Վիքիպեդիա

Քրիս Օֆիլի

Քրիս Օֆիլի (անգլ.՝ Chris Ofili, հոկտեմբերի 10, 1968(1968-10-10)[1][2][3], Մանչեսթեր, Hundred of Salford, Լանքաշիր, Անգլիա, Միացյալ Թագավորություն[4][5]), նիգերիական ծագմամբ ժամանակակից բրիտանացի նկարիչ (Օֆիլիի ծնողները եկել են Նիգերիայից), վերջին ժամանակներում ապրում է Տրինիդադում։ Պատկանում է բրիտանական նկարիչների (հայտնի որպես «Երիտասարդ բրիտանական նկարիչներ») սերնդին։

Քրիս Օֆիլի
Ծնվել էհոկտեմբերի 10, 1968(1968-10-10)[1][2][3] (56 տարեկան)
ԾննդավայրՄանչեսթեր, Hundred of Salford, Լանքաշիր, Անգլիա, Միացյալ Թագավորություն[4][5]
Ազգությունաֆրոամերիկացի
Քաղաքացիություն Միացյալ Թագավորություն
ԿրթությունԱրվեստի արքայական քոլեջ, Չելսիի արվեստի և դիզայնի քոլեջ և Tameside College?
Մասնագիտություննկարիչ, քանդակագործ, արվեստագետ, վիզուալ արտիստ, գծանկարիչ և լուսանկարիչ
ՈճBlack Atlantic? և ժամանակակից արվեստ[6]
Ժանրֆիգուրատիվիզմ[6]
Ուշագրավ աշխատանքներNo Woman, No Cry?
Պարգևներ
ԱնդամակցությունԵրիտասարդ բրիտանական արվեստագետներ
 Chris Ofili Վիքիպահեստում

Կենսագրություն

խմբագրել

Ավարտել է Էշթոն-Անդեր-Լայնի Թեյմսայդ քոլեջը, այնուհետև սովորել է Չելսիի արվեստի դպրոցում (1988-1991) և Թագավորական արվեստի քոլեջում (1991-1993)։ 1992 թվականին ստացել է Բրիտանական խորհրդի կրթաթոշակ արտասահմանյան ստաժավորման համար և այդ ուղևորության համար ընտրեց Զիմբաբվե։

Հայտնի է դարձել Սաաթչի պատկերասրահում ցուցահանդեսի շնորհիվ և, մասնավորապես, «Սենսացիա» շարժական ցուցահանդեսի շնորհիվ, որը Լոնդոնում կայացել է 1997 թվականի սեպտեմբերի 18-ից դեկտեմբերի 28-ը՝ Գեղարվեստի թագավորական ակադեմիայում, իսկ հետո ցուցադրվել է Բեռլինում ( 1998 թվականի սեպտեմբերի 30-ից մինչև 1999 թվականի հունվարի 30-ը, Համբուրգյան կայարանի թանգարանում. ելնելով ծայրահեղ հանրաճանաչությունից ցուցահանդեսի ժամկետը երկարաձգվել է մեկ ամիս) և Նյու Յորքում (1999 թվականի հոկտեմբերի 2-ից մինչև 2000 թվականի հունվարի 9-ը, Բրուքլինի արվեստի թանգարանում)։ Ցուցահանդեսում ցուցադրվել է Օֆիլի «Կույս Մարիա» հսկայական (2,5 մետր բարձրությամբ) կտավը, որի ստեղծման ժամանակ Օֆիլին օգտագործել էր փղերի գոմաղբ (չնայած մամուլի բազմաթիվ հաղորդագրություններին, այդ թվում՝ ռուսական[7], այն մասին, որ նկարն ամբողջությամբ գրված է գոմաղբով, այս էկզոտիկ գեղարվեստական նյութն օգտագործվել է աշխատանքի արտաքին ձևավորման մեջ. դիմանկարը շրջապատված էր գոմաղբից մոդայիկ կերպարներով՝ հեռավոր հրեշտակների արտաքին ձև հիշեցնող. փղերի գոմաղբի[8] մշտական օգտագործումը Օֆիլի համար նրա խոսքով հանդիսանում էր Աֆրիկան իր աշխատանքներում ընդգրկելու միջոց[9])։ Նյու Յորքի ցուցադրության ընթացքում Օֆիլիի աշխատանքը երկարատև սկանդալ է առաջացրել, որի ընթացքում, մասնավորապես, նման կարգի արվեստի դեմ՝ Նյու Յորքի քաղաքապետ Ռուդոլֆ Ջուլիանին հանդես է եկել կտրուկ, իսկ ԱՄՆ Կոնգրեսի ներկայացուցիչների պալատը հոկտեմբերի 3-ին՝ ցուցահանդեսի բացման հաջորդ օրը, ընդունել է բանաձև, ըստ որի պահանջում է Բրուքլինին զրկել արվեստի թանգարանին մունիցիպալ ֆինանսավորումից, Նյու Յորքի քաղաքային խորհուրդը հետևեց այդ բանաձևին և չեղարկեց թանգարանի ֆինանսական աջակցությունը, սակայն, արդեն 1999 թվականի նոյեմբերի 1-ին այդ որոշումը բողոքարկվել է Նյու Յորքի հայտնի դատավոր Նինա Գերշոնի կողմից։

Քրիս Օֆիլին 1998 թվականին հաղթել է Թըրների մրցանակը և անցած տասնամյակում ցուցադրվել է բազմաթիվ միջազգային հաստատություններում։ 2003 թվականին նա ընտրվել է ներկայացնել Մեծ Բրիտանիան 50-րդ Վենետիկի բիենալեում, որտեղ նկարիչը ներկայացրել է իր Within Reach հավակնոտ նախագիծը։

Ստեղծագործություն

խմբագրել

Օֆիլիի աշխատանքների մեջ հյուսվում են պատկերային և մշակութաբանական տարբեր տարրեր՝ սրբազան և աշխարհիկ, անձնական և քաղաքական, բարձր և ցածր մշակույթի, կապված է սև մշակույթի պատմության և էկզոտիկայի հետ։ Նրա գրավիչ արվեստը գործում է բազմաթիվ մակարդակներում, ֆիզիկապես և փոխաբերաբար։ Գրաֆիկությունը միշտ ցուցադրելով ավելորդ մասերի հետ միասին, Օֆիլիի վերջին աշխատանքները պարզ ձևեր են ընդունում, շարունակելով լինել ընդլայնողական, դրամատիկ, զգայական և կապված մշտական նկարչի ուսումնասիրության աստվածաշնչյան թեմաների հետ։ Քանդակը Քրիս Օֆիլի աշխատանքում դառնում է ավելի կարևոր տարր, ինչը հետագայում թույլ է տալիս գնալ ձևի և բովանդակության փորձերի։ Դրա հետ մեկտեղ Օֆիլին հավատարիմ է մնում իր գեղանկարչական ոճին ՝ գիտակցաբար կլանված պատկերային պլանով, շերտավոր մակերևույթով, նյութերի հարստությամբ և ոգեշնչման բազմազան աղբյուրներով։

Անհատական ցուցահանդեսներ

խմբագրել
  • 2007 Devil’s Pie, David Zwirner Gallery, Նյու Յորք
  • 2006 The Blue Rider Extended Remix, Kestnergesellschaft, Գանովեր
  • 2005 The Upper Room, Tate Britain, Լոնդոն
  • 2005 The Blue Rider, Contemporary Fine Arts, Բեռլին
  • 2005 Afro Muses, The Studio Museum in Harlem, Նյու Յորք
  • 2003 Within Reach, Բրիտանական տաղավար Վենետիկի Բիենալեում
  • 2002 Freedom One Day, Victoria Miro Gallery, Լոնդոն
  • 2001 Chris Ofili Watercolours, Gallery Side 2, Ճապոնիա
  • 2000 New works on paper, Victoria Miro Gallery, Լոնդոն
  • 1999 Afrobiotics, Gavin Brown’s Enterprise, Նյու Յորք
  • 1999 Watercolours, Le Case d' Arte, Միլան
  • 1998 Chris Ofili, Whitworth Art Gallery, Մանչեստր
  • 1998 Chris Ofili, Serpentine Gallery, Լոնդոն, Southamton City Art Gallery, Սաութհեմփթոն
  • 1997 Pimpin Ain’t Easy But It Sure Is Fun, Contemporary Fine Arts, Բեռլին
  • 1996 Afrodizzia, Victoria Miro Gallery, Լոնդոն
  • 1995 Chris Ofili, Gavin Brown’s Enterprise, Նյու Յորք

Աշխատանքներ

խմբագրել

Քանդակագործություն

Մրցանակներ

խմբագրել
  • 2004 Honorary Fellowship University of the Arts, London
  • 2004 South Bank Award: Visual Arts, London
  • Թըրների մրցանակ, 1998, Լոնդոն
  • 1992 British Council Travel Scholarship, Zimbabwe, Africa

Ծանոթագրություններ

խմբագրել
  1. ↑ 1,0 1,1 Discogs — 2000.
  2. ↑ 2,0 2,1 Ofili, Chris // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T094007
  3. ↑ 3,0 3,1 Կերպարվեստի արխիվ — 2003.
  4. ↑ 4,0 4,1 4,2 Union List of Artist Names
  5. ↑ 5,0 5,1 5,2 Կերպարվեստի արխիվ
  6. ↑ 6,0 6,1 https://www.victoria-miro.com/artists/6-chris-ofili/
  7. ↑ Мэлор Стуруа. Слоны-производители современного искусства Արխիվացված 2007-09-28 Wayback Machine // «Известия», 16 июля 2002.
  8. ↑ Will Bennett. Elephant dung artist gives a little back // The Telegraph, 22 февраля 2002. (անգլ.)
  9. ↑ Биография Криса Офили на сайте BBC (անգլ.)

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Քրիս Օֆիլի» հոդվածին։
Ստացված է «https://hy.wikipedia.org/w/index.php?title=Քրիս_Օֆիլի&oldid=10111785» էջից