Վերոնիկա Լեյկ

Վերոնիկա Լեյկ
Վերոնիկա Լեյկ
Ի ծնե անուն՝	Veronica Lake
Ծննդյան թիվ՝	նոյեմբերի 14, 1922 (102 տարեկան)
Ծննդավայր՝	Նյու Յորք, ԱՄՆ
Վախճանի թիվ՝	հուլիսի 7, 1973
Վախճանի վայր՝	Բերլինգթոն, Վերմոնտ, ԱՄՆ
Քաղաքացիություն՝	ԱՄՆ
Մասնագիտություն՝	դերասանուհի, օդաչու, թատրոնի դերասանուհի, հեռուստատեսային դերասանուհի, մոդել և կինոդերասանուհի
Կարիերա՝	1939—1970
Պարգևներ՝	Հոլիվուդյան փառքի ծառուղու աստղ
IMDb։	ID 0000043

Վերոնիկա Լեյկը (անգլ.՝ Veronica Lake, նոյեմբերի 14, 1922(1922-11-14)^[2], Բրուքլին, Նյու Յորք, Նյու Յորք, ԱՄՆ - հուլիսի 7, 1973(1973-07-07)^[1]^[2], Բերլինգթոն, Վերմոնտ, ԱՄՆ), ամերիկացի դերասանուհի է, որը նորաձևության մեջ մտցրեց երկար մազերով մեկ աչքը փակելու հնարքը։ Իր կարիերան սկսել է 1939 թվականից։ Նկարահանվել է մի շարք հայտնի հոլիվուդյան ֆիլմերում։ Հոլիվուդյան փառքի ծառուղում ունի իր աստղը։

Կենսագրություն

Վերոնիկա Լեյկը ծնվել է 1922 թվականի նոյեմբերի 14-ին Բրուքլինում, նավաստու ընտանիքում։ Հաղթելով տեղի գեղեցկության մրցույթում՝ Վերոնիկա Լեյկը 1938 թվականին մոր հետ մեկնել է Հոլիվուդ։ Մեկ տարի անց նա կատարել է իր նորամուտը կինոյում «RKO» ստուդիայում, որտեղ իր առաջին իսկ դերից հետո գրավել է «Paramount Pictures»-ի պրոդյուսերներից մեկի ուշադրությունը երկար մազերով շիկահերի կերպարով, որի շնորհիվ էլ հիշվել է հանդիսատեսի կողմից։ 1940-ական թվականների սկզբին Վերոնիկ Լեյկը կարճ ժամանակում վերածվում է հոլիվուդյան աստղի։ Նրա մասնակցությամբ այդ տարիներին նկարահանված ֆիլմերից շատերը, ինչպիսիք են՝ «Սալիվանի թափառումները (1941), «Վարձով զենք» (1942) և «Ապակե բանալի» (1942), դարձել են հիթեր։ Վերոնիկա Լեյկը եղել է շատ կանանց կուռքը, իսկ նրա սանրվածքը, որ ստացել է «խաղ տապկնոցի» անունը, եղել է ամենատարածվածը այդ տարիներին^[3]։ նայած հանդիսատեսի շրջանում ունեցած ժողովրդականությանը՝ Վերոնիկա Լեյկը համարվել է ծանր բնավորությամբ դերասանուհի, որի հետ աշխատանքը մշտապես հետաձգվում էր ինչ-որ կոնֆլիկտների պատճառով^[4]։

1944 թվականին Վերոնիկա Լեյկը, լինելով հղի, ֆիլմերից մեկի նկարահանումների ժամանակ ընկել է, ինչը հանգեցրել է երեխայի վաղաժամ ծննդին և նորածնի մահվան^[5]։ Այդ դեպքը մեծ ազդեցություն է թողել դերասանուհու կյանքի վրա. շուտով նա բաժանվել է ամուսնուց, իսկ կարճ ժամանակ հետո սկսվել են խնդիրներ ալկոհոլի հետ կապված։ Նկարահանման հրապարակներում նա ավելի հաճախ էր սկանդալների տեղիք տալիս, և 1948 թվականին «Paramount» կինոստուդիան որոշում է չերկարաձգել նրա հետ պայմանագրի ժամկետը

Մինչև 1950-ական թվականների կեսերը հեռուստատեսությունում ու թատրոնում աշխատանք գտնելու փորձերն արդյունք չեն տալիս, և նրա կարիերան վերջնականապես ավարտվում է։ 1959 թվականին երրորդ ամուսնուց բաժանվելուց հետո Վերոնիկա Լեյկն սկսում է ավելի հաճախ հայտնվել ոստիկանությունում հասարակական վայրերում խուլիգանության ու հարբեցողության պատճառով, իսկ իր կյանքը նա անցկացնում էր Բրուքլինի էժանագին հյուրանոցներում։ Շուտով «New York Post»-ի լրագրողներից մեկը նկատել է, որ նա աշխատում է Մանհեթենի հյուրանոցներից մեկում որպես բուֆետապան։ Այդ պատճառով նա կրկին արժանանում է հասարակության ուշադրությանը։ Նրան հաջողվում է հայտնվել հեռուստատեսությունում՝ մի որոշ ժամանակ որպես հաղորդավար աշխատելով Բալթիմորում։

Վերոնիկա Լեյկի հոգեկան վիճակը շարունակել է վատթարանալ, ինչը հանգեցրել է նրա մոտ պարանոյայի զարգացմանը^[6]։ Դերասանուհին մահացել է 1973 թվականի հուլիսի 7-ին հեպատիտից և երիկամային անբավարարության պատճառով, որոնց պատճառը ալկոհոլամոլությունն էր։ Դերասանուհին մահացել է 50 տարեկանում^[7]։ Նա դիակիզվել է, իսկ աճյունը ցրվել է Վիրջինյան կղզիների ափին, ինչպես ինքն է ցանկացել։

Ընտրյալ ֆիլմագրություն

Բոլոր կանայք էլ ունեն գաղտնիքներ (1939) – Ջեյն
Ինձ թևեր են պետք (1941) – Սալլի Վոն
Սալիվանի թափառումները (1941) – աղջիկ
Վարձու զենք (1942) – Էլեն Գրեհեմ
Ապակե բանալի (1942) – Ջանետ Հենրի
Ես ամուսնացել եմ կախարդի հետ (1942) – Ջենիֆեր
Վշտի, կարոտի ու կորուստների միջով (1943) – Օլիվիա դ’Արսի
Ոչ այս աշխարհում (1945) – Դորոթի Դոջ
Կապույտ գեորգին (1946) – Ջոյս Հարվուդ
Սայգոն (1948) – Սյուզան Քլիվեր
Մի՞թե սա ռոմանտիկա չէ (1948) – Քենդի Կամերոն

Ծանոթագրություններ

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 Discogs — 2000.
↑ «Veronica Lake's remains resurface». USA Today. 2004 թ․ հոկտեմբերի 12. Վերցված է 2008 թ․ հունիսի 2-ին.
↑ Donnelley, Paul (2003). Fade to black: A Book of Movie Obituaries. Omnibus Press. էջեր 392. ISBN 0-711-99512-5.
↑ Parish, Robert James (2001). The Hollywood Book of Death: The Bizarre, Often Sordid, Passings of More than 125 American Movie and TV Idols. Contemporary Books. էջ 74. ISBN 0-809-22227-2.
↑ Lenburg, Jeff (2007). Peekaboo: The Story of Veronica Lake. iUniverse. էջ 236. ISBN 0-595-19239-4.
↑ «Veronica Lake». BUNKSPLACE. Արխիվացված է օրիգինալից 2012 թ․ հունվարի 21-ին. Վերցված է 2017 թ․ օգոստոսի 10-ին.

Արտաքին հղումներ

Վերոնիկա Լեյկ (անգլ.) Internet Movie Database կայքում
Վերոնիկա Լեյկը Find a Grave կայքում
Վերոնիկա Լեյկը Peoples.ru կայքում

Վիքիպահեստն ունի նյութեր, որոնք վերաբերում են «Վերոնիկա Լեյկ» հոդվածին։

[_50c0bb5e4a71178d-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_17b2fa04c97c02f4-2] 2,0 ^2,1 ^2,2 Discogs — 2000.

[3] «Veronica Lake's remains resurface». USA Today. 2004 թ․ հոկտեմբերի 12. Վերցված է 2008 թ․ հունիսի 2-ին.

[4] Donnelley, Paul (2003). Fade to black: A Book of Movie Obituaries. Omnibus Press. էջեր 392. ISBN 0-711-99512-5.

[5] Parish, Robert James (2001). The Hollywood Book of Death: The Bizarre, Often Sordid, Passings of More than 125 American Movie and TV Idols. Contemporary Books. էջ 74. ISBN 0-809-22227-2.

[6] Lenburg, Jeff (2007). Peekaboo: The Story of Veronica Lake. iUniverse. էջ 236. ISBN 0-595-19239-4.

[7] «Veronica Lake». BUNKSPLACE. Արխիվացված է օրիգինալից 2012 թ․ հունվարի 21-ին. Վերցված է 2017 թ․ օգոստոսի 10-ին.

[2]

[1]

[3]

[4]

[5]

[6]

[7]