Լիա Թոմփսոն
Լիա Քեթլին Թոմփսոն (անգլ.՝ Lea Kathleen Thompson, մայիսի 31, 1961[1][2][2][…], Ռոչեսթեր (Մինեսոտա), Մինեսոտա, ԱՄՆ), ամերիկացի դերասանուհի և ռեժիսոր։
 անգլ.՝ Lea Thompson | |
|---|---|
 | |
| Ծնվել է | մայիսի 31, 1961[1][2][2][…] (62 տարեկան) |
| Ծննդավայր | Ռոչեսթեր (Մինեսոտա), Մինեսոտա, ԱՄՆ |
| Կրթություն | Marshall-University High School? |
| Քաղաքացիություն |  ԱՄՆ |
| Մասնագիտություն | բալետի պարող, թատրոնի դերասանուհի, հեռուստատեսային դերասանուհի, կինոդերասանուհի, ռեժիսոր, հեռուստատեսային պրոդյուսեր և կինոռեժիսոր |
| Ընտրանի | Հետ դեպի ապագա |
| Ամուսին(ներ) | Howard Deutch? |
| Երեխա(ներ) | Զոյի Դոյչ և Madelyn Deutch? |
Կենսագրություն խմբագրել
Լիա Թոմփսոնը ծնվել է երգչուհի Բարբարա Թոմփսոնի և նրա ամուսնու՝ Քլիֆի ընտանիքում։ Մանուկ հասակում զբաղվել է բալետով, իսկ 14 տարեկանում դարձել է պրոֆեսիոնալ պարուհի և Ամերիկյան բալետի թատրոնում (ABT) ստացել է կրթաթոշակ[3]։ Թոմփսոնը մասնակցել է ABT-ի ավելի քան 45, ինչպես նաև Փենսիլվանիայի բալետի և Մինեսոտայի բալետի թատրոնների բեմադրություններին[4]։ Նրա եղբայրը՝ Էնդրյուն, նույնպես դարձել է բալետի պրոֆեսիոնալ արտիստ։
Թոմփսոնը որոշել է դուրս գալ բալետից և դառնալ դերասանուհի։ 20 տարեկանում նա տեղափոխվել է Նյու Յորք՝ սկզբում նկարահանվելով Burger King ընկերության գովազդային հոլովակներում[3] և երաժշտական տեսահոլովակներում։ 1983 թվականին «Ծնոտներ 3» և «Բոլոր ճիշտ քայլերը» ֆիլմերի թողարկմամբ կայացել է կինոյում նրա առաջնաելույթը։ Թոմփսոնի առավել հայտնի դերասանական աշխատանքն է դարձել «Հետ դեպի ապագա» կինոեռագրությունում խաղացած Լորեյն Բեյնսի դերը[3]։ 1980-ական թվականներին և 1990-ական թվականների սկզբին նա շատ է նկարահանվել կինոյում, իսկ 1990-ական թվականների կեսերին դարձել է առավելապես հեռուստատեսության դերասանուհի։ Թոմփսոնը «Կարոլինան Նյու Յորքում» սիթքոմում, որը հեռարձակվել է NBC ալիքով 1995-2000 թվականներին, խաղացել է գլխավոր դեր։
2000-ական թվականներին Թոմփսոնը հիմնականում նկարահանվել է քիչ հայտնի հեռուստատեսային ֆիլմերում, հեռուստատեսությունում և թատրոնում խաղացել էպիզոդիկ դերերում։ 2000-ական թվականների կեսերին Hallmark-ի արտադրության «Ջեյն Դոու» ինը լիամետրաժ ֆիլմերի շարքերում խաղացել է գլխավոր դեր։ Այս ֆիլմերից երկուսը Թոմփսոնը նկարահանել է որպես ռեժիսոր[4]։
Անձնական կյանք խմբագրել
1980-ական թվականների կեսերին Թոմփսոնը հանդիպել է դերասան Դենիս Քուեյդի հետ[4]։ 1989 թվականին ամուսնացել է ռեժիսոր Հովարդ Դոյչի հետ[5], որի հետ ծանոթացել էր 1987 թվականին՝ «Ինչ-որ մի բան հիանալի» ֆիլմի նկարահանումների ժամանակ։ Նրանք ունեն երկու աղջիկ՝ Մեյդելինը (ծնվ. 1991 թվականին) և Զոին (ծնվ. 1994 թվանկանին)[4]։ Զոյի Դոյչը գնացել է մոր հետքերով և դարձել է դերասանուհի։
Ընտրված ֆիլմագրություն խմբագրել
| Տարի | Անվանում | Բնօրինակ անվանում | Դեր | |
|---|---|---|---|---|
| 1983 | ֆ | Բոլոր ճիշտ քայլերը | All the Right Moves | Լիզա Լիթցկի |
| 1983 | ֆ | Ծնոտներ 3 | Jaws 3-D | Քելի Էն Բուկովսկի |
| 1984 | ֆ | Կարմիր լուսաբաց | Red Dawn | Էրիկա |
| 1985 | ֆ | Հետ դեպի ապագա | Back to the Future | Լորեյն Բեյնս |
| 1987 | ֆ | Ինչ-որ մի բան հիանալի | Some Kind of Wonderful | Ամանդա Ջոնս |
| 1988 | ֆ | Դեղին էջեր | Yellow Pages | Մարիգոլդ դե լա Հանթ |
| 1989 | հֆ | Բռնկում մթության մեջ | Nightbreaker | Սալի Մեթյուզ |
| 1989 | ֆ | Հետ դեպի ապագա 2 | Back to the Future Part II | Լորեյն |
| 1990 | ֆ | Հետ դեպի ապագա 3 | Back to the Future Part III | Մեգի Մակֆլայ / Լորեյն Մակֆլայ |
| 1992 | ֆ | Հոդված 99 | Article 99 | բժիշկ Ռոբին վան Դորն |
| 1993 | ֆ | Դենիս տանջողը | Dennis The Menace | տիկին Էլիս Միթչել |
| 1994 | հֆ | Պահեստային կին | The Substitute Wife | Էմի Հայթաուեր |
| 1994 | ֆ | Փոքրիկ սրիկաներ | The Little Rascals | օրիորդ Ռոբերտս |
| 1995 | հֆ | Չարտահայտված ճշմարտություն | The Unspoken Truth | Բրիանա Հոուկինս |
| 1995-2000 | ս | Կարոլինան Նյու Յորքում | Caroline in the City | Կարոլինա Դաֆի |
| 2002-2003 | ս | Մարդկանց համար | For the People | Կամիլա Փերիս |
| 2005-2008 | ս | Ջեյն Դոու | Jane Doe | Քեթի Դևիս / Ջեյն Դոու |
| 2008 | կ | Լրտեսների դպրոց | Spy School | Քլեր Միլեր |
| 2008 | ֆ | Շտապ ելք | Exit Speed | Մոդի Մաքմին |
| 2009 | ֆ | Հուսահատ գլուխներ | Splinterheads | Սյուզան Ֆրոստ |
| 2011 | ֆ | Ջ. Էդգար | J. Edgar | Լիլա Ռոջերս |
| 2011-2017 | ս | Նրանց շփոթել են ծննդատանը | Switched at Birth | Քեթրին Քենիշ |
| 2014 | ֆ | Թողնել | Left Behind | Իռեն Սթիլ |
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 2,2 2,3 Internet Broadway Database — 2000.
- ↑ 3,0 3,1 3,2 «Lea Thompson film biography» (անգլերեն). AllRovi. Արխիվացված է օրիգինալից 2012 թ․ մարտի 15-ին. Վերցված է 2012 թ․ հունվարի 12-ին.
- ↑ 4,0 4,1 4,2 4,3 «Lea Thompson Biography» (անգլերեն). TV Guide. Արխիվացված օրիգինալից 2012 թ․ մարտի 15-ին. Վերցված է 2012 թ․ հունվարի 12-ին.
- ↑ Chris Hewitt. (29 июня 2009). «Lea Thompson Is Back Back Back» (անգլերեն). Empire. Արխիվացված օրիգինալից 2012 թ․ մարտի 15-ին. Վերցված է 2012 թ․ հունվարի 12-ին.
 | Վիքիպահեստն ունի նյութեր, որոնք վերաբերում են «Լիա Թոմփսոն» հոդվածին։ |