Ադամն ու Եվան (նկար)

Ալբրեխտ Դյուրերի նկար
(Վերահղված է Ադամը և Եվան (նկար)ից)

«Ադամն ու Եվան» (գերմ.՝ Adam und Eva), գերմանացի նկարիչ, գրաֆիկ, Արևմտաեվրոպական Վերածննդի խոշորագույն վարպետ Ալբրեխտ Դյուրերի նկարներից։ Այս աշխատանքը հեղինակը վրձնել է 1507 թվականին։ Դյուրերը երկու մեծածավալ փայտերի վրա է յուղաներկով վրձնել այն, որի չափերն են՝ 209 × 81 սմ։ «Ադամն ու Եվան» ստեղծագործությունն այսօր պահպանվում և ցուցադրվում է Պրադո թանգարանում (Մադրիդ, Իսպանիա

Ադամն ու Եվան
տեսակնկարների շարք
նկարիչԱլբրեխտ Դյուրեր
տարի1507
բարձրություն209 սանտիմետր
ստեղծման երկիր Գերմանիա
ուղղությունգերմանական Վերածնունդ
ժանրհոգևոր արվեստ և նյու
նյություղաներկ և գեղանկարչության տախտակ
գտնվում էPrado Hall 055B?
հավաքածուՊրադո թանգարան
սեփականատերՔրիստինա
հատվածն էAdam? և Եվա
հեղինակի կրկնօրինակներ2
կայք
Ծանոթագրություններ
 Adam and Eve by Dürer in the Museo del Prado Վիքիպահեստում

Ստեղծման պատմություն

խմբագրել

Դեռևս 1504 թվականին Ալբրեխտ Դյուրերը պղնձի վրա ստեղծում է «Ադամն ու Եվան» անվանումով փորագրանկարը[1], որն այս թեմայի մեջ հեղինակի առաջին ստեղծագործությունն էր։ 1507 թվականին նկարիչն արդեն երկփեղկ «Ադամն ու Եվան» նկարն է վրձնում՝ փայտյա տախտակների վրա, որը նախատեսված էր խորանի համար, որն այդպես էլ չիրագործվեց։

Դյուրերը ստեղծագործությունը վրձնեց՝ ազդված Իտալիայում կատարած ճանապարհորդությունից. նրա վրա հատկապես մեծ ազդեցություն էր թողել անտիկ արվեստը։ «Ադամն ու Եվան» ստեղծագործությունը համարվում է գերմանական գեղարվեստական դպրոցի առաջին պատկերը, որտեղ նկարված են մորեմերկ անձինք՝ իրական չափերով։

Սյուժե

խմբագրել

«Ադամն ու Եվան» ստեղծագործությունը Դյուրերը վրձնել է Աստվածաշնչի Հին Կտակարանի Ծննդոց գրքի սյուժեով։ Նկարներն իրարից անկախ երկու հատվածներ են, որոնք պետք է մաս կազմեին խորանում տեղադրվելու համար, սակայն այդպես էլ նպատակին չի ծառայում։

Ադամը պատկերված է ձեռքին խնձորենու ճյուղ։ Եվան էլ պատկերված է խնձորենու տակ կանգնած։ Նրա ձախ ձեռքին խնձոր է, որի պոչից բռնել է օձը։ Վերջինս փաթաթվել է Բարու և չարի գիտության ծառին։ Եվայից աջ, ճյուղին փակցրած է մի տախտակ, որի վրա կա գրություն, որում մասնավորապես գրված է.

  Ալբրեխտ Դյուրեր, գերմանացի, այս նկարը ստեղծել է Աստվածամոր ծննդյան տոնից հետո, 1507 թվականին։
- Ալբրեխտ Դյուրեր
 

«Ադամն ու Եվան» ստեղծագործությունն այսօր պահպանվում և ցուցադրվում է Իսպանիայի մայրաքաղաք Մադրիդում գտնվող Պրադո թանգարանում։

Ծանոթագրություններ

խմբագրել
  1. Porcu, cit., pag. 60.

Գրականություն

խմբագրել
  • Christian Schoen: Albrecht Dürer: Adam und Eva. Die Gemälde, ihre Geschichte und Rezeption bei Lucas Cranach d. Ä. und Hans Baldung Grien. Berlin, Reimer 2001, ISBN 3-496-01244-7
  • Katharina Siefert: Adam und Eva-Darstellungen der deutschen Renaissance, Karlsruhe 1994 (Dissertation)

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Ադամն ու Եվան (նկար)» հոդվածին։