Վիկտոր Ռոզեն
Վիկտոր Ռոմանովիչ Ռոզեն (ռուս.՝ Виктор Романович Розен, փետրվարի 21 (մարտի 5), 1849[1] կամ մարտի 5, 1849[1], Տալլին, Ռուսական կայսրություն[2] - հունվարի 10 (23), 1908[1] կամ հունվարի 23, 1908[1], Սանկտ Պետերբուրգ, Ռուսական կայսրություն[2]), ռուս արևելագետ-արաբագետ, Պետերբուրգի ԳԱ ակադեմիկոս (1890 թ.)։
1885 թվականից գլխավորել է ռուս, հնագիտական ընկերության արլևելյան բաժանմունքը, հիմնադրել է «Նոթեր ռուսական հնագիտական ընկերության արևելյան բաժանմունքի ամսագիրը։ Ռոզենի գործունեության հետ է կապված արևելագիտության նոր դպրոցի հիմնադրումը։ Լինելով հիմնականում արաբական երկրների ժողովուրդների հոգևոր մշակույթի ուսումնասիրող՝ Ռոզենն անդրադարձել է նաև այդ երկրների քաղաքական պատմությանը։ Կիրառել է պատմական աղբյուրների ուսումնասիրության և տեքստաբանական քննության ժամանակակից մեթոդներ և եղանակներ։ Ուսումնասիրել և հրատարակել է Ռուսաստանի պատմության վերաբերյալ արաբական աղբյուրներ, հրատարակել է պատմիչ Անաիոքացու ժամանակագրության մասերի ծանոթագրված թարգմանությունը։ Երբեմն հաղթահարելով պատմության վերաբերյալ իդեալիստական պատկերացումները՝ տարերայնորեն կանգնել է մշակութային երևույթների մատերիալիստական մեկնաբանման ուղու վրա։ Հանդես է եկել համաշխարհային պատմության ընթացքի ուսումնասիրման մեջ եվրոպակենտրոն տեսության դեմ։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 Литераторы Санкт-Петербурга. ХХ век (ռուս.) / под ред. О. В. Богданова
- ↑ 2,0 2,1 2,2 2,3 2,4 2,5 Розен Виктор Романович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Վիքիպահեստն ունի նյութեր, որոնք վերաբերում են «Վիկտոր Ռոզեն» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |