Արկադի Հայրապետյան

Վիքիպեդիայում կան հոդվածներ Հայրապետյան ազգանունով այլ մարդկանց մասին։

Արկադի Պետրոսի Հայրապետյան (հունիսի 4, 1928, Բաքու - մարտի 31, 1993, Երևան), հայ կինոռեժիսոր։ ՀԽՍՀ արվեստի վաստակավոր գործիչ (1980)։

Արկադի Հայրապետյան
Ծնվել է	հունիսի 4, 1928
Ծննդավայր	Բաքու, Անդրկովկասի Խորհրդային Ֆեդերատիվ Սոցիալիստական Հանրապետություն
Մահացել է	մարտի 31, 1993
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ (1951)
Գործունեության տարիներ	1956-1993
Ազգություն	հայ
Մասնագիտացում	կինոռեժիսոր
Պարգևներ
IMDb	ID 1346366

Կենսագրություն

1951 թվականին ավարտել է Երևանի գեղարվեստաթատերական ինստիտուտը։

1956 թվականից աշխատել է Հայֆիլմ կինոստուդիայում (1975 թվականից՝ գեղարվեստական ֆիլմերի բեմադրող-ռեժիսոր), 1976 թվականից՝ Հայաստանի կինեմատոգրաֆիստների միության վարչության քարտուղար, 1988-1993 թվականներին, միաժամանակ՝ ՀՀ կինեմատոգրաֆիստների միության սոցիալական ֆոնդի բաժնի վարիչ։

Առաջին կինոնկարը «Կրակ» գեղարվեստական կարճամետրաժ ֆիլմն է (1963)։ Այլ կինոնկարներից են՝ «Սարոյան եղբայրներ» (Խորեն Աբրահամյանի հետ, 1968, ՀՀ պետական մրցանակ, 1970), «Ժայռը» (Վարդան Աճեմյանի հետ, 1973), «Արևիկ» (Առնոլդ Աղաբաբովի հետ, 1978, հեռուստաֆիլմ, Հեռուստաֆիլմերի միջազգային XVI փառատոնի Գրան պրի մրցանակ, Պրահա, Համամիութենական կինոփառատոնի հատուկ մրցանակ, 1980, Բաքու), «Գործուղում առողջարան», ֆիլմ, (1981), «Կորիոլան» (կինոնկար-ներկայացում), 1983, Համամիութենական կինոփառատոնի հատուկ մրցանակ, 1984, Ալմա Աթա)։

Ֆիլմեր

Տարեթիվ	Ֆիլմ
1963	Կրակ
1968	Սարոյան եղբայրներ
1973	Ժայռը
1974	«Արարատ»-ը Բեյրութում
1975	Պարի հրավեր
1975	Շեկ ինքնաթիռ
1978	Արևիկ
1981	Գործուղում առողջարան
1982	Կորիոլան
1984	Մեր չեմպիոնները
1985	Ծիծեռնակաբերդի մարզահամալիրը

Արտաքին հղումներ

• Արկադի Հայրապետյանը Էյ Վի Փրոդաքշն կայքում(չաշխատող հղում)

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։