Հարյանա, նահանգ հյուսիսարևմտյան Հնդկաստանում։ Կազմավորվել է 1966 թվականին, Փենջաբ նահանգի հարավային շրջաններից, որտեղ բնակչությունը խոսում է հինդու լեզուներով։ Տարածությունը 44 հազար կմ² է, բնակչությունը՝ 11 միլիոն (1975 թվականին), վարչական կենտրոնը՝ Չանդիգարհ։ Գտնվում է Ինդոս-Գանգեսյան դաշտավայրում։ Տնտեսությունն ունի ագրարային բնույթ։ Ցանքատարածությունների 40%-ը ոռոգվում է։ Մշակում են ցորեն, գարի, կորեկ, ընդեղեն, բամբակենի, շաքարեղեգ, յուղատուներ (գետնընկույզ և այլն)։ Զբաղվում են ցեղական խոշոր եղջերավոր անասնապահությամբ։ Արդյունաբերության հիմնական ճյուղերն են բամբակեղենի, սննդի (հիմնականում շաքարի), ապակու, թղթի արտադրությունը։ Կա տրակտորի գործարան։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 310)։ 
|
Հնդկաստան.svg)
