Տապակած հաց

Տապակած հաց
	Տապակած հացի բաղադրիչները
Ենթատեսակ	լոշիկ
Առաջացման երկիր	ԱՄՆ
	Frybread Վիքիպահեստում

Բաննոկ (ինչպես նաև հայտնի է որպես տապակած հաց), հնդկական խոհանոցի ազգային ուտեստ, այժմ լայնորեն տարածված ԱՄՆ-ի հնդկացիական ցեղերի շրջանում։ Իրենից ներկայացնում է դրոժային խմորի տափակ կտոր (բլիթ)՝ յուղի կամ ճարպի մեջ տապակած կամ բոված։

Որպես խավարտ՝ տապակած հացի վրա սովորաբար դրվում են բակլաներ, տապակած մսի խճողակ կամ մանր կտրտած պանիր։ Տապակած հացը՝ այդպիսի խավարտի հետ միասին, հայտնի է որպես «հնդկական տակո» կամ «նավահո-տակո»։ Տապակած հացը, որը մատուցվում է քաղցր խավարտով, օրինակ՝ մեղրապատ կամ շաքարի փոշի ցանած, տիպիկ ամերիկյան ուտեստ է՝ հայտնի որպես «Փղի ականջ»։

Տապակած հացը պաշտամունքային ստերեոտիպ է դարձել ԱՄՆ-ի հնդկացիների մշակույթում։ Այն հանդիսանում է ոչ իայն տնակն ուտեստ, այլև ավանդաբար պատրաստվում է այնպիսի տոների համար, ինչպիսիք են՝ «պաու-վաու»-ն և նահանգների տոնավաճառները։ 2005 թվականին տապակած հացը հայտարարվեց Հարավային Դակոտա^[1] «նահանգի պաշտոնական հաց»։

Հենց այդ նույն տարում՝ 2005 թվականին, տապակած հացի՝ առողջության համար վտանգավոր լինելու մասին հարցը հասարակական լայն քննարկումների առարկա դարձավ. խոսքը վերաբերում էր ԱՄՆ-ի^[2] հնդկացիների շրջանում ճարպակալման և դիաբետի լայն տարածման գործում տվյալ ուտեստի ունեցած դերին։ ԱՄՆ-ի գյուղատնտեսության նախարարության հաղորդմամբ՝ տապակած հացի սովորական չափաբաժինը պարունակում է 700 կալորիա և շուրջ 20 գչամ ճարպ։

Տապակած հացը նաև հայտնի է հարավամերիկյան խոհանոցում՝ որպես «կաչանգա»^[3].