Ֆարիդաբադ

Ֆարիդաբադ
Քաղաք
	Ֆարիդաբադ
	फरीदाबाद
Երկիր	Հնդկաստան
Նահանգ	Հարյանա
Համայնք	Faridabad district?
Հիմնադրված է	1607 թ.
Մակերես	2151 կմ²
ԲԾՄ	198±1 մետր
Բնակչություն	1 404 653 մարդ (2011)
Խտություն	653 մարդ/կմ²
Ժամային գոտի	UTC+5:30
Հեռախոսային կոդ	+91 129
Փոստային ինդեքս	12100x
Ավտոմոբիլային կոդ	HR-29, HR-51
Պաշտոնական կայք	faridabad.nic.in
	Ֆարիդաբադ (Հնդկաստան)
	Ֆարիդաբադ (Հնդկաստան)
	Ֆարիդաբադ Վիքիպահեստում

Ֆարիդաբադ (հինդի՝ फरीदाबाद — Pharīdābād, անգլ.՝ Faridabad), քաղաք Հնդկաստանի հյուսիսում, Հարյանա նահանգի գլխավոր արդյունաբերական կենտրոնը։ Ֆարիդաբադի գավառի վարչական կենտրոնն է։

Պատմություն

Քաղաքը հիմնադրվել է 1607 թվականին Ջահանգիր փադիշահի գանձապետ շեյխ Ֆարիդի կողմից այդ տեղով անցնող ճանապարհի պաշտպանության նպատակով։ Շեյխ Ֆարիդը կառուցել է ամրոց, շտեմերան և մզկիթ, որը ներկայումս ավերված է։ 1979 թվականի օգոստոսի 15-ին Ֆարիդաբադը դարձել է Հարյանա նահանգի 12-րդ շրջանը։

Աշխարհագրություն

Ֆարիդաբադը տեղեկայված է Դելի քաղաքից 25 կմ դեպի հարավ։ Աշխարհագրական կոորդինատներն են՝ 28°25′ հս․ լ. 77°18′ ավ. ե.^HGЯOL։ Հյուսիսում սահմանակից է Դելիի ազգային մայրաքաղաքային շրջանին, արևմուտքում՝ Գուրգաոնի շրջանին, արևելքում ու հարավում՝ Ուտտար Պրադեշ նահանգին։ Դելի-Մատհուրա № 2 ազգային ավտոմայրուղին անցնում է շրջանի կենտրոնով։ Ֆարիդաբադը երկաթուղային կայան է Դելի-Մատհուրա երկաթգծի վրա։

Ֆարիդաբադի գավառը բաժանված է 5 շրջանների՝ Ֆարիդաբադ Բալլաբգարհ,Պալվալ, Հոդալ և Հոտխին։

Քաղաքը գտնվում է հարթավայրում, որի արևելյան կողմում հոսում է Յամունա գետը, իսկ արևելքում և հարավ արևելքում ձգվում են Արավալլի բլուրները։

Բնակչություն

Ֆարիդաբադի բնակչության մեծ մասը սիկհեր և հնդիկներ են։ Բնակվում են նաև հուջարներ, ջաթեր, բենգալցիներ, ներգաղթյալներ Պակիստանից և այլն։ 2011 թվականի մարդահամարի տվյալներով՝ քաղաքի բնակչությունը կազմում է 1 404 653 մարդ։

Արդյունաբերություն

Ֆարիդաբադը հայտնի է որպես հինայի արտադրության կենտրոն։ Այնտեղ արտադրվում են նաև տրակտորներ, մոտոցիկլետներ, կոմուտատորներ, սառնարաններ, կոշիկներ և ավտոմեքենաների անվադողեր։

Ծանոթագրություններ

↑ «Urban Agglomerations/Cities having population 1 lakh and above» (PDF) (անգլերեն). Provisional Population Totals, Census of India 2011. Վերցված է 2012 թ․ սեպտեմբերի 3-ին.

Արտաքին հղումներ

Վիքիպահեստն ունի նյութեր, որոնք վերաբերում են «Ֆարիդաբադ» հոդվածին։

[население-1] «Urban Agglomerations/Cities having population 1 lakh and above» (PDF) (անգլերեն). Provisional Population Totals, Census of India 2011. Վերցված է 2012 թ․ սեպտեմբերի 3-ին.

[1]