Ալեքսեյ Սավրասով

Ալեքսեյ Սավրասով; ռուս.՝ Алексей Саврасов
Ծնվել է	մայիսի 12 (24), 1830
Ծննդավայր	Մոսկվա, Ռուսական կայսրություն
Վախճանվել է	սեպտեմբերի 26 (հոկտեմբերի 8), 1897 (67 տարեկան)
Մահվան վայր	Մոսկվա, Ռուսական կայսրություն
Քաղաքացիություն	Ռուսական կայսրություն
Կրթություն	Մոսկվայի նկարչության, քանդակագործության և ճարտարապետության ուսումնարան
Մասնագիտություն	նկարիչ
Ոճ	ռեալիզմ
Ժանր	բնանկար
Ուշագրավ աշխատանքներ	Սերմնագռավները վերադարձան
Զավակներ	Q96279821?
	Alexei Kondratyevich Savrasov Վիքիպահեստում

Ալեքսեյ Կոնդրատիի Սավրասով (ռուս.՝ Алексей Кондратьевич Саврасов, մայիսի 12 (24), 1830, Մոսկվա, Ռուսական կայսրություն^[1] - սեպտեմբերի 26 (հոկտեմբերի 8), 1897, Մոսկվա, Ռուսական կայսրություն^[1]), ռուս նկարիչ, Գեղարվեստական շրջիկ ցուցահանդեսների ընկերության հիմնադիր անդամ։

Կենսագրություն Խմբագրել

1844-1854 թվականներին սովորել է Մոսկվայի գեղանկարչության, քանդակագործության և ճարտարապետության ուսումնարանում։ Պերեդվիժնիկների ընկերության հիմնադիր-անդամ։ Սավրասովի վաղ շրջանի գործերում գերակշռողը ռոմանտիկական էֆեկտներն են («Կրեմլը ամպամած եղանակին», 1851)։ 1850-1860-ական թվականներին հաճախ է պատկերել հանդարտ, պատմողական տիպի բնանկարներ, ձգտել գունային ամբողջականության («Որմզդեղնի կղզին Սոկոլնիկիում», 1869), լուսաստվերի հուզական հնչողության։ Սավրասովի բնապատկերային խնդիրների որոնումների հանրագումարը «Սերմնագռավները վերադարձան» (1871) կտավն է։ Քնարականությունը, պլեների նկատմամբ հետաքրքրությունը բնորոշ է նաև հետագա գործերին («Միջգյուղյա ճանապարհ», 1873, «Բակ», 1870-ական թվականներին, թվարկվածները՝ Տրետյակովյան պատկերասրահ, Մոսկվա)։ Լինելով ռուսական քնարական բնանկարի խոշոր ներկայացուցիչ, Սավրասովը մեծ ազդեցություն է գործել XIX դարի վերջի և XX դարի սկզբի ռուս բնանկարիչների (Կոնստանտին Կորովին, Իսահակ Լևիտան) վրա։

Ծանոթագրություններ Խմբագրել

↑ ^1,0 ^1,1 ^1,2 ^1,3 ^1,4 ^1,5 Саврасов Алексей Кондратьевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 207)։

[_4c5a9852439857c4-1] 1,0 ^1,1 ^1,2 ^1,3 ^1,4 ^1,5 Саврасов Алексей Кондратьевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[1]