  7. ↑ Hetrick, Adam.Irene Sharaff Awards to Honor Robin Wagner and Lewis Brown" playbill.com, February 22, 2011
  8. ↑ Sharaff Award Արխիվացված 2010-12-18 Wayback Machine tdf.org, accessed February 22, 2011
  9. ↑ https://www.nysoclib.org/collection/sharaff-sze-collection

Գրականություն խմբագրել

  • Irene Sharaff, Broadway and Hollywood: Costumes Designed by Irene Sharaff (Van Nostrans - New York, 1976).

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Այրին Շարաֆ» հոդվածին։
Ստացված է «https://hy.wikipedia.org/w/index.php?title=Այրին_Շարաֆ&oldid=9142909» էջից