Տատյանա Սուխոտինա-Տոլստայա
Տատյանա Սուխոտինա-Տոլստայա (ռուս.՝ Татьяна Львовна Сухотина-Толстая, հոկտեմբերի 4 (16), 1864[1][2], Յասնայա Պոլյանա - սեպտեմբերի 21, 1950[1][2], Հռոմ, Իտալիա), ռուս գրող, հուշագրությունների հեղինակ։
Տատյանա Սուխոտինա-Տոլստայա | |
|---|---|
 | |
| Ծնվել է | հոկտեմբերի 4 (16), 1864[1][2] |
| Ծննդավայր | Յասնայա Պոլյանա |
| Վախճանվել է | սեպտեմբերի 21, 1950[1][2] (85 տարեկան) |
| Վախճանի վայր | Հռոմ, Իտալիա |
| Գերեզման | Հռոմի ոչ կաթոլիկական գերեզմանատուն |
| Մասնագիտություն | գրող և նկարչուհի |
| Լեզու | ռուսերեն |
| Քաղաքացիություն |  Ռուսական կայսրություն, .svg){kind=small} Իտալիա և _crowned.svg){kind=small} Իտալիայի թագավորություն |
| Ժանրեր | հուշագրություն |
| Ամուսին | Միխայիլ Սուխոտին |
 Tatyana Sukhotina-Tolstaya Վիքիպահեստում | |
Լև Տոլստոյի ավագ դուստրն է։
Կենսագրություն խմբագրել
Ծնվել է 1864 թվականի հոկտեմբերի 4-ին (16), կոմս Լև Տոլստոյի ընտանիքում։ Նրա ծնունդից մեկ շաբաթ առաջ հայրը դժբախտ պատահար է ունեցել, որը կարող էր նրան զրկել աջ ձեռքի օգտագործման հնարավորությունից։ Ինչպես ավելի ուշ հենց Սուխոտինա-Տոլստայան գրել է. «Ինձ կնքել է իմ հոր ընկեր Դմիտրի Ալեքսեևիչ Դյակովը, իսկ իմ կնքամայրը եղել է տատս` Լյուբով Ալեքսանդրովնա Բերսը»։
Նա սկսել է օրագրեր վարել 14 տարեկանից և շարունակել գրեթե 40 տարի։ Լև Նիկոլաևիչը երեխաներին խրախուսել է օրագրեր պահել, և վաղ տարիներին երբեմն կարդացել է Տատյանա Լվովնայի գրառումները։ Այդ պատճառով նրա հուշերից առանձնահատուկ հետաքրքրություն են ներկայացրել հոր մասին պատմությունները, նրա կենսաձևը, առօրյա կյանքը։
1881 թվականին Տատյանան ընդունվել է Մոսկվայի նկարչության, քանդակագործության և ճարտարապետության ուսումնարան, որտեղ նրա ուսուցիչներն են եղել Վասիլի Պերովը, Իլարիոն Պրիանիշնիկովը և Լեոնիդ Պաստեռնակը։ Սովորել է նաև Նիկոլայ Գեի մոտ։
1899 թվականին նա ամուսնացել է գավառական ազնվականների առաջնորդ Միխայիլ Սերգեևիչ Սուխոտինի հետ, որը եղել է գրեթե 50 տարեկան։
Տատյանա Լվովնան, ինչպես և նրա քույրերը՝ Մարիան և Ալեքսանդրան, եղել են Տոլստոյի բուսակերական ուսմունքի հետևորդները։
1914 թվականին ամուսնու մահից հետո Տատյանան վերադարձել է Յասնայա Պոլյանա, որը հետագայում վերածվել է կալվածատուն-թանգարանի և 1917-1923 թվականներին եղել է դրա պահապանը, 1923-1925 թվականներին` Մոսկվայում Լև Տոլստոյի պետական թանգարանի տնօրենը։
1925 թվականին արտագաղթել է Ֆրանսիա։ Մասնակցել է Տոլստոյի բարեգործական հիմնադրամի աշխատանքներին, որն ստեղծվել է 1939 թվականին։ Փարիզից տեղափոխվել է Իտալիա, որտեղ էլ անցկացրել է կյանքի մնացած մասը։ Մահացել է 1950 թվականի սեպտեմբերի 21-ին Հռոմում։ Թաղված է Տեստաչո հռոմեական գերեզմանատանը (III, III, 2, 13, tomba № 1017) որդու՝ Ֆ. Սուխոտինի և դստեր՝ Տ. Սուխոտինա-Ալբերտինիի հետ։
Տատյանա Լվովնայի դուստրը` Տատյանա Սուխոտինա-Ալբերտինին (1905-1996) եղել է փաստաբան Լեոնարդո Ջուզեպպե Ալբերտինիի կինը (1903-1980), Իտալիայի քաղաքացի, Servizio Sociale Internazionale միավորման և Տոլստոյի հիմնադրամի իտալական մասնաճյուղի նախագահը։ Գրել է հուշերի մի քանի գրքեր՝ «Իմ մայրը», «Իմ տատը», «Տոլստոյը և մանկությունը»։
Ստեղծագործություն խմբագրել
- Հիշողություններ, Մ., 1976: 2-րդ հր., 1980:
- Օրագիր, Մ., 1979: 2-րդ հր., 1984:
- Յասնայա Պոլյանայի ընկերներն ու հյուրերը, Եվրոպայի տեղեկագիր, 1904։
- Լև Տոլստոյի ընտանեկան ողբերգությունը, Մոսկվան երեկոյան, 1928։
Հրատարակություն խմբագրել
- Սուխոտինա-Տոլստայա Տ. Լ., Հուշագրություններ / Ժողովածու, ներածական հոդված և ծանոթագրությունը՝ Ալեքսանդր Իոսիֆովիչ Շիֆմանի, Մ.: Գեղարվեստական գրականություն (հրատարակչություն) 1980, 528 էջ, 1 000 000 օրինակ։
Ծանոթագրություններ խմբագրել
 | Վիքիպահեստն ունի նյութեր, որոնք վերաբերում են «Տատյանա Սուխոտինա-Տոլստայա» հոդվածին։ |