Տոմատինա

Տոմատինա; իսպ.՝ La Tomatina
	;
Տեսակ	տոնախմբություն
Ամսաթիվ	օգոստոսի 26
Տոնվում է	Իսպանիա ; Ոչ պաշտոնապես տոնվել է` ; ԱՄՆ ; Կոլումբիա ; Կոստա Ռիկա ; Միացյալ Թագավորություն (Շոտլանդիա) ; Մեքսիկա
Կայք	tomatina.es

Տոմատինա կամ Լա Տոմատինա (իսպ.՝ La Tomatina), իսպանական ազգային և մշակութային տոն, որը նշվում է օգոստոս ամսվա վերջին շաբաթում՝ սովորաբար օգոստոսի 26-ին^[1]։ Տոնի ժամանակ հավաքվածները կռվի են բռնվում՝ միմյանց լոլիկներով հարվածելով։

Սովորաբար տոնը մեծ շուքով անց է կացվում Իսպանիայի Վալենսիա քաղաքում, սակայն տոնին մասնակցում են նաև այլ քաղաքներ (Օրինակ՝ Մադրիդ, Բարսելոնա, Մալագա, և այլն)։

1982 թվականից սկսած տոնին սկսել են մասնակցել Իսպանիայից դուրս՝ Ամերիկայի Միացյալ Նահանգների Թվին գետի ափին (Կոլորադո)։ Տոնին մասնակցել են նաև Կոստա Ռիկայում, Կոլումբիայում, Մեքսիկայում և Շոտլանդիայում։

Նկարագրություն խմբագրել

Լա Տոմատինայի տոնը սկսվում է ամեն տարի օգոստոս ամսվա վերջին շաբաթում Իսպանիայում՝ առավոտյան ժամը 10-ին։ Տոնի նախօրեին բեռնատար մեքենաները հարակից Էստրեմադուրա քաղաքից լոլիկներ են տեղափոխում Վալենսիայի Պլազա դել Պուեբլա կենտրոնական հրապարակ։

Համաձայն փառատոնի կանոնների, տոնը կարող է սկսվել միայն այն բանից հետո, երբ տոնի համար նախատեսված հրապարակից վստահված անձը ազդարարի տոնի սկիզբը^[2]։

Այդ հրահանգից հետո փառատոնի բոլոր մասնակիցները սկսում են պատերազմել լոլիկներով։ Դրանք հաճախ օգտագործում են ջրային թնդանոթներ։ Մարտերի ընթացքում յուրաքանչյուր մասնակից պետք է մրցի միայնակ։

Լուրջ վնասվածքներից խուսափելու համար չի կարելի մրցույթի ժամանակ օգտագործել սուր, ծակող և կտրող իրերի, ինչպես նաև ապակյա շշեր։ Տոնի ավարտին քաղաքի կենտրոնական հրապարակը վերածվում է կարմիր հրապարակի։ Տոնի կազմակերպիչնրը շրջելով փողոցներով ջրցան մեքենաների միջոցով մաքրում են փողոցները^[3]։