Վաղես

Վաղես (լատին․՝ Flavius Julius Valens, Հուլիոս Ֆլավիոս Վալենս, 328, Վինկովցի, Vukovar-Srijem, Խորվաթիա - օգոստոսի 9, 378, Ադրիանապոլիս), Արևելահռոմեական կայսրության կայսր 364 թ. մարտի 28-ից մինչև 378 թ. օգոստոսի 9։ Գահ է բարձրացվել իր եղբոր՝ Վալենտինիանոս I-ի կողմից՝ որպես կայսրության արևելյան մասի տիրակալ։ 366 թվականին ճնշել է զորավար Պրոկոպիոսի ապստամբությունը, իսկ ապստամբներին աջակցած վեստգոթերին հալածել Դանուբից այն կողմ։ Խախտելով Սասանյան Իրանի հետ 363 թվականի հաշտության պայմանագիրը, 370-ին Հայաստանի թագավոր է հաստատել Պապին, Վրաստանի հարավային և արևմտյան շրջանների թագավոր՝ Սուրմակին, իսկ հյուսիսային և արևելան շրջանների թագավոր՝ Վարազ-Բակուրին։ Երբ Պապը փորձել է կարգավորել իր հարաբերությունները Պարսկաստանի հետ, Վաղեսի հրամանով Տրայանոս զորավարը 374-ին դավադրաբար սպանել է Պապին և Հայոց թագավոր նշանակել Վարազդատին (374-378)։ 375 և 376-ին պարսից Շապուհ II արքայի հետ բանակցություններ է վարել Հայաստանի բաժանման շուրջ։ Վեստգոթերը, որոնց Վաղեսը 376-ին թույլ էր տվել հաստատվել Մեզիայում, ապստամբել են, ասպատակել Թրակիան ու Մակեդոնիան, հոների և ալանների դաշնակցությամբ պարտության մատնել կայսեր զորավարներին։ Վաղեսը, Հայաստանը զիջելով պարսիկներին(բացառությամբ Հաշտյանք և Բալահովիտ գավառների), հռոմեական զորքերով Հայաստանից արշավել է արևմուտք՝ վեստգոթերի դեմ, սակայն 378 թվականի օգոստոսին Ադրիանուպոլսի մոտ տեղի ունեցած ճակատամարտում պարտություն է կրել և սպանվել։

Վաղես
Ծնվել է	328
Ծննդավայր	Վինկովցի, Vukovar-Srijem, Խորվաթիա
Մահացել է	օգոստոսի 9, 378
Մահվան վայր	Ադրիանապոլիս
Քաղաքացիություն	Հին Հռոմ
Մասնագիտություն	քաղաքական գործիչ և սպա
Ամուսին	Ալբիա Դոմինիկա
Ծնողներ	հայր՝ Գրատիան
Զբաղեցրած պաշտոններ	Հռոմի կայսր, հինհռոմեացի սենատոր, Բյուզանդիայի կայսր, Count of the Stable?, pontifex maximus?, Իմպերատոր (Հին Հռոմ), Tribunicia potestas?, կոնսուլ, կոնսուլ, կոնսուլ, կոնսուլ, կոնսուլ և կոնսուլ
Երեխաներ	Valentinianus Galates? և Anastasia?
Valens Վիքիպահեստում

Աղբյուրներ

Վիքիպահեստն ունի նյութեր, որոնք վերաբերում են «Վաղես» հոդվածին։