Ալեքսանդր Քեմուրջյան
Ալեքսանդր Լևոնի Քեմուրջյան (ռուս.՝ Александр Леонович Кемурджиан, հոկտեմբերի 4, 1921, Վլադիկավկազ - փետրվարի 25, 2003, Սանկտ Պետերբուրգ), հայ խորհրդային ականավոր գիտնական, ինժեներ-կոնստրուկտոր, գյուտարար։ Աշխարհում առաջին լուսնագնացներ և մարսագնացների ստեղծողը։ Տեխնիկական գիտությունների դոկտոր (1971), պրոֆեսոր (1971): Լենինյան մրցանակի դափնեկիր (1973):
ԿենսագրությունԽմբագրել
Ալեքսանդր Քեմուրջյանը ծնվել է 1921 թվականի հոկտեմբերի 4-ին, Ռուսաստանի Վլադիկավկազ քաղաքում: 1951 թվականին ավարտել է Մոսկվայի բարձրագույն տեխնիկական ուսումնարանը: 1951 թվականից աշխատել է Համառուսաստանյան տրանսպորտային մեքենաշինության գիտահետազոտական ինստիտուտում: 1969-1991 թվականներին եղել է փոխտնօրեն և գլխավոր կոնստրուկտոր, 1991 թվականից՝ գլխավոր խորհրդական:
Աշխատանքները վերաբերում են շարժիչների հովացման բարձրջերմաստիճանային համակարգերին, «Լուսնագնաց» կայանների ինքնագնաց շասսիների, մասնագիտացված ռոբոտների, Մարսի և նրա արբանյակ Ֆոբոսի մակերևույթի, Վեներայի ֆիզիկական հատկությունների ուսումնասիրման շարժական սարքերի ստեղծման հարցերին:
ԱնդամակցությունԽմբագրել
- Ռուսաստանի տիեզերագնացության դաշնության անդամ:
- Ռուսաստանի տիեզերագնացության ակադեմիայի անդամ:
- ԱՄՆ-ի Մոլորակային ընկերության անդամ:
- Եվրոպական երկրաֆիզիկական ընկերության (Գերմանիա) անդամ:
- Տիեզերական տարածքների հետազոտման հանձնաժողովի (թղթակից անդամ):
ՊարգևներԽմբագրել
- Լենինի շքանշան:
- Խիզախության շքանշան:
- Կարմիր աստղի շքանշան (1944):
- Հայրենական պատերազմի շքանշան (1945, 1995):
- Փառքի շքանշան:
- «Մարտական ծառայությունների համար» մեդալ:
ԵրկերԽմբագրել
- Автоматические станции для изучения поверхностного покрова Луны, М., 1976 (համահեղինակ).
- Передвижение по грунтам Луны и планет, М., 1986 (համահեղինակ).
- Планетаходы, М., 1993.
Արտաքին հղումներԽմբագրել
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |