Վրույր Բալասան
Վրույր Բալասան (Յուրի Յակովլևի Բալասանով, մարտի 14, 1914[1][2], Մոսկվա, Ռուսական կայսրություն[1][2] - փետրվարի 9, 2000, Երևան, Հայաստան), հայ բանաստեղծ, թարգմանիչ, ՀԽՍՀ մշակույթի վաստակավոր գործիչ (1974), ԽՍՀՄ գրողների միության անդամ (1934)։
Վրույր Բալասան | |
|---|---|
| Ծննդյան անուն | Յուրի Յակովլևի Բալասանով, |
| Ծնվել է | մարտի 14, 1914[1][2] |
| Ծննդավայր | Մոսկվա, Ռուսական կայսրություն[1][2] |
| Վախճանվել է | փետրվարի 9, 2000 (85 տարեկան) |
| Վախճանի վայր | Երևան, Հայաստան |
| Մասնագիտություն | թարգմանիչ և բանաստեղծ |
| Լեզու | ռուսերեն[1][2] |
| Ազգություն | հայ |
| Կրթություն | Բաքվի պետական համալսարան |
| Անդամակցություն | ԽՍՀՄ Գրողների միություն |
| Աշխատավայր | Բակինսկի ռաբոչի, Լիտերատուրնի Ազրբայդժան և Լիտերատուրնայա Արմենիա[1] |
| Պարգևներ | |
| Վրույր Բալասան Վիքիդարանում | |
ԿենսագրությունԽմբագրել
Ծնվել է Մոսկվայում։ Սովորել է Ադրբեջանի համալսարանի (Բաքու) պատմության ֆակուլտետում (մինչև երկրորդ կուրսը)։ 1934-1937 թթ. աշխատել է Բաքվի «Բակինսկի ռաբոչի», «Մոլոդոյ ռաբոչի» թերթերի և «Լիտերատուրնի Ազրբայդժան» ամսագրի խմբագրություններում։ 1947 թվականից ապրել է Երևանում։ 1959-1974 թթ. աշխատել է «Լիտերատուրնայա Արմենիա» ամսագրի խմբագրությունում որպես բաժնի վարիչ և պատասխանատու քարտուղար։
Հայ բանաստեղծների և արձակագիրների գործերը թարգմանել է ռուսերեն։ Նրա թարգմանությամբ (հայերենից) ռուսերեն առանձին գրքերով լույս են տեսել Նար-Դոսի «Պատմվածքները» (Երևան, 1949), Դերենիկ Դեմիրճյանի «Հատընտիրը» (Երևան, 1950), Հակոբ Հակոբյանի «Հատընտիրը» (Երևան, 1948), Թաթուլ Հուրյանի «Բանաստեղծություններ և պոեմները» (Երևան, 1952), Սուրեն Վահունու «Երգերի գիրքը» (Երևան, 1952), Անդրանիկ Թերզյանի «Արևին ընդառաջը» (Երևան, 1956), Համո Սահյանի «Բարձունքներում» (թարգմանության հեղինակակից Վ. Զվյագինցևա և Տ. Սպենդիարովա, Երևան, 1956), Մկրտիչ Սարգսյանի «Սերժանտ Կարոն» (Երևան, 1972, Մոսկվա, 1979), Հրանտ Մաթևոսյանի «Գոմեշը» (Երևան, 1969)[3]։
ԾանոթագրություններԽմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 227)։ 
|