Վենսան Պերես

Վենսան Պերես (ֆր.՝ Vincent Pérez, հունիսի 10, 1964(1964-06-10), Լոզան, Շվեյցարիա), շվեյցարիացի դերասան, ռեժիսոր։

Վենսան Պերես ֆր.՝ Vincent Pérez
Վենսան Պերեսը Կաննի կինոփառատոնում, 2013 թվական
Ծնվել է	1964 թվական հունիսի 10
Ծննդավայր	Լոզաննա, Շվեյցարիա
Կրթություն	Բարձրագույն ազգային դրամատիկ արվեստների կոնսերվատորիա
Քաղաքացիություն	Շվեյցարիա
Մասնագիտություն	դերասան, ռեժիսոր
Ակտիվ շրջան	1986-այժմ
Ընտրանի	«Մարգո թագուհին», «Սիրանո դե Բերժերակ»
Ամուսին(ներ)	Կարին Սիլլա
Համատեղ ապրող(ներ)	Կառլա Բրունի
Երեխա(ներ)	Իման (1999 թվական), Պաբլո (2004 թվական), Տեսս (2004 թվական), Ռոքսանա (Կարին Սիլլայի դուստրը)
IMDb	ID 0001641
vincentperez.com

Կենսագրություն

Վենսան Պերեսը ծնվել է 1964 թվականի հունիսի 10-ին Լոզաննայում, իսպանացու և գերմանուհու ընտանիքում։ Երիտասարդ ժամանակ երազում էր դառնալ քանդակագործ, նկարիչ կամ լուսանկարիչ, սակայն արդյունքում, 18 տարեկան հասակում, ուղևորվում է Ֆրանսիա, որտեղ սովորում է Դրամատիկական արվեստի բարձրագույն ազգային կոնսերվատորիայի դերասանական բաժնում, իսկ այնուհետև, ընդունվում է Նանտերի Ամանդյե թատրոնի թատերախումբ։ Ուսանող ժամանակ Պերեսը նորամուտն է նշում կինոյում, նկարահանվելով «Գիշերվա պահապանը» («Gardien de la nuit», 1986 թվական) կինոնկարում։ Այնուհետև, 1988 թվականին, հետևում է Ժակլին Բիսետի հետ դուետը «Նեֆրիտե տուն» («La Maison de jade») դրամայում։

Պերեսը արագ ճանաչման է արժանանում Ֆրանսիայում։ 1990-1993 թվականներին նա թողարկում է մի շարք ֆիլմեր, որտեղ խաղում է ռոմանտիկ սիրահարի ամպլուայում, ֆրանսուհի առաջատար դերասանուհիների հետ զույգում։ Այսպես, նրա խաղընկերներն են հանդիսացել Էմմանուել Բեարը՝ «Նավապետ Ֆրակասի ճանապարհորդությունը» («Il Viaggio di Capitan Fracassa»), Կատրին Դենյովը՝ «Հնդկաչին» («Indochine»), Սոֆի Մարսոն՝ «Ֆանֆանի սիրո բուրմունքը» («Fanfan») կատակերգությունում, Իզաբել Աջանին՝ «Մարգո թագուհին» («La Reine Margot») դրամայում։ Նրան անուշադրության չեն մատնել նաև կինոքննադատները՝ 1991 թվականին Պերեսը անվանակարգվում է «Սեզար» մրցանակի, «Սիրանո դե Բերժերակ» («Cyrano de Bergerac») ֆիլմում դերի համար, իսկ 1992 թվականին արժանանում է Ժան Գաբենի մրցանակին։

Համաշխարհային ճանաչում նրան բերում է Վիմ Վենդերսի հետ համատեղ 1995 թվականին Միքելանջելո Անտոնիոնիի նկարահանած «Ամպերի ետևում» («Al di là delle nuvole») ֆիլմում դերասանի մասնակցությունը, իսկ այնուհետև նա հայտնվում է «Ագռավ 2. Հրեշտակների քաղաք» («The Crow: City of Angels») միստիկ թրիլերում։ 1996 թվականին դերասանը ժամանում է Ռուսաստան, որտեղ նա գլխավոր դերն է խաղում Պավել Լունգինի «Կյանքի ուղի» («Ligne de vie») մաֆիոզ ֆիլմում։

Ընտանիք

1998 թվականի դեկտեմբերի 18-ին Վենսան Պերեսը պաշտոնապես օրինականացնում է իր հարաբերությունները սենեգալցի նախկին մոդել Կարին Սիլլաի։ 1999 թվականի մայիսի 2-ին նրանք ունենում են առաջին ընդհանուր երեխան՝ դուստր Իմանը։ 2004 թվականին ծնվում են Պաբլո և Տեսս երկվորյակները։ Այժմ ամուսինները դաստիարակում են չորս երեխա՝ Իման, Պաբլո, Տեսս և Ռոքսանա (Կարին Սիլլայի դուստրը դերասան Ժերար Դեպարդիեից)։

Ֆիլմագրություն

Թվական	Անվանում	Բնօրինակ անվանում	Կերպար
1986	Գիշերվա պահապանը	Gardien de la nuit	Արման
1987	Դե Ֆրանս հյուրանոցը	Hôtel de France	Սերժ
1988	Նեֆրիտե տուն	La Maison de jade	Բեռնար Գրեց
1990	Նավապետ Ֆրակասի ճանապարհորդությունը	Il Viaggio di Capitan Fracassa	Բարոն դե Սիգոնյակ
	Սիրանո դե Բերժերակ	Cyrano de Bergerac	Քրիստիան դե Նովիլեթ
1991	Ձյուն և կրակ	La Neige et le feu	Ժակ Սենեշալ
1993	Ֆանֆանի սիրո բուրմունքը	Fanfan	Ալեքսանդր
1992	Հնդկաչին	Indochine	Ժան Բատիստ
1994	Մարգո թագուհին	La Reine Margot	Լա Մոլ
1995	Ամպերի ետևում	Al di là delle nuvole	Նիկոլո
1996	Ագռավ 2. Հրեշտակների քաղաք	The Crow: City of Angels	Էշ Կոռվեն
	Կյանքի ուղին	Ligne de vie	Ֆիլիպպ
1997	Մարտի	Le Bossu	Հերցոգ Նևերացի
	Ծովից քշվածները	Swept from the Sea	Յանկո Գուրալ
1998	Հրեշտակների զրույցը	Talk of Angels	Ֆրանցիսկո Արևագա
	Բավականություն	The Treat	Պիեռ
	Նրան, ովքեր ինձ սիրում են, կգնան գնացքով	Ceux qui m’aiment prendront le train	Վիվյեն
	Նշանառուները	Shot Through the Heart	սերբացի նշանառու Սլավկո Ստանիչ
1999	Ձեռք բերած ժամանակ	Le Temps retrouvé	Մորել
2000	Ես երազում էի Աֆրիկայի մասին	I Dreamed of Africa	Պաոլո Գալման
	Անառակը	Le Libertin	Դենի Դիդրո
	Ամուսնացիր ինձ հետ	Épouse-moi	Էդրիեն Ռոշ
2001	Քամու հարսնացում	Bride of the Wind	Օսկար Կոկոշկա
	Լուսաբացի խայթոցները	Les Morsures de l’aube	երիտասարդ դերասան
2002	Անիծյալների թագուհին	Queen of the Damned	Մարիուս դե Ռոմանուս
003	Ես մնում եմ	Je reste!	Բերտրան
	Ֆանֆան Կակաչը	Fanfan la tulipe	Ֆանֆան Կակաչը
	Երջանկությունը ոչինչ չարժե	La Felicità non costa niente	Ֆրանչեսկո
	Հերթապահ դեղագործ	Le Pharmacien de garde	Յան Լազարեկ
	Մեքենայի բանալիները	Les Clefs de bagnole
2004	Բարի գալուստ Շվեյցարիա	Welcome to Switzerland
2007	Առն. Ասպետ-թամպլիեր	Arn — Tempelriddaren	եղբայր Գիլբերտ
	Ապոկալիպսիսի գաղտնաբառը	Код Апокалипсиса	Լուի Դևյե
	Գաղտնիք	Si j'étais toi	ռեժիսոր, պրոդյուսեր
2009	Վաղը լուսաբացին	Demain dès l’aube	Մաթյո Գիբեր
2010	Մինչև վերջին շունչ	Inhale	բժիշկ Մարտինես
2011	Անլսելի հպում	Un baiser papillon	իրավաբան Լուի
2012	Իմ առաջին անգամ	Ma premiere fois	Սառայի որդեգիր հայրը
2013	(Ան)սպասելի արքայազն	Un prince (presque) charmant	ամուրի Ժան Մարկ
	Խոհանոցը Փարիզում	Кухня в Париже	Նիկոլյա Դյուպոն, Վիկայի սիրահետողը, Ֆրանսիայի նախագահի արձանագրային ծառայության պետ

Աղբյուրներ

• Официальный сайт (անգլ.)
• Венсан Перес (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Վենսան Պերես» հոդվածին։