Վիքիպեդիա:Խորհրդարան

Խորհրդարան․ վիքիքննարկումների մայր հարթակ Բարի գալուստ Հայերեն Վիքիպեդիայի քննարկումների մայր հարթակ։ Այս էջը նախատեսված է Հայերեն Վիքիպեդիային առնչվող խնդիրների, նոր գաղափարների քննարկման, մտքերի փոխանակման և աշխատանքների համակարգման համար։

Որոնել Խորհրդարանի պահոցում ↓ Ավելացնել նոր քննարկում

Հարցեր և
օգնություն

Տեխնիկական խնդիրներ

Կանոնակարգային քննարկումներ

Տերմինների քննարկում

Ադմինիստրատորների տեղեկատախտակ

Բոտապահ մասնակիցների տեղեկատախտակ

If you don't speak Armenian

Ընթացիկ քվեարկություններ. Ադմին 0 | Տեխադմին 0 | Բոտ 0 | Ընտրյալ հոդված 0 | Լավ հոդված 0 | Ընտրյալ ցանկ 0 | Գնահատում 2 | Տարվա հոդված 0 | Կանոնակարգ 1[թարմացնել]

Մոլորակի շուրջը

Նախագիծը թույլատրվեց համայնքի կողմից:--∑ίγμα (քնն.) 18:48, 25 Հունվարի 2020 (UTC)

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

---

Սիրելի համայնքակիցներ, ցանկանում եմ ձեր ուշադրությանը հրավիրել «Մոլորակի շուրջը» նախագծի առնչակցությամբ մի խնդրի հետ։ Նշյալ նախագիծը գործում է 2017 թվականի փետրվարից․ նպատակը՝ համագործակցության միջոցով Հայերեն Վիքիպեդիան հարստացնել առանձին պետությունների թեմատիկ հոդվածներով։ Նմանօրինակ համագործակցություն ժամանակին գոյություն է ունեցել նաև Վրացերեն Վիքիպեդիայում և ապացուցել իր արդյունավետությունն ու ՕԳԳ-ն։ Մեր մոտ ընթացել է որոշակի ընդհատումներով՝ եղել են ակտիվ և պասիվ ամիսներ։ Շուրջ մեկամյա դադարից հետո 2020 թվականի հունվարի 2-ին նախագիծը մեկնարկում է նոր փուլով՝ Իսրայելի թեմատիկ հոդվածների ստեղծման նպատակամղմամբ։ Միևնույն ժամանակ Ադմինիստրատորների տեղեկատախտական քննարկում է բացում Հայկ մասնակիցը՝ բարձրացնելով այն խնդիրը, որ նախագծի ստեղծման նախօրյակին համայնքը չի տվել իր համաձայնությունն ու թույլատրությունը։ Սա եղել է իմ անփութության արդյունքը, մինչդեռ առ այս պահը ես ներքուստ «համոզված եմ», որ նախագիծը գործում է լեգալության շրջանակներում։ Այնուամենայնիվ, փաստակենտրոնությունը կարևոր է և ես հարկ եմ համարում նախագիծը ժամանակավորապես դադարեցնելով այստեղ բացել քվեարկություն՝ հետևյալ օրակարգային թեմաների շուրջ։

1. Արդյոք համաձա՞յն եք, որ «Մոլորակի շուրջը» նախագիծը շարունակի գործել Հայերեն Վիքիպեդիայում։
2. Ո՞վ է պատրաստակամ դրական քվեարկությունից հետո ինձ հետ միասին զբաղվել նախագծի համակարգմամբ (ցանկեր կազմելով, հոդվածները հաշվառելով, ստուգելով և այլն):

ՔՎԵԱՐԿՈւԹՅՈւՆ

Կողմ

1. Կողմ--Օmıcrօn 15:57, 7 Հունվարի 2020 (UTC)
2. Կողմ: O'micron, մեկ անգամ էլ այստեղ անդրադառնամ, և դրանով վերջացնենք: Ես շատ ուրախ եմ, որ Հայերեն Վիքիպեդիայում ստեղծվում են որակյալ հոդվածներ, բոլոր երկրների մասին որոշակի քանակությամբ, այսպես ասած՝ «ամեն ինչից մի քիչ»: Ավելին, ես պատրաստակամ կլինեմ քեզ հետ միասին զբաղվել նախագծի համակարգմամբ (ցանկեր կազմելով, հոդվածները հաշվառելով, ստուգելով և այլն): Դրա մասին ավելի վաղ ունեցել ենք քննարկում, կարող ես ստուգել այստեղ, բոլորը դրական են քվեարկել: Միակ խնդիրը, որը բացարձակապես կապված չէր քեզ հետ և հստակ ձևակերպել եմ, առանց համայնքին տեղյակ պահելու նախագիծը սկսելն էր: Կարծում եմ այս մասով այլևս թյուրիմացություններ չեն լինի: Հ.Գ. իմ անունը նշել էիր, բայց ինձ ծանուցում չէր եկել. միգուցե ինձ նշելիս չէի՞ր ստորագրել հենց այդ պահին: --Հայկ (արաբագետ) 17:30, 7 Հունվարի 2020 (UTC)
3. Կողմ, նախագիծն արդյունավետություն ունի:--∑ίγμα (քնն.) 12:24, 8 Հունվարի 2020 (UTC)
4. Կողմ O'micron ջան, դրական քվեարկությունից հետո սիրով կօգնեմ նախագծի հետ կապված հարցերում: Սիրով՝ --Գևորգ^💬 16:26, 8 Հունվարի 2020 (UTC)
5. Կողմ --ԱռմՍիրիուս (քննարկում) 16:27, 8 Հունվարի 2020 (UTC)
6. Կողմ O'micron ջան, ես միանշանակ համամիտ եմ քեզ հետ և կարծում եմ որ տարբեր նախագծեր միասին սկսվելուց իրար վնաս չեն տալիս։--Soghomon Matevosyan (քննարկում) 17:26, 8 Հունվարի 2020 (UTC)
7. Կողմ --Nooberella^💬 18:58, 8 Հունվարի 2020 (UTC)
8. Կողմ --Արեն (քննարկում) 10:55, 9 Հունվարի 2020 (UTC)
9. Կողմ --Violmsyan (քննարկում) 16:21, 9 Հունվարի 2020 (UTC)

Դեմ

Կողմ	Դեմ	Ձեռնպահ	«Կողմ» ձայների թիվը
9	0	0	100 %

---

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

---

Թուրքիայի քաղաքներ

Ողջույն, հարգելի խմբագիրներ: Կա կարևոր հարց Թուրքիայի վերաբերյալ: Դիցուք՝ օսմանյան Վանի վիլայեթն ու թուրքական Վանի իլը, որ երկու՝ տարբեր չափերի, վարչական բաժանման և այլ դարաշրջանի միավորներ էին, խառնված էին իրար: Այս ամբողջը դժվարությամբ, բայց արդեն վերականգնվեց: Հիմա կա երկրորդ հարցը, կապված քաղաքների անվանումների հետ: Դրանց մեծ մասը թուրքական ժամանակակից անուններ են, որ ունեն հունական կամ հայկական պատմական անուններ: Հայերեն Վիքիպեդիայում գոյություն ունեցող այն 72 քաղաքները, որոնք ունեն հայկական անուններ, առանձնացրել եմ ստորև՝ լայնորեն կիրառվող անուններ

1. Ադամակերտ, (թուրք.՝ Başkale)
2. Ալաշկերտ, (թուրք.՝ Eleşkirt)
3. Ակն, (թուրք.՝ Kemaliye)
4. Արծկե, (թուրք.՝ Adilcevaz)
5. Արճեշ, (թուրք.՝ Erciş)
6. Արտամետ, (թուրք.՝ Edremit)
7. Բաբերդ, (թուրք.՝ Bayburt)
8. Բաղեշ, (թուրք.՝ Bitlis)
9. Բայազետ, (թուրք.՝ Doğubayazıt)
10. Բասեն, (թուրք.՝ Pasinler)
11. Բերկրի, (թուրք.՝ Muradiye)
12. Դատվան, (թուրք.՝ Tatvan)
13. Երզնկա, (թուրք.՝ Erzincan)
14. Խարբերդ, (թուրք.՝ Elazığ)
15. Խլաթ, (թուրք.՝ Ahlat)
16. Խնուս, (թուրք.՝ Hınıs)
17. Կամախ, (թուրք.՝ Kemah)
18. Կողբ, (թուրք.՝ Tuzluca)
19. Հաճն, (թուրք.՝ Saimbeyli)
20. Մանազկերտ, (թուրք.՝ Malazgirt)
21. Մարաշ, (թուրք.՝ Kahramanmaraş)
22. Մծբին, (թուրք.՝ Nusaybin)
23. Նեոկեսարիա, (թուրք.՝ Niksar)
24. Շապին Գարահիսար, (թուրք.՝ Şebinkarahisar)
25. Չմշկածագ, (թուրք.՝ Çemişgezek)
26. Սեբաստիա, (թուրք.՝ Sivas)
27. Սղերդ, (թուրք.՝ Siirt)
28. Սպեր, (թուրք.՝ İspir)
29. Վահկա, (թուրք.՝ Feke)
30. Տարսոն, (թուրք.՝ Tarsus)
31. Տևրիկ, (թուրք.՝ Divriği)
32. Տրապիզոն, (թուրք.՝ Trabzon)
33. Ուռհա, (թուրք.՝ Şanlıurfa)

սակավ հայտնի անուններ

1. Ադինա, (թուրք.՝ Pazar)
2. Ազորդ, (թուրք.՝ Uzundere)
3. Այվալի, (թուրք.՝ Kuluncak)
4. Աշկալա, (թուրք.՝ Aşkale)
5. Աստղաբերդ, (թուրք.՝ Adaklı)
6. Բերդագրակ, (թուրք.՝ Yusufeli)
7. Բերդակ, (թուրք.՝ Pertek)
8. Բլուր, (թուրք.՝ Ovacık)
9. Բոլոմեր, (թուրք.՝ Pülümür)
10. Գզիրա, (թուրք.՝ Cizre)
11. Թաթոս, (թուրք.՝ Tekman)
12. Թավուսքյար, (թուրք.՝ Olur)
13. Թիլ Արմեն, (թուրք.՝ Kızıltepe)
14. Թիլ, (թուրք.՝ Korkut)
15. Թիլ, (թուրք.՝ Toprakkale)
16. Թմնիս, (թուրք.՝ Kale)
17. Լիճք, (թուրք.՝ İliç)
18. Խասգյուղ, (թուրք.՝ Hasköy)
19. Խիզան, (թուրք.՝ Hizan)
20. Խոզաթ, (թուրք.՝ Hozat)
21. Խոլխոլ, (թուրք.՝ Yayladere)
22. Խուլփ, (թուրք.՝ Kulp)
23. Կարագուլաղ, (թուրք.՝ Otlukbeli)
24. Կարկառ, (թուրք.՝ Gerger)
25. Կերճանիս, (թուրք.՝ Refahiye)
26. Կղզի, (թուրք.՝ Gürpınar)
27. Կյուրին, (թուրք.՝ Gürün)
28. Հազզո, (թուրք.՝ Kozluk)
29. Ճիմին, (թուրք.՝ Üzümlü)
30. Մանց, (թուրք.՝ Çayırlı)
31. Մեծկերտ, (թուրք.՝ Mazgirt)
32. Ոստան, (թուրք.՝ Gevaş)
33. Չուխուր Վերին, (թուրք.՝ Güroymak)
34. Պարտեզ, (թուրք.՝ Şenkaya)
35. Ռեշմել, (թուրք.՝ Yeşilli)
36. Վաղարշակուպոլիս, (թուրք.՝ Çermik)
37. Ցոլակերտ, (թուրք.՝ Iğdır)
38. Քերբորան, (թուրք.՝ Dargeçit)
39. Օխու, (թուրք.՝ Karakoçan)

Ես գտնում եմ, որ լայնորեն կիրառվող 31 անունները պետք է մնան հայերեն, իսկ սակավաթիվը, որ հանդիպում է խիստ գիտական գրականության, կամ՝ որոշ գեղարվեստական ստեղծագործություններում հանդիպող 39 անունները անվանափոխվեն թուրքերեն և մնան վերահղում: Բայց միանգամայն հնարավոր է, որ իմ գրած ցանկերի հետ համաձայն չեք (իքս անունը ձեզ համար լինի ոչ թե սակավ, այլ հաճախ գործածական կամ հակառակը): Կամ՝ գտնում եք, որ հաճախ գործածական անունները վերաբերել են հին քաղաքներին, ուստի դրանց համար պետք է ստեղծել այլ հոդվածներ, իսկ ժամանակակից թուրքական քաղաքի համար ստեղծել մեկ այլ հոդված (օրինակ՝ Ստամբուլ և Կոստանդնուպոլիս): Ուստի անհրաժեշտ է քննարկում, և շատ կարևոր է յուրաքանչյուրիս կարծիքը: Rob, խնդրում եմ ժամանակ ունենալու դեպքում անդրադառնալ այս հարցին որպես պատմաբան, Armen, քեզ նույնպես՝ որպես Թուրքիայով հետաքրքրված և այդ երկրի մասին բազմաթիվ հոդվածներ գրած մասնակից: Նորից եմ կրկնում, շատ կարևոր է յուրաքանչյուրիս՝ թե՛ ադմինների, թե՛ մյուս մասնակիցների կարծիքը, թեպետ ես նշեցի երկու հոգու. իմ կարծիքով նրանք քիչ ավելի մոտ են թեմային, և դրանով ոչ ոքի վիրավորել չեմ ուզեցել: --Հայկ (արաբագետ) 12:05, 18 Հունվարի 2020 (UTC)

Ողջույն, Հայկ։ Շնորհակալ եմ քննարկումը բացելու համար։ Այն իրոք շատ կարևոր է։ Լիարժեքորեն կիսում եմ «սակավ հայտնի անունների» անվանափոխման մոտեցումը։ Ժամանակին տարբեր քննարկումների միջոցով անվանափոխման եմ ներկայացրել մի շարք տեղանունների անվանումները (Ցոլակերտ-Իգդիր, Եղեգնիկ-Սարիղամիշ, Կարին-Էրզրում), որոնց թուրքերեն անվանումները պակաս հայտնի չեն եղել հայալեզու աղբյուրներում։ Իմ սուբյեկտիվ կարծիքով առավել հաճախ կիրառվող անվանումներից մի երկուսն էլ կարելի է անվանափոխել թուրքերեն տարբերակների (հատկապես նրանք, որոնք մյուսներից ավելի քիչ են հանդիպում, օրինակ, Ադամակերտ կամ Նեոկեսարիան)։ Կարծում եմ, որ համանման քննարկում պետք է նաև հունական տեղանունների հետ կապված, որոնք կիրառվում են Հայերեն Վիքիպեդիայում։ Օրինակ, Հայերեն Վիքիպեդիայում ներկայումս Զմյուռնիայի փոխարեն ներկայիս քաղաքը կոչում ենք Իզմիր, իսկ Իսքենդերունի պարագայում հոդվածի անունը Ալեքսանդրետտա է։ Ընդունում եմ, որ թեման բավականին նուրբ է, սակայն պետք է վերջնական որոշում կայացվի։ Շնորհակալությոհն։--Armen (քննարկում) 12:32, 18 Հունվարի 2020 (UTC)

Մենք պետք է տանք հնարավորությամբ ժամանակակից, թարմ տեղեկություններ և կարծում եմ իմաստ ունի գրել ժամանակակից անվանումներ, շատ-շատ քիչ դեպքերում կարելի է անվանել հոդված բնակավայրի պատմական անունով, օրինակ եթե ժամանակակից անվանումը համարյա ծանոթ չի կարդացողներին և չի օգտագործվում։ Նույն բնակավայրի պատմական անվանումով հոդվածի ստեղծման դեմ եմ, կողմնակից եմ «հոդվածի անվանումը-ի պատմություն» տարբերակին կամ հիմնական հոդվածի պատմության բաժնում կամ առանծին հոդվածում։ Առանձին հոդված գրում ենք եթե նույն տառածքում ստեղծվել է նոր բնակավայր։ Օրինակ Էրեբունի — Երևան, Կալինինգրադ — Քյոնիգսբերգ։ - Kareyac (քննարկում) 15:48, 18 Հունվարի 2020 (UTC)

Ողջույն: Ինձ հուզում է, թե Հայկը ինչո՞վ է առաջնորդվել, երբ գրել է սակավ հայտնի անունները: Այդտեղ ես գտա անուններ, որոնք Արագածոտնի Թալինի շրջանի ժողովուրդը լավ էլ օգտագործում է: Ուստի Դեմ եմ անվանափոխելուն, Կողմ եմ հոդվածներում ներկայիս թուրքաքրդական անունները նշելուն. բացառիկ դեպքեր, իհարկե, կարող են լինել, ինչպես նշեց Armenը Եղեգնիկի օրինակով: Հարգանոք՝ --Valen1988 (քննարկում) 17:15, 18 Հունվարի 2020 (UTC)

Արմեն, շնորհակալություն արագ արձագանքի համար. համաձայն եմ քեզ հետ՝ բոլոր առումներով, այդ թվում երկու հայկական ու հունական բնակավայրերի: Կարեյաց, ուղղակի որպես միտք, չէ՞ որ Վիքիպեդիայում՝ տարբեր լեզուներով, կան երկուական հոդվածներ: Ամեն դեպքում, նորից եմ ասում, սա որպես գաղափար, այսինքն՝ բացատրություն թե ինչու եմ առաջ քաշել այդ թեզը: Վալեն, ես գրել եմ իմ կարծիքով քիչ հայտնի անունները, ու նաև նշել, որ հնարավոր է՝ իմ գրած ցանկերի հետ համաձայն չլինեք: Այս պարագայում խնդրում եմ նշես, թե կոնկրետ որ անուններն են Թալինի շրջանի գյուղերում գործածական: Եվ երկրորդ, արդյոք Թալինի շրջանը կարելի է հիմք համարել բոլորիս համար. օրինակ նույնքան էլ կարևոր կարող են լինել վարորդները, որոնք այդ ճանապարհներն են քշում և կարիք կունենան իմանալու իրական անունը քիչ հայտնի անվան փոխարեն: Շնորհակալություն: --Հայկ (արաբագետ) 18:08, 18 Հունվարի 2020 (UTC)

Հայկ, Թալինի շրջանի գյուղերի ցանկը բացեք, նայեք, թե որտեղից են գաղթել նախնիները, ու դրանք թողեք բնօրինակ անվանումներով՝ փակագծերում նշելով ներկայիս անվանումներոը: Հենց այդպես էլ կկողմնորոշվեք, թե որոնք են կարևոր: --Valen1988 (քննարկում) 06:15, 19 Հունվարի 2020 (UTC)

Հայկ ջան, երևի դու չհասկացար։ Ես ադրեն բերեցի ցույգ հոդվածների օրինակներ։

Գյումրի, Կումայրի, Ալեքսանտրապոլ, Լենինական - նույն քաղաքն է։ Պատմության հոդվածը անվանվելու է Գյումրու (Գյումրվա) պատմություն։ Տես օրինակ կա History of London, բայց Լոնդոնիումը այլ բնակավայր է և ունի առանձին հոդված։ Իսկ Նիժնի Նովգորոդը ու Գորկի նույն քաղաքն է և հոդված անվանված է История Нижнего Новгорода / History of Nizhny Novgorod հենց քո ասած "Վիքիպեդիայում՝ տարբեր լեզուներով"։ - Kareyac (քննարկում) 06:38, 19 Հունվարի 2020 (UTC)

Վերևում որոշ մասնակիցների կողմից կարծիք հնշեցվեց Ալեքսանդրետտայի և Զմյուռնիայի անվանափոխման կապակցությամբ։ Ես միանշանակ այդ մոտեցումը համարում եմ անընդունելի։ Զմյուռնիայի պարագայում նշեմ, որ այս անվանումը առավել կիրառական է հայկական միջավայրում՝ դասագրքերում, ակադեմիական գրականությունում և առօրեական շրջանակներում։ Իսկ Ալեքսանդրետտայի օրինակը ուղիղ համեմատական է ցանկի առաջին բաժնի օրինակների հետ։ Նշեմ, որ Ալեքսանդրետտա տարբերակը պահպանվել է ինչպես հայերեն և հունարեն, այնպես էլ ֆրանսերեն, իտալերեն, լատիներեն և այլ վիքիներում։--Օmıcrօn 10:01, 19 Հունվարի 2020 (UTC)

Կարեյաց, շնորհակալություն արձագանքի համար, համամիտ եմ: O'micron, շնորհակալություն կարծիքի համար. որքանով ես հասկացա՝ առաջին խմբի բնակավայրերի հետ համաձայն ես, որ թողնվի: Իսկ ինչ կասես երկրորդ խմբի մասին: --Հայկ (արաբագետ) 10:23, 19 Հունվարի 2020 (UTC)

Իմ կարծիքը, եթե հոդվածի նյութը պատմական քաղաքի մասին է, ապա պետք է վերնագրել այդ ժամանակաշրջանի անունը։ Եթե հոդվածը ներկայիս քաղաքի մասին է, ապա՝ ներկայիս անունը։ Ինչքան էլ մեզ հարազատ լինի օրինակի համար Բաղեշ անունը, այն երկար ժամանակ քաղաքի պաշտոնական անունը չի եղել (կարող է որոշ ժամանակ հայերս օգտագործել ենք)։ Երևանի դեպքում Էրեբունի չենք օգտագործում չէ՞ կամ Գյումրիի դեպքում Ալեքսանդրապոլ, ապա ինչո՞ւ արևմտյան Հայաստանի տեղանունները ուզում ենք հները օգտագործել։ Մանավանդ, որ ծիծաղելի կլինի գրել, Էրեբունիում կա Տիգրանակերտում քիմիական երկու գործարան կա։ Ես նոր՝ գործող անունների կողմնակիցն եմ, եթե խոսքը պատմական քաղաքի նկարագրի կամ պատմության մասին չէ։--Beko^{Քննարկում} 11:21, 19 Հունվարի 2020 (UTC)

Beko, շնորհակալություն կարծիքի համար: Խնդրում եմ օգնիր ինձ լավ հասկանալ, թե ինչ նկատի ունես: Այսինքն՝ գտնում ես, որ պետք է թուրքական անուններո՞վ անվանափոխել և՛ առաջին, և՛ երկրորդ ցանկերը, թե՞ երկրորդն ամբողջությամբ, իսկ առաջինը՝ մասամբ: --Հայկ (արաբագետ) 12:26, 19 Հունվարի 2020 (UTC)

Beko, ճի՞շտ եմ հասկացել քեզ: --Հայկ (արաբագետ) 11:39, 23 Հունվարի 2020 (UTC)

Իմ կարծիքով քաղաքների անվանումները չպետք է նայել ընդհանուրի մեջ, այլ քննարկել առանձին, քանի որ յուրաքանչյուրի մասին աղբյուրները կարող են լինել տարբեր: Չենք մոռանում, որ հայերեն Վիքիպեդիայում հոդվածների անվանումները պետք է հիմնված լինեն վստահելի աղբյուրների վրա, ընդ որում եթե անձի, ընկերության, առարկայի կամ այլ հոդվածի անվանումը փոխվում է, ապա նախապատվությունը պետք է տալ այն աղբյուրներին, որոնք գրվել են փոխվելուց հետո, ոչ թե մինչև փոխվելը:--Սամվել^{քննարկում} 07:42, 20 Հունվարի 2020 (UTC)

Սամվել ջան, շնորհակալություն կարծիքի համար: Ես հաշվի եմ առել, որ անվանափոխման էջում շատ սակավաթիվ մասնակիցների կարծիքներ ենք տեսնում, իսկ սա կարևոր հարց է մեզ համար, և միգուցե ավելի շատ կարծիքներ պետք է լսենք: Այդ պատճառով հարցը տվել եմ ընդհանուր և հենց այստեղ՝ խորհրդարանում: Ընդհանուր առմամբ ես դա հաշվի եմ առել խմբերն առանձնացնելիս: Ի՞նչ կարծիքի ես այժմ: --Հայկ (արաբագետ) 11:39, 23 Հունվարի 2020 (UTC)

Հայկ ջան նմանատիպ լայնածավալ քննարկում ունեցանք անցյալ տարի կապված Գաբալա-Կուտկաշեն քաղաքի անվանման հետ: Այստեղ նույնպես տեսնում եմ նմանատիպ խնդիր, քանի որ որոշակի քաղաքների անվանումներ պաշտոնապես վաղուց փոխվել են, սակայն մենք դեռ կիրառում ենք 20-րդ դարի սկզբի աղբյուրներ: Ես կողմ եմ, որ օգտագործվի նոր անվանումները` իհարկե կիրառելով համապատասխան վստահելի աղբյուրները:--Սամվել^{քննարկում} 12:11, 23 Հունվարի 2020 (UTC)

Փաստորեն՝ անհրաժեշտ ենք համարում Զմյուռնիան անվանափոխել Իզմիր, Արճեշը՝ Էրջիշ, Խնուսը՝ Հընըս, Գանձակը՝ Գենջա և այլն։ Ես կտրականապես դեմ եմ անվանափոխմանը և լուծումը պատկերացնում եմ հայալեզու վստահելի աղբյուրների մոտեցման տրամաբանությամբ։--Օmıcrօn 19:22, 23 Հունվարի 2020 (UTC)

@Beko, իսկ Տիգրանակերտի օրինակը բավականին անտրամաբանական էր, ըստ իս, քանի որ խոսքը գնում է ոչ թե ներկայումս գոյություն չունեցող, այլ խեղաթյուրված անվանումներով բնակավայրերի մասին։ Եթե Տիգրանակերտը գոյություն ունենար և անվանափոխված լիներ օրինակ Դիգրենեքերդ, ապա ողջամիտ կլիներ Տիգրանակերտի քիմիական գործարան բառաշարքի բովանդակային կիրառելիությունը։ Հարգանքներով՝--Օmıcrօn 19:27, 23 Հունվարի 2020 (UTC)

O'micron, որքանով ես հասկացա վերոնշյալից, բոլորը կողմ են, որ հայկական անունները պահպանվեն առաջին խմբի քաղաքներում, այսինքն՝ Արճեշը՝ Էրջիշ, Խնուսը՝ Հընըս և նման այլ անվանումներ ոչ ոք չի ցանկանում դնել: Երկրորդ խմբի բնակավայրերի հետ կապված, օրինակ՝ Ցոլակերտ՝ Իգդիր, Վաղարշակուպոլիս՝ Ջերմուկ, մեկ հոգի դեմ արտահայտվեց, այն էլ՝ մասնակի: Ինչ վերաբերում է Զմյուռնիային և Ալեքսանդրետին, որքան էլ որ այստեղ կարծիքներ են հնչել դրա հետ կապված, այս քննարկումը դրա մասին չէ, և այդ հունական անուններով քաղաքների համար կբացվեն առանձին քննարկումներ՝ արդեն անվանափոխման էջում: Թերևս այսքանը: --Հայկ (արաբագետ) 07:01, 24 Հունվարի 2020 (UTC)

Որպես ուսումնասիրող` կտրականապես դեմ եմ «սակավ հայտնի անուններ» ցանկի տեղանունների անվանափոխությանը։ Նախ, ինքնին սուբյեկտիվ է «սակավ հայտնի անուններ» անվանակարգը` անհասկանալի է, թե ի՞նչ սկզբունքով են խմբավորված դրանում անունները։ Երկրորդը, թեմային, հայալեզու մասնագիտական գրականությանը քիչ թե շատ ծանոթ ուսումնասիրողին շատ ավելի քաջածանոթ է Բերդակը, Բլուրը, Բոլոմերը, Թիլը, Խասգյուղը, Կերճանիսը, Կարկառը, Հազզոն, Մեծկերտը և այսպես շարունակ, քան թե դրանց թուրքերեն համարժեքները։ Այսինքն, հայերենով նրանք այդ անուններն են փնտրելու և փորձելու գտնել այդ թվում նաև Վիքիպեդիայում։ Երրորդը, հայերեն մասնագիտական բառարաններում/հանրագիտարաններում ևս ընդունված են դրանց հայերեն անվանումները և Վիքիպեդիան պարտավոր է առաջնորդվել ընդունված անվանումներով։ Չորրորդը` հայտնի փաստ է, որ թուրքական կառավարությունը հատուկ քաղաքականություն է տանում հայերեն բնիկ անուններով բնակավայրերի վերանվանման ուղղությամբ և ինձ իրոք անհասկանալի է, թե ինչու մենք պետք է կուլ գնանք այդ քաղաքականությանը։ Եվ վերջում, հարգելի Հայկ, խնդրում եմ միշտ գիտակցել, որ Վիքիպեդիան օրիգինալ տեսությունների. հետազոտությունների և կարծիքների փորձարկման ու կյանքի կոչման հարթակ չէ, արդ` խնդրում և հորդորում եմ մնալ ակադեմիական հարթության վրա։ Հարգանքով` --Rob (քննարկում) 16:24, 29 Հունվարի 2020 (UTC)

Հարգելի Rob, շնորհակալություն կարևոր կարծիքի համար: Ինչպես վերը նշել եմ, ցանկը, բնականաբար սուբյեկտիվ է և կազմել եմ ես, ինչը բացարձակապես չի ենթադրում, որ դա վերջնական ու հաստատուն ցանկ է: Ընդհակառակը, նույնիսկ խնդրել եմ փոփոխություններ առաջարկել՝ եթե կան այդպիսիք կամ դրանց անհրաժեշտությունը: Երկրորդ, հայալեզու մասնագիտական գրականությանը քիչ թե շատ ծանոթ ուսումնասիրողին որքան էլ ծանոթ լինեն հայալեզու անվանումները, միևնույնն է՝ դրանք պետք է նույնացնել արդեն գոյություն ունեցող քաղաքի հետ: Չէ՞ որ այդ անվանումները վաղուց արդեն գործածական չեն: Բացի այդ, շատ գուգլը շատ հանգիստ ներկայացնում է թեկուզ փոխված անվան վրա, և եթե գրվի հին անվանումը, նոր անվանումը կներկայացվի՝ վերահղում լինելու պատճառով: Էլ չասենք այն փաստի մասին, որ հին անվանումների մասին կա առավելապես մի քանի տող ստանդարտ տեղեկություն, իսկ նոր քաղաքին դա առհասարակ չի վերաբերում, ուստի հոդվածի պատմություն բաժնում կարելի է այն ներկայացնել: Երրորդ, հայերեն մասնագիտական բառարանը մի աղբյուր է, և կան նաև շատ ուրիշ ոչ պակաս վստահելի աղբյուրներ, իսկ Վիքիպեդիան պարտավոր է առաջնորդվել բոլոր աղբյուրների վրա՝ վերցնելով առավել տարածվածը: Ինչ վերաբերում է վերջին նախադասությանը, ինձ այն առհասարակ դուր չեկավ՝ տոնի առումով. ի՞նչ է նշանակում գիտակցելու կոչ: Բուն նյութին կանդրադառնամ այսպես՝ ինչպես ես, այնպես էլ վերոնշյալ մի քանի մասնակիցներ, բավական համոզիչ փաստարկներ ներկայացրին՝ պատճառաբանելով նոր անունների կարևորությունը: --Հայկ (արաբագետ) 10:18, 3 Փետրվարի 2020 (UTC)

Նոր գնահատում՝ «Մեծ Հայքի գավառների ցանկ»

Հարգելի՛ վիքիհամայնք, «Մեծ Հայքի գավառների ցանկ» հոդվածը ներկայացվել է գնահատման: Խնդրում ենք հայտնել ձեր կարծիքը գնահատման ենթաէջում:--Soghomon Matevosyan (քննարկում) 18:37, 19 Հունվարի 2020 (UTC)

Կանանց նվիրված խմբագրաթոնների շարք

Սիրելի խմբագիրներ
Կանանց միջազգային օրվա կապակցությամբ մարտ ամսին նախատեսվում է ունենալ WikiGap և Art+Feminism միջոցառումները, որոնց նպատակը հայերեն վիքիպեդիայում հայ և այլազգի կանանց մասին ազատ բովանդակության ստեղծումն ու տարածումն է:
WikiGap միջոցառումը կազմակերպվում է Հայաստանում Շվեդիայի դեսպանատան աջակցությամբ: Միջոցառման նախնական ժամանակացույցն է՝

մարտի 7 - խմբագրաթոն Վիքիմեդիա Հայաստանի գրասենյակում

մարտի 8-14՝ առցանց խմբագրումների շարք «Կանայք քաղաքականության, գիտության ու տեխնոլոգիայի բնագավառում» խորագրով:

Art+Feminism խմբագրաթոնների շարքը նախատեսվում է անցկացնել մարտի 16-26: Հնարավորության դեպքում կլինի երկու խմբագրաթոն, մեկը՝ Երևանում, մյուսը՝ Գյումրիում:
Ակնկալում եմ ձեր աջակցությունն ու ակտիվ մասնակցությունը: Armineaghayan (քննարկում) 18:17, 22 Հունվարի 2020 (UTC)

• Կողմ--Արարատ Թրվանց (քննարկում) 18:42, 22 Հունվարի 2020 (UTC)
• Կողմ--A.arpi.a (քննարկում) 19:02, 22 Հունվարի 2020 (UTC)
• Կողմ--Ավետիսյան91 (քննարկում) 19:07, 22 Հունվարի 2020 (UTC)
• Կողմ --Գևորգ^💬 19:30, 22 Հունվարի 2020 (UTC)
• Կողմ, սիրով կմասնակցեմ--Tamara Karvajar (քննարկում) 19:32, 22 Հունվարի 2020 (UTC)
• Կողմ--Shoghik Stepanyan (քննարկում) 19:49, 22 Հունվարի 2020 (UTC)
• Կողմ--Գարդմանահայ (քննարկում) 22:20, 22 Հունվարի 2020 (UTC)
• Կողմ--Արեն (քննարկում)
• Կողմ--Օmıcrօn 19:17, 23 Հունվարի 2020 (UTC)
• Կողմ --Violmsyan (քննարկում) 18:20, 27 Հունվարի 2020 (UTC)

Movement Learning and Leadership Development Project

Hello

The Wikimedia Foundation’s Community Development team is seeking to learn more about the way volunteers learn and develop into the many different roles that exist in the movement. Our goal is to build a movement informed framework that provides shared clarity and outlines accessible pathways on how to grow and develop skills within the movement. To this end, we are looking to speak with you, our community to learn about your journey as a Wikimedia volunteer. Whether you joined yesterday or have been here from the very start, we want to hear about the many ways volunteers join and contribute to our movement.

To learn more about the project, please visit the Meta page. If you are interested in participating in the project, please complete this simple Google form. Although we may not be able to speak to everyone who expresses interest, we encourage you to complete this short form if you are interested in participating!

-- LMiranda (WMF) (talk) 19:01, 22 Հունվարի 2020 (UTC)

ՀոթՔաթ գործիք

Ողջույն։ Առաջարկում եմ ՀոթՔաթ գործիքը լռելյայն ակտիվացնել բոլորի մոտ։--Ավետիսյան91 (քննարկում) 12:04, 28 Հունվարի 2020 (UTC)

Կարծում եմ՝ ցանկացած գործիքի ակտիվացում նախընտրությամբ պիտի լինի։ --A.arpi.a (քննարկում) 13:56, 28 Հունվարի 2020 (UTC)

Առաջարկն ընդունելու դեպքում նախընտրությամբ կարող են անջատել, սակայն այս պահին կատեգորիաներով աշխատող բոլորն առանձին-առանձին ակտիվացնում են ՀոթՔաթ-ը։ Ինչո՞ւ չհեշտացնենք մարդկանց գործը, մանավանդ, որ ոչ մի բանի չի խանգարում այն։--Ավետիսյան91 (քննարկում) 20:36, 28 Հունվարի 2020 (UTC)

Ես համաձայն եմ ՀոթՔաթ գործիքի լռելյայն ակտիվացմանը․ այն բավականին հաճախ օգտագործվող և օգտակար գործիք է, հեշտացնում է կատեգորիաների հետ աշխատանքը, կրճատում խմբագրման համար պահանջվող ժամանակը։ --Գարդմանահայ (քննարկում) 22:45, 28 Հունվարի 2020 (UTC)

Միանշանակ Կողմ: --Հայկ (արաբագետ) 08:20, 29 Հունվարի 2020 (UTC)

Ես դեմ եմ, քանի որ նորեկները և չգրանցված խմբագիրները կարող են ՀոթՔաթով միանգամից կատարել բազում սխալ գործողություններ, որոնց ուղղելը հետո դժվար կլինի: Ով ուզում է կարող է ակտիվացնել, խնդիրը չեմ հասկանում:--Սամվել^{քննարկում} 09:29, 29 Հունվարի 2020 (UTC)

Վերջին շրջանում բազում նորեկների համար ակտիվացրել եմ, դեռ վնասակար բան չեն արել կամ ես չեմ նկատել։ Իհարկե ես ու շատերը էլի կարող ենք օգնել ակտվացնելու գործում, սակայն ինչի ժամանակ կորցնենք, եթե այն կարող է ավտոմատ ակտիվանալ։ Իսկ թե լինեն վնասակար գործողություններ, միշտ հետևում ենք վերջին փոփոխություններին, կզգուշացնենք, հետ կշրջենք։--Ավետիսյան91 (քննարկում) 12:52, 29 Հունվարի 2020 (UTC)

Ուրիշ բան է, որ ձեր վերահսկողությամբ ակտիվացնեն և գործածեն, բայց առանձին շատ բան կարող է լինել: Մի մտահոգություն էլ չավելացնենք:--∑ίγμα (քնն.) 13:30, 29 Հունվարի 2020 (UTC)

Ես համաձայն չեմ ՀոթՔաթ գործիքի լռելյայն ակտիվացմանը՝ հետագա խնդրներից խուսափելու համար:--TonJ (քննարկում) 20:18, 29 Հունվարի 2020 (UTC)

Հիանալի միտք է ^: Կողմ --PinkBaby (քննարկում) 20:41, 29 Հունվարի 2020 (UTC)

Կողմ Անձամբ ճանաչում եմ մասնակցի, որը երկու տարվա վիքիխմբագիր է, բայց մոտ մեկ շաբաթ առաջ է իմացել գործիքի մասին, իսկ եթե լռելյայն ակտիվացվի՝ նմանատիպ դեպքեր ավելի քիչ կլինեն:--Angelixus (քննարկում) 20:49, 29 Հունվարի 2020 (UTC)

Տեսեք՝ գործիքը միայն դրական կողմեր ունի․ Դեմ կարծիք արտահայտողները պատճառաբանում են հնարավոր վնասով, բայց այդ տրամաբանությամբ կարելի է վիզուալ խմբագրիչն էլ անջատել բոլորի մոտ, թո մարդիկ ընտրությամբ ակտիվացնեն։ Վիզուալով ավելի շատ կարող են վնաս տալ, քան ՀոթՔաթ-ով։--Ավետիսյան91 (քննարկում) 20:53, 29 Հունվարի 2020 (UTC)

Ավետիսյան91 ջան, սրամիտ և շատ տեղին էր:--Angelixus (քննարկում) 20:56, 29 Հունվարի 2020 (UTC)

Հարգելի՛ Angel X, ձեր ստորագրությունը խախտում է Վիքիպեդիայի ստորագրելու քաղաքականության առաջին կետը, ըստ որի՝ «արգելվում է մասնակցի ստորագրությունում մասնակցային և իրական անունից բացի այլ անունների կիրառումը»:--TonJ (քննարկում) 17:51, 30 Հունվարի 2020 (UTC)

Հարգելի՛ TonJ, երկու տառը որևէ բան չի փոխում, նաև նշեմ, որ չեմ պատրաստվում փոփոխել այն:--Angelixus (քննարկում) 17:53, 30 Հունվարի 2020 (UTC)

Ժամանակին Հայերեն Վիքիպեդիայում քննարկում է եղել կապված վիզուալ խմբագրիչին ամբողջությամբ անցնելու վերաբերյալ, համայնքը դեմ է քվեարկել։ Այնպես, որ ճաշակի հարց է, թե ում որ տարբերակն է դուր գալիս։ Ես ճանաչում եմ վիքիխմբագիրների, որոնց հաճելի է կոդային տարբերակով ավելացնել կատեգորիաները։ Ըստ այդմ, ես նույնպես Դեմ եմ, որ լռելայն բոլորի մոտ ակտիվացվի։ Յուրաքանչյուր մասնակից թող ինքը որոշի ինչ գործիքով կամ խմբագրման տարբերակով աշխատի։ Իսկ եթե նորեկ խմբագիրներին սովորեցնող մասնակիցը կարծում է, որ Հոթքաթով աշխատելն ավելի հեշտ է, կարող է նորեկ մասնակցին ծանոթացնել գործիքի հետ։--Armen (քննարկում) 21:03, 29 Հունվարի 2020 (UTC)

• Միայն տեղեկացնեմ, որ ՀոթՔաթ-ն ակտիվացնելու դեպքում կոդի հնարավորությունը չի փակվում։ Ուստի տրամաբանված չէ կոդով խմբագրել նախընտրելը հակադրել ՀոթՔաթի ակտիվացմանը։ Կոդո՞վ են ուզում, կոդով կարող ես էլի խմբագրել, ՀոթՔաթ-ն չի խանգարի։
• Նշեմ նաև, որ շատ ուրիշ գաջեթներ լռելյայն ակտիվացված են, օրինակ Provelt-ը, {{ԹՀ}}-ն արագ տեղադրելու գործիքը։ Այս դեպքերում էլ մարդիկ կարող էին կոդով անել, ինչու ենք բոլորի մոտ ակտիվացրել և ընտրության հնարավորություն չենք տվել։ Այս գործիքներով էլ կարող են վնասել, օրինակ սեղմելով սխալ լեզվով ԹՀ-ի վրա։--Ավետիսյան91 (քննարկում) 07:06, 30 Հունվարի 2020 (UTC)

Ավետիսյան91 ջան, խոսքը մեկ երկու սխալ խմբագրելու «վնասելու» մեջ չէ, ես մտավախություն ունեմ, որ ՀոթՔաթ գործիքով մեկ սեխմումով կարող են մասայական (օրինակ 1000) սխալ գործողություն անել, ինչը շտկելը բավականին դժվար կարող է լինել: Ոչ ոք չի կարող խոստանալ, որ մշտապես հետևելու է, որ նման դեպքեր չլինեն:--Սամվել^{քննարկում} 09:38, 30 Հունվարի 2020 (UTC)

@Samo04 ջան, ո՞նց կարելի է ՀոթՔաթ-ով մեկ գործողությամբ 1-ից ավելի խմբագրում անել։ Ես տեղյակ չեմ։--Ավետիսյան91 (քննարկում) 14:19, 30 Հունվարի 2020 (UTC)

Ավետիսյան91 ջան կատեգորիա տեղափոխելիս վարպետի միջոցով, որքանով տեղյակ եմ ՀոթՔաթը ակտիվացնելիս դա էլ է ակտիվանում, գուցե սխալվում եմ:--Սամվել^{քննարկում} 05:07, 31 Հունվարի 2020 (UTC)

@Samo04 ջան, դա առանձին գործիք է՝ Category Master: ՀոթՔաթի հետ չի ակտիվանում։Ավետիսյան91 (քննարկում) 05:30, 31 Հունվարի 2020 (UTC)

Կներես Ավետիսյան91 ջան, ուրեմն ոչ մի խնդիր չեմ տեսնում:--Սամվել^{քննարկում} 06:17, 31 Հունվարի 2020 (UTC)

Ես նույնպես կողմ եմ գործիքի ավտոմատ ակտիվացմանը, քանի որ ինքս զգացել եմ, թե որքան է հեշտացնում իմ խմբագրումները։--NellieA (քննարկում) 14:40, 30 Հունվարի 2020 (UTC)

Նոր մասնակիցները մեծամասամբ սկսել են Վիզուալ խմբագրիչով աշխատել ու կատեգորիա տեղադրելուց դժվարանում են, իսկ Հոթ քաթը այս դեպքում շատ հարմար է։ Որևէ վատ բան չեմ տեսնում, որ գործիքը լռելյան ավելացվի։ մանավանդ, որ միշտ էլ անջատելու տարբերակը կա։--Beko^{Քննարկում} 06:41, 31 Հունվարի 2020 (UTC)

Կողմ, ոչ մի խնդիր չեմ տեսնում:--Գևորգ^💬 19:00, 31 Հունվարի 2020 (UTC)

Կողմ, շնորհակալություն Ավետիսյան91 մասնակցին՝ քննարկումը բացելու համար։--Օmıcrօn 20:54, 4 Փետրվարի 2020 (UTC)

Փոքր-ինչ ուշացումով, բայց արձագանքեմ այս քննարկմանը։ Այս օրերին առիթ ունեմ աշխատելու նորեկների հետ և դժվարություններ ունեցա կատեգորիաներ ավելացնելու հարցը բացատրելիս։ Ստիպված էի յուրաքանչյուրին բացատրելու «ՀոթՔաթը» միացնելու ձևը։ Այնպես որ, առաջարկին Կողմ եմ։ --23artashes (քննարկում) 19:40, 17 Փետրվարի 2020 (UTC)

Համաձայնություն-քվեարկություն

Ունենք Վիքիպեդիա:Քվեարկություններ էջ, որտեղ ամենասկզբում գրված է-«Հայերեն Վիքիպեդիայում համաձայնության չհասնելու դեպքում ժամանակավոր որոշումներ կամ ընտրություններ կատարվում են քվեարկության միջոցով։ Այստեղ կարող եք տեսնել ընթացիկ բոլոր քվեարկությունները։», ինչը հակասում է Ինչ չէ Վիքիպեդիան կանոնի «Վիքիպեդիան ժողովրդավարություն չէ» կետին: Առաջարկում եմ Քվեարկություններ էջից հանել վերը նշված նախադասությունը և փոխարենը գրենք, որ «Վիքիպեդիայում համաձայնություն հասնելու համար ընդունված չէ քվեարկելու մեխանիզմ կիրառել, սակայն որոշ բացառիկ դեպքերում որոշումներն ընդունվում են քվեարկությունների միջոցով:»--Սամվել^{քննարկում} 09:57, 3 Փետրվարի 2020 (UTC)

Ես համամիտ եմ, այդպես հոյակապ է ստացվում:--TonJ (քննարկում) 16:36, 3 Փետրվարի 2020 (UTC)

Համաձայն եմ ։) --ջեօ ^(✡) 13:03, 4 Փետրվարի 2020 (UTC)

Կողմ--Օmıcrօn 20:56, 4 Փետրվարի 2020 (UTC)

Growth team experiments update

Hello!

Sorry to use English, Please help translate to your language. Please also move this message if I haven't posted it at the right place.

I'm Trizek, and I work with the Growth team, at the Wikimedia Foundation.

As you (may) already know, some new tools have been deployed on your wiki. These tools are here to help new participants to make their first steps.

We still need some help to finalize the configuration of all tools. How do you translate "New User Welcome Survey Privacy Statement" in Armenian?

Have you tried the features? (You can create new test accounts for this.) What do you thing of them?

We publish a newsletter time to time. Do you wish to subscribe to it? A new issue will be released soon.

Thank you in advance for your reply, and please ask me if you have questions about these tools!

Trizek (WMF) (քննարկում) 11:13, 4 Փետրվարի 2020 (UTC)

Ping ԱշոտՏՆՂ: maybe you missed my messages? :) Trizek (WMF) (քննարկում) 09:38, 5 Փետրվարի 2020 (UTC)

Hello Trizek. In the sentence "New User Welcome Survey Privacy Statement" I think may be you need to put comma there to make sentence clear what do you mean. --VardanMn (քննարկում) 09:09, 6 Փետրվարի 2020 (UTC)

Hello VardanMn

"New User Welcome Survey Privacy Statement" is a title for a page. It could also be written "The privacy statement for the welcome survey for'new users'".

Trizek (WMF) (քննարկում) 11:44, 6 Փետրվարի 2020 (UTC)

Trizek (WMF) so it can be «Նոր մասնակիցների ողջույնի հարցման գաղտնիության քաղաքականություն»․--VardanMn (քննարկում) 13:44, 6 Փետրվարի 2020 (UTC)

Wonderful! Thank you very much, VardanMn! Trizek (WMF) (քննարկում) 12:52, 7 Փետրվարի 2020 (UTC)

Նոր գնահատում՝ «Աորտալ անբավարարություն»

Գնահատման է ներկայացվել «Աորտալ անբավարարություն» հոդվածը: Խնդրում ենք հայտնել ձեր կարծիքը գնահատման ենթաէջում:--Voskanyan (քննարկում) 14:14, 8 Փետրվարի 2020 (UTC)

Նոր նախագիծ Հայաստանի հուշարձանների վերաբերյալ

Վիքիխմբագիրներ ջան, ցանկանում եմ ձեր հաստատմանը ներկայացնել Հայաստանի հուշարձաններ նախագիծը։ Այն իրականացնելու կարիք էի տեսել դեռևս այն ժամանակ, երբ մասնակցում էի Վիքին սիրում է հուշարձանները նախագծին և նկատել էի, որ Հայերեն Վիքիպեդիայում Հայաստանի հուշարձանների մասին հոդվածները դեռևս ցանկալի մակարդակի խորություն չունեն, շատերը գրված էլ չեն։ Ես և Gevorg Ghazaryan-ը որոշեցինք Հայերեն Վիքիպեդիայի զարգացման նպատակով կազմակերպել այս նախագիծը։ Այն տևելու է 2020 թվականի մարտի 1-ից 31-ը։ Գրելու ենք Հայաստանի Հանրապետության և Արցախի տարածքում գտնվող հուշարձանների մասին։ Ակնկալում եմ ոչ միայն ձեր հաստատումը, այլև ակտիվ մասնակցությունը։--Soghomon Matevosyan (քննարկում) 07:36, 12 Փետրվարի 2020 (UTC)

Քվեարկություն

1. Կողմ - ժամանակ ունենալու դեպքում նաև կմասնակցեմ։--Ավետիսյան91 (քննարկում) 09:41, 12 Փետրվարի 2020 (UTC)
2. Կողմ--Violmsyan (քննարկում) 16:12, 12 Փետրվարի 2020 (UTC)
3. Կողմ--Օmıcrօn 22:05, 12 Փետրվարի 2020 (UTC)
4. Կողմ Շատ լավ գաղափար, կփորձեմ միանալ։ --VardanMn (քննարկում) 09:32, 13 Փետրվարի 2020 (UTC)
5. Կողմ եմ, դե իհարկե, փորձելու եմ մասնակցեմ ։Դ --Nooberella^💬 16:47, 13 Փետրվարի 2020 (UTC)
6. Կողմ եմ։ --23artashes (քննարկում) 17:45, 13 Փետրվարի 2020 (UTC)

Կարծիքներ, հարցադրումներ

Թարգմանվելո՞ւ են հոդվածները, հարգելի՛ Soghomon Matevosyan:--TonJ (քննարկում) 16:17, 12 Փետրվարի 2020 (UTC)

TonJ, ոչ: Հոդվածների բարելավման/ստեղծման համար ներկայացվելու են աղբյուրներ:--Գևորգ^💬 16:31, 12 Փետրվարի 2020 (UTC)

Հայերեն Վիքիպեդիայի ծննդյան միջոցառում

Սիրելի՛ խմբագիրներ, այս կիրակի՝ փետրվարի 16-ին Վիքիմեդիա Հայաստանի գրասենյակում առաջին անգամ տոնելու ենք Հայերեն Վիքիպեդիայի ծննդյան օրը։

Օրակարգը ներառում է խմբագրաթոն, ինչպես նաև ջութակի ուղեկցությամբ պարային երաժշտություն։ Իսկ մինչ ուշ գիշեր մնացողների հետ ժամը 00:00-ին արդեն պաշտոնապես նշելու ենք հանրագիտարանի ծննդյան օրը։

Գրանցումը պարտադիր է։ Գրանցվելու համար այցելեք այստեղ։

Գլխավոր էջի քննարկման արխիվացում

Ողջույն։ Առաջարկում եմ արխիվացնել գլխավոր էջի քննարկումները՝ Քննարկում:Գլխավոր էջ/Արխիվ/{Տարեթիվ} ֆորմատով։ Կանեմ, եթե դեմ չեք, հղումներն էլ կթողնեմ։--Ավետիսյան91 (քննարկում) 22:48, 13 Փետրվարի 2020 (UTC)

Հա, կարելի է արխիվացնել արդեն։ --ջեօ ^(✡) 18:44, 14 Փետրվարի 2020 (UTC)

Մերսի։ Արխիվը սարքել եմ՝ Քննարկում:Գլխավոր էջ/Արխիվ։ Մի քանի օր էլ սպասեմ կարծիքների ու տեղադրեմ էջում--Ավետիսյան91 (քննարկում) 13:50, 15 Փետրվարի 2020 (UTC)

Ճիշտ որոշում է, կողմ եմ:--∑ίγμα (քնն.) 21:56, 15 Փետրվարի 2020 (UTC)

Արված է՝ Քննարկում:Գլխավոր էջ։ Շնորհակալություն կարծիքների համար։--Ավետիսյան91 (քննարկում) 08:02, 17 Փետրվարի 2020 (UTC)

CEE spring 2020

Հարգելի համայնք, մարտի 21-ից սկսվում է Կենտրոնական և արևելյան Եվրոպայի երկրների Գարուն 2020 (CEE Spring 2020) խմբագրական մրցույթը, որին արդեն քանի տարի է մասնակցում ենք։ Մրցույթն ավարտվելու է մայիսի վերջին։ Այս տարի ևս սկել են նախապատրաստական աշխատանքները։ Ինչպես ավանդաբար ընդունված է՝ մեկ շաբաթ է տրամադրվելու մրցույթի մասնակից երկրներից երկուսի կամ երեքի մասին հոդվածներ գրելուն։ Մենք ներկայացնելու ենք հայկական թեմատիկայով հոդվածների ցանկ, որի մասին կգրեն մյուս երկրները։ Մրցույթի վերջում ամփոփելու ենք արդյունքները և հայտարարելու ենք հաղթողներին։ Հուսով եմ համայնքը հայ խմբագիրների մասնակցությանը այս մրցույթին և մեր կողմից թարգմանվելիք հոդվածներ առաջարկելուն դեմ չէ։ Համաձայնության գալուց հետո կարող ենք քննարկել մասնակցության, առաջադրված հոդվածների ընտրության մանրամասները։--Beko^{Քննարկում} 18:04, 17 Փետրվարի 2020 (UTC)

Կողմ, սիրով կմասնակցեմ:--Գևորգ^💬 18:07, 17 Փետրվարի 2020 (UTC)

Կողմ եմ։ --23artashes (քննարկում) 19:43, 17 Փետրվարի 2020 (UTC)

Կողմ եմ: --Արեն (քննարկում)

Կողմ--Գարդմանահայ (քննարկում) 20:35, 17 Փետրվարի 2020 (UTC)

Կողմ--∑ίγμα (քնն.) 21:04, 17 Փետրվարի 2020 (UTC)

Կողմ--A.arpi.a (քննարկում) 08:39, 18 Փետրվարի 2020 (UTC)

Կողմ--Ավետիսյան91 (քննարկում) 09:47, 18 Փետրվարի 2020 (UTC)

Կողմ --Angelixus (քննարկում) 10:01, 18 Փետրվարի 2020 (UTC)

Երաժշտական խմբագրաթոն

Հարգելի՛ համայնք, առաջարկում եմ սկսել երաժշտական թեմատիկայով խմբագրաթոն, որովհետև վերջին շրջանում այդ թեմային նվիրված բազմաթիվ հոդվածներ են խմբագրվում։ Կարծում եմ այն կօգնի այդ թեմատիկայով խմբագրողների համար խմբագրումներն էլ ավելի հետաքրքիր դարձնել։ Առաջարկում եմ անցկացնել մարտի 1-ից մինչև ապրիլի 1-ն ընկած ժամանակահատվածում։ Խմբագրաթոնի ընթացքում խմբագրելու ենք հիմնականում անգլալեզու և իսպանալեզու երգեր (ոչ ռաբիս), ինչպես նաև բարելավելու ենք երգիչների մասին հոդվածները և ստեղծելու ենք նրանց սկավառակագրություններին, մրցանակների ցանկերին, համերգային շրջագայություններին, երաժշտական ալբոմներին և սինգլներին նվիրված հոդվածներ։ Մի խոսքով՝ այն ամենն, ինչ կապված է երաժշտության հետ։ Սիրով՝ --Angelixus (քննարկում) 10:43, 18 Փետրվարի 2020 (UTC) ։

Կարծիքներ, հարցադրումներ

Նույն ժամանակահատվածում 3 նախագիծը մի քիչ շատ չէ՞. մարտի 1-31-ին նախատեսվում է հուշարձանների մրցույթը, իսկ 21-ին սկսվելու է CEE spring 2020-ը։ --23artashes (քննարկում) 11:50, 18 Փետրվարի 2020 (UTC)