Ստեֆանի Մարչ
Ստեֆանի Մարչ (անգլ.՝ Stephanie Caroline March, հուլիսի 23, 1974[1][2], Դալաս), ամերիկացի դերասանուհի և հասարակական գործիչ։ Առավել հայտնի է «Օրենք և կարգ։ Հատուկ ստորաբաժանում» հեռուստասերիալում խաղացած Ալեքսանդրա «Ալեքս» Կեբոտի դերով և նրա «Համոզմունք» սփին-օֆֆով։
 | |
|---|---|
 | |
| Ծնվել է | հուլիսի 23, 1974[1][2] (49 տարեկան) |
| Ծննդավայր | Դալաս |
| Կրթություն | Հյուսիսարևմտյան համալսարան, Հյուսիսարևմտյան համալսարանի հաղորդակցության դպրոց և Highland Park High School? |
| Քաղաքացիություն |  ԱՄՆ |
| Մասնագիտություն | դերասանուհի, թատրոնի դերասանուհի, հեռուստատեսային դերասանուհի և կինոդերասանուհի |
| Ամուսին(ներ) | Բոբի Ֆլայ և Դեն Բենթոն[3] |
Կարիերա խմբագրել
Ստեֆանի Քերոլայն Մարչը իր կարիերան սկսել է որպես դերասանուհի՝ ելույթ ունենալով դպրոցական բեմադրություններում։ Դպրոցն ավարտելուց հետո ընդունվել է «Հյուսիսարևմտյան համալսարան», որտեղ սովորել է բեմական խոսք և հղկել դերասանական վարպետությունը։ Ուսումն ավարտելուց հետո սկսել է աշխատել թատրոնում։ Հաջողության է հասել առաջին իսկ լսումներից։ «Միջամառային գիշերվա երազ» բեմադրությունում խաղացել է Ելենայի դերը։ 1999 թվականին մեծ առաջնաելույթ է ունեցել Բրոդվեյում՝ քննադատների կողմից բարձր գնահատված «Կոմիվոյաժորի մահը» բեմադրությունում։ Բացի դրանից, սկսել է իր կարիերան նաև հեռուստատեսությունում, հայտնվել է սերիալների և հեռուստաֆիլմերի էպիզոդներում։
Կարիերայի ամենամեծ հաջողությունը Ալեքս Կեբոտի դերն է «Օրենք և կարգ։ Հատուկ ստորաբաժանում» հեռուստասերիալում, որտեղ խաղացել է 2000-2003 թվականներին։ Նկարահանումների ընդմիջումների ժամանակ նկարահանվել է «Պետության գլուխ», «Միստր և միսիս Սմիթ» և այլ ֆիլմերում։ 2006 թվականին նկարահանվել է իր Ալեքս Կեբոտի դերի սփին-օֆֆում՝«NBC» ալիքի «Համոզմունք» դրամայում։ 2009 թվականին «Օրենք և կարգ։ Հատուկ ստորաբաժանում» հեռուստասերիալի տասներորդ եթերաշրջան է վերադարձել որպես հրավիրված աստղ, ինչպես նաև 2018 թվականինին նկարահանվել է տասնիններորդ եթերաշրջանի 19-րդ սերիայում։ Նկարահանվել է նաև «Ստի հայտնագործումը», «Ջեսի Սթոուն։ Գիշերային այց» ֆիլմի գլխավոր դերում, «Գրեյի անատոմիա», «30 ցնցումներ» և «Պատրաստված է Ջերսիում» սերիալներում։
Անձնական կյանք խմբագրել
2005-2015 թվականներին Ստեֆանին ամուսնացած է եղել խոհարար Բոբի Ֆլեի հետ[4][5]։
2017 թվականի սեպտեմբերի 1-ից Ստեֆանին երկրորդ անգամ ամուսնացել է գործարար Դեն Բենթոնի հետ[6], որի հետ հանդիպել է իրենց հարսանիքից 22 ամիս առաջ։
Մարչը ապրում է Նյու Յորքում։
2000 թվականին լուսանկարվել է «Maxim» տղամարդկանց ամսագրի համար։ 2010 թվականին դարձել է «World of Children» ընկերության դեսպան[7]։
Ֆիլմագրություն խմբագրել
| Տարի | Հայերեն անվանում | Բնորինակ անվանում | Դեր | |
|---|---|---|---|---|
| 1997 | ս | Վաղը կգա այսօրը | Early Edition | Արլին |
| 2000 | հֆ | Կոմիվոյաժորի մահը | Death of a Salesman | տիկին Ֆորսայթ |
| 2000-2012 | ս | Օրենք և կարգ։ Հատուկ ստորաբաժանում | Law & Order: Special Victims Unit | Ալեքսանդրա Կեբոտ |
| 2003 | կմֆ | Հնարքների սենյակ | Focus Room | Քիմ |
| 2003 | ֆ | Կառավարության գլուխ | Head of State | Նիկի |
| 2005 | ֆ | Միստր և միսիս Սմիթ | Mr. & Mrs. Smith | Ջուլի |
| 2006 | հֆ | Ջեսի Սթոուն։ Գիշերային այց | Jesse Stone: Night Passage | Սիսի Հեթուեյ |
| 2006 | ֆ | Ֆլանելե գիշերանոց | Flannel Pajamas | Քեթի |
| 2006 | ս | Համոզմունք | Conviction | Ալեքսանդրա Կեբոտ |
| 2006 | ս | Ստուդիա 30 | 30 Rock | Գրետհեն |
| 2007 | ս | Գրեյի անատոմիա | Grey's Anatomy | Ջեյն |
| 2009 | ս | Փրկիր ինձ | Rescue Me | մեդիում |
| 2009 | ֆ | Ստի հայտնագործումը | The Invention of Lying | շիկահեր աղջիկ |
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 Internet Broadway Database — 2000.
- ↑ https://www.refinery29.com/en-us/2017/09/170729/stephanie-march-wedding-dress
- ↑ The New York Times > Fashion & Style > Weddings & Celebrations > Stephanie March, Bobby Flay
- ↑ Bobby Flay Files For Divorce From Wife Stephanie March Weeks After Separation
- ↑ McNeil, Liz (2017 թ․ սեպտեմբերի 1). «Stephanie March Marries Dan Benton». People.com. Վերցված է 2017 թ․ սեպտեմբերի 2-ին.
- ↑ Actress Stephanie March Joins World of Children as Celebrity Ambassador | Business Wire
 | Վիքիպահեստն ունի նյութեր, որոնք վերաբերում են «Ստեֆանի Մարչ» հոդվածին։ |