Տամբովկա
Անվան այլ կիրառումների համար տե՛ս՝ Տամբովկա (այլ կիրառումներ)
Տամբովկա (վրաց.՝ ტამბოვკა), գյուղ Վրաստանի Սամցխե-Ջավախեթի մարզի Նինոծմինդայի մունիցիպալիտետում։ Գտնվում է Փարվանա լճի ափին, Աբուլ լեռնագագաթից արևելք, շրջկենտրոնից 40 կիլոմետր հյուսիս-արևելք[2]։ Բնակչությունը զբաղվում է անասնապահությամբ և դաշտավարությամբ։ Տամբովկաում գործում են ձկնային տնտեսություններ, պանրագործարան։ Ունի ռուսական միջնակարգ դպրոց, 2 գրադարան, ակումբ, բժշկական և կապի բաժանմունք։
| Գյուղ | ||||
|---|---|---|---|---|
| Տամբովկա | ||||
| վրաց.՝ ტამბოვკა | ||||
| Երկիր |  Վրաստան | |||
| Մխարե | Սամցխե-Ջավախք | |||
| Մունիցիպալիտետ | Նինոծմինդայի մունիցիպալիտետ | |||
| Համայնք | Նինոծմինդայի մունիցիպալիտետ | |||
| ԲԾՄ | 2080 մետր | |||
| Պաշտոնական լեզու | Վրացերեն | |||
| Բնակչություն | 136[1] մարդ (2014) | |||
| Ազգային կազմ | Հայեր (97,6 %) | |||
| Ժամային գոտի | UTC+4 | |||
| ||||
Պատմություն
խմբագրել
1840-ական թվականներին Տամբովկա տեղափոխված ռուսները հին գյուղատեղիում հիմնում են նոր գյուղ։ 1914 թվականին Տամբովկան ունեցել է 469 բնակիչ[3]։ Հայտնի է, որ մի խումբ հայեր Ախալքալաքի Խուլգումո գյուղից 1924 թվականին տեղափոխվել են Տամբովկա[2]։
1993 թվականին հնագիտական պեղումներ են կատարվել մ.թ.ա. 2000-1800 թթ. թվագրվող գյուղամերձ հնավայրում։ Աշխատանքները վերսկսվել են 2000 թվականին։ Հայտնաբերվել են միջին բրոնզի և պղնձի ժամանակաշրջաններով թվագրվող նյութեր, 28 մ տրամագծով և 3 մ բարձրությամբ դամբարանաբլուր։ Ըստ վրացի հնագետ Կախա Կախիանիի` Տամբովկայի հնագիտական նյութերը վկայում են, որ «տեղում վրացիները 4000 տարվա պատմություն ունեն»[4]։ Այս տեսակետի հետ համաձայն չէ հուշարձանագետ Սամվել Կարապետյանը[2]։
Հուշարձանագետ Ս. Կարապետյանը 1988 և 2004 թվականներին Տամբովկայում կատարած ուսումնասիրությունների ընթացքում գյուղում հայտնաբերել է հիմնավեր եկեղեցու լուսամուտի գեղաքանդակ պսակ։
Տես նաև
խմբագրելԾանոթագրություններ
խմբագրել- ↑ «მოსახლეობის საყოველთაო აღწერა 2014». საქართველოს სტატისტიკის ეროვნული სამსახური. ნოემბერი 2014. Վերցված է 26 ივლისი 2016-ին.
- ↑ 2,0 2,1 2,2 Սամվել Կարապետյան. Ջավախք (PDF). Երևան: Հայկական ճարտարապետությունն ուսումնասիրող կազմակերպության գիտական խորհուրդ. էջ 2006. ISBN 5-8080-0651-1. Արխիվացված է օրիգինալից (PDF) 2020 թ․ սեպտեմբերի 29-ին. Վերցված է 2017 թ․ հուլիսի 30-ին.
- ↑ “Кавказский календарь на 1915 г.”, Тифлис, 1914, ст. 186.
- ↑ “ხვალინდელი დღე”, 20.07.2005, N 138:
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 557)։ 
|