Քերոլ Ռիդ
Քերոլ Ռիդ (անգլ.՝ Carol Reed, դեկտեմբերի 30, 1906[1][2][3][…], Putney, Metropolitan Borough of Wandsworth, Լոնդոնի կոմսություն, Անգլիա, Մեծ Բրիտանիայի և Իռլանդիայի միացյալ թագավորություն - ապրիլի 25, 1976[1][2][3][…], Չելսի, Կենսինգտոն և Չելսի, Մեծ Լոնդոն, Անգլիա, Միացյալ Թագավորություն), բրիտանացի կինոռեժիսոր, «Օսկար» մրցանակի դափնեկիր։
| Քերոլ Ռիդ անգլ.՝ Carol Reed | |
|---|---|
_in_Amsterdam,_Bestanddeelnr_903-7969.jpg) | |
| Ծնվել է | դեկտեմբերի 30, 1906[1][2][3][…] |
| Ծննդավայր | Putney, Metropolitan Borough of Wandsworth, Լոնդոնի կոմսություն, Անգլիա, Մեծ Բրիտանիայի և Իռլանդիայի միացյալ թագավորություն |
| Մահացել է | ապրիլի 25, 1976[1][2][3][…] (69 տարեկան) |
| Մահվան վայր | Չելսի, Կենսինգտոն և Չելսի, Մեծ Լոնդոն, Անգլիա, Միացյալ Թագավորություն |
| Գերեզման | Լոնդոն |
| Քաղաքացիություն | .svg){kind=small} Միացյալ Թագավորություն |
| Մայրենի լեզու | բրիտանական անգլերեն |
| Կրթություն | The King's School Canterbury? |
| Երկեր | Roman Polanski: Odd Man Out?[4], The Fallen Idol?[4], The Third Man?[4], Our Man in Havana?[4], The Agony and the Ecstasy?[4], Օլիվեր[4] և Night Train to Munich?[4] |
| Մասնագիտություն | կինոռեժիսոր, կինոպրոդյուսեր, թատրոնի դերասան, սցենարիստ, ռեժիսոր և պրոդյուսեր |
| Ամուսին | Դայանա Ուինյարդ[5] և Penelope Dudley-Ward?[5] |
| Ծնողներ | հայր՝ Հերբերթ Բիրբոմ Թրի[5], մայր՝ Beatrice May Pinney?[3][5] |
| Պարգևներ և մրցանակներ | |
| Երեխաներ | Max Reed?[3][5] |
 Carol Reed Վիքիպահեստում | |
Կենսագրություն
խմբագրելՔերոլ Ռիդը դերասան Հերբերթ Բիրբոմ Թրիի արտամուսնական որդին է[6][7]։ Սովորել է Քենթերբերիի թագավորական մասնավոր դպրոցում։
1924 թվականից Ռիդը աշխատել է թատրոնում։ 1927 թվականից եղել է գրող Էդգար Ուոլեսի, որն իր սեփական կինոստուդիան էր ստեղծել, անձնական ասիստենտ։ 1932 թվականին Ռիդը հանուն կինոմատոգրաֆիայի թողել է թատրոնը։
Երեք տարի Ռիդը աշխատել է որպես հնչյունային օպերատոր և ռեժիսորի ասիստենտ, իսկ 1935 թվականին թողարկել է իր առաջին ֆիլմը՝ «Դա եղել է Փարիզում» ռոմանտիկ կատակերգությունը։ Ընդհանուր առմամբ Ռիդը թողարկել է 33 ֆիլմ, որոնցից ամենահայտնիներն են՝ «Խաղից դուրս», «Տապալված կուռք» (1948, BAFTA մրցանակ լավագույն բրիտանական կինոյի համար), «Երրորդ մարդը» (1949 Կաննի կինոփառատոնում «Ոսկյա արմավենու ճյուղ» (գլխավոր մրցանակ), բոլոր ժամանակների լավագույն բրիտանական կինոնկար՝ ըստ Բրիտանական կինոարվեստի ինստիտուտի տվյալների, 1999)[8] և «Օլիվեր» (1968, 5 «Օսկար» մրցանակ, այդ թվում՝ լավագույն ռեժիսորի համար, «Ոսկե գլոբուս» լավագույն կատակերգության կամ մյուզիքլի համար)։
Բրիտանական բանակի կազմում մասնակցել է Երկրորդ աշխարհամարտին։
Եղել է երկու անգամ ամուսնացած․ կինոսատղ Դայանա Ուինյարդի (1943-1947) և դերասանուհի Պենելոպա Դադլի Ուրդի (1948-ից) հետ։ Երկրորդ ամուսնությունից ունի որդի՝ Մաքսը։ Զարմիկը դերասան Օլիվեր Ռիդն է։ Խորթ դուստրը (Պենելոպա Դադլի Ուորդի հետ առաջին ամուսնությունից) Թրեյս Ռիդը, վերցրել է խորթ հոր անունը, նույնպես դերասանուհի է, նկարահանվել է ավելի քան 30 ֆիլմում։
Ալեքսանդր Կորդայից հետո երկրորդ կինոռեժիսորն է և առաջին բրիտանացի կինոռեժիսորը, որն իր մասնագիտական վաստակի համար արժանացել է ասպետի կոչման (1952)։
Մահացել է 1976 թվականին Չելսիում սրտամկանի ինֆարկտից։
Ֆիլմագրություն
խմբագրել- 1935՝ Դա եղել է Փարիզում / It Happened in Paris
- 1935՝ Իզի Միչման / Midshipman Easy
- 1936՝ Դևի ելույթը / Talk of the Devil
- 1937՝ Ո՞վ է ձեր տիրուհու ընկերը / Who’s Your Lady Friend?
- 1938՝ Էժան դրախտ / Penny Paradise
- 1939՝ Բարձրանալ վեր / Clibming High
- 1939՝ Աղջիկը պետք է ապրի / A Girl Must Live
- 1939՝ Աստղերը նայում են ներքև / The Stars Look Down
- 1940՝ Աղջիկը լուրերում / Girl in the News
- 1941՝ Քիփս/ Kipps
- 1941՝ Նամակ տնից / A Letter from Home
- 1942՝ Երիտասարդ միստր Փիթը/ The Young Mr Pitt
- 1943՝ Համալրում / The New Lot
- 1944՝ Ճանապարհ դեպի առաջ / The Way Ahead
- 1945՝ Ճշմարիտ փառք / The True Glory (տիտրերում նշված չէ)
- 1948՝ Տապալված կուռք / The Fallen Idol
- 1949՝ Երրորդ մարդը/ The Third Man
- 1952՝ Կղզիներից արտաքսվածը/ Outcast of the Islands
- 1953՝ Մարդը խաչմերուկում / The Man Between
- 1958՝ Բանալի/ The Key
- 1959՝ Մեր մարդը Հավանայում / Our Man in Havana
- 1963՝ վազող մարդը/ The Running Man
- 1965՝ Տանջանքներ և ուրախություններ/ The Agony and the Ecstasy
- 1968՝ Օլիվեր/ Oliver
- 1972՝ Իմ հետևից/ Follow Me!
Ծանոթագրություններ
խմբագրել- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Internet Broadway Database — 2000.
- ↑ 3,0 3,1 3,2 3,3 3,4 3,5 3,6 3,7 3,8 Lundy D. R. The Peerage
- ↑ 4,0 4,1 4,2 4,3 4,4 4,5 4,6 BFI Filmography
- ↑ 5,0 5,1 5,2 5,3 5,4 5,5 5,6 5,7 Kindred Britain
- ↑ Биография на сайте IMDb(անգլ.)
- ↑ British Film Institute: The Power And The Glory Արխիվացված 2008-10-22 Wayback Machine(անգլ.)
- ↑ IMDb: The Third Man Voted Best British Film Ever Արխիվացված 2016-03-24 Wayback Machine(անգլ.)
Արտաքին հղումներ
խմբագրել- Кэрол Рид kinopoisk կայքում
 | Վիքիպահեստն ունի նյութեր, որոնք վերաբերում են «Քերոլ Ռիդ» հոդվածին։ |