Վիլլե Պեսսի (Pessi) (մարտի 24, 1902(1902-03-24)[1], Վիբորգի նահանգ, Ռուսական կայսրություն և Sevastyanovo, Պրիոզյորսկի շրջան - նոյեմբերի 6, 1983(1983-11-06), Վանտաա, Ուուսիմաա, Ուուսիմաա նահանգ, Ֆինլանդիա), ֆինլանդիայի և միջազգային բանվորական շարժման գործիչ։ 1923 թվականին ընդունվել է Երիտասարդության սոցիալիստական միության, 1924 թվականին՝ Ֆինլանդիայի կոմունիստական կուսակցության (ՖԿԿ) շարքերը։ Դարձել է Պասիլի (Հելսինկի) երկաթուղային արհեստանոցների կուսակազմակերպության քարտուղար, այնուհետև՝ պրոֆեսիոնալ հեղափոխական։ 1930-1931 թվականին Պ. Վասա և Տուրկու քաղաքների ՖԿԿ օկրուգկոմների ընդհատակյա կազմակերպիչն էր։ 1931 թվականին ընտրվել է ՖԿԿ ԿԿ անդամ։ 1932-1933 թվականին՝ կազմակերպական աշխատանքի գծով ԿԿ քարտուղար։ 1934 թվականից գլխավորել է կոմկուսը։ Կոմունիստական գործունեության համար 1935-1944 թվականին արգելափակվել է բանտերում և համակենտրոնացման ճամբարներում։ 1944-1969 թվականին ՖԿԿ գլխավոր քարտուղարն էր։ 1972 թվականի ապրիլին ընտրվել է ՖԿԿ պատվավոր նախագահ։ Եղել է ՖԿԿ Քաղբյուրոյի անդամ (1944-1972)։ Պարգևատրվել է Հոկտեմբերյան հեղափոխության շքանշանով։

Վիլլե Պեսսի
ֆին.՝ Ville Pessi
Դիմանկար
Ծնվել էմարտի 24, 1902(1902-03-24)[1]
ԾննդավայրՎիբորգի նահանգ, Ռուսական կայսրություն կամ Sevastyanovo, Պրիոզյորսկի շրջան
Մահացել էնոյեմբերի 6, 1983(1983-11-06) (81 տարեկան)
Մահվան վայրՎանտաա, Ուուսիմաա, Ուուսիմաա նահանգ, Ֆինլանդիա
ԳերեզմանMalmi cemetery
ՔաղաքացիությունFlag of Finland.svg Ֆինլանդիա
ԿրթությունՄիջազգային լենինյան դպրոց
Մասնագիտությունքաղաքական գործիչ
Զբաղեցրած պաշտոններՖինլանդիայի խորհրդարանի պատգամավոր
ԿուսակցությունFinnish People's Democratic League?
Պարգևներ և
մրցանակներ
Հոկտեմբերյան հեղափոխության շքանշան և Ժողովուրդների բարեկամության շքանշան
Ville Pessi Վիքիպահեստում

ԾանոթագրություններԽմբագրել

  1. 1,0 1,1 Munzinger Personen (գերմ.)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 235