Աթանես Առաքելյան
Աթանես Առաքելյան (հոկտեմբերի 22, 1955, Երևան, Հայկական ԽՍՀ, ԽՍՀՄ), հայ դիրիժոր։ Երևանի Կոմիտասի անվան պետական կոնսերվատորիայի պրոֆեսոր։
Կենսագրություն Խմբագրել
Աթանես Առաքելյանը ծնվել է 1955 թվականի հոկտեմբերի 22-ին Երևանում։ Ավարտել է Սայաթ-Նովայի անվան երաժշտական դպրոցի ջութակի դասարանը, Ռոմանոս Մելիքյանի անվան երաժշտական ուսումնարանի խմբավարական բաժինը, այնուհետև՝ Կոմիտասի անվան պետական կոնսերվատորիայի երգչախմբավարության բաժինը և ասպիրանտուրան և օպերային-սիմֆոնիկ դիրիժորության բաժինը[1]։
1985 թվականին ՀՀ մշակույթի նախարարությունը Առաքելյանին գործուղել է Մոսկվա՝ վերապատրաստման դասընթացների` ԽՍՀՄ ժողովրդական արտիստ, պրոֆեսոր Վլադիմիր Մինինի դասարան։ 1984-1988 թվականներին՝ Հայաստանի երգչախմբային ընկերության Արամ Տեր-Հովհաննիսյանի անվան երգչախմբի դիրիժոր։ 1988-1996 թվականներին աշխատել է Երևանի պետական երաժշտական մանկական թատրոնում։ Որպես դիրիժոր-բեմադրիչ իրականացրել է մի շարք մանկական օպերային և բալետային ներկայացումներ[1]։
1990 թվականից դասավանդում է Կոմիտասի անվան պետական կոնսերվատորիայի օպերային պատրաստման ամբիոնում, 2003 թվականից՝ նույն կոնսերվատորիայի պրոֆեսոր[1]։
1993-2008 թվականներին ղեկավարել է Ա. Բաբաջանյանի անվան երաժշտամանկավարժական քոլեջը։ 2005 թվականից՝ Ա. Սպենդիարյանի անվան օպերայի և բալետի ազգային ակադեմիական թատրոնի դիրիժոր։ 2008 թվականից Հայաստանի երաժշտական ընկերության նախագահի տեղակալն է[1]։
Խաղացանկ Խմբագրել
| Հեղինակ | Ստեղծագործություն |
|---|---|
| Արմեն Տիգրանյան | Անուշ |
| Տիգրան Չուխաջյան | Արշակ Բ |
| Լյուդվիգ Մինկուս | Դոն Կիխոտ |
| Արամ Խաչատրյան | Սպարտակ |
| Իսպանական ժող. երաժշտություն | Լորկիանա |
| Բենջամեն Բրիտտեն | Նոյյան տապան |
| Ֆրանց Քսավեր Զյուսմայեր | Անվանակոչություն |
| Ջովաննի Բատիստա Պերգոլեզի | Ստաբատ Մատեր |
| Պյոտր Չայկովսկի | Տարվա եղանակներ |
| Ստեփան Լուսիկյան | Ճպուռն ու մրջյունը |
| Էդուարդ Խաղագորտյան | Մի գլխարկի պատմություն |
| Վարդան Աճեմյան | Կիկոս |
| Դիվերտիսմենտ՝ Շտրաուսիանա | |
| «Քվազիմոդո և Էսմերալդա» փոփ-օպերա | |
| Սերգեյ Ռախմանինով | Գարուն |
Մրցանակներ և պարգևներ Խմբագրել
- ՀՀ կրթության և գիտության նախարարության ոսկե մեդալ (2005)
- ՀՀ մշակույթի նախարարության պատվոգիր (2011)
Ծանոթագրություններ Խմբագրել
- ↑ 1,0 1,1 1,2 1,3 «Աթանես Առաքելյան»։ opera.am (am-AM)։ Արխիվացված է օրիգինալից 2018-02-15-ին։ Վերցված է 2018-01-05