Սիձուկա Արակավա

Սիձուկա Արակավա (ճապ.՝ 荒川 静香, դեկտեմբերի 29, 1981(1981-12-29), Տոկիո, Ճապոնիա), ճապոնացի գեղասահորդուհի է (մենասահք)։ Օլիմպիական չեմպիոն (2006) աշխարհի չեմպիոն (2004) է: Սիձուկան դարձել է առաջին ճապոնացի գեղասահորդը, որը հաղթել է օլիմպիական մրցումներում։ Այն Ճապոնիայի պատմության մեջ երկրորդ օլիմպիական մեդալն է գեղասահքում՝ 1992 թվականին Միդորի Իտոյի արծաթե մեդալից հետո։ Արակավան նաև դարձել է երկրորդ (Թայ Սաթոյից հետո) ճապոնուհին, որը ձմեռային Օլիմպիական խաղերում որևէ մարզաձեւով ոսկե մեդալ է նվաճել: Նրա մեդալը միակն էր 2006-ի Օլիմպիական խաղերում՝ Ճապոնիայի հավաքականի կազմում։

Սիձուկա Արակավա
Անձնական տեղեկություն
Սեռ՝	իգական
Բնօրինակ անուն՝	ճապ.՝ 荒川静香
Մասնագիտացում՝	գեղասահորդուհի և figure skating choreographer
Երկիր՝	Ճապոնիա
Ծննդյան ամսաթիվ՝	դեկտեմբերի 29, 1981(1981-12-29) (42 տարեկան)
Ծննդավայր՝	Տոկիո, Ճապոնիա
166 սանտիմետր
Պարգևներ

Օլիմպիական խաղերում տարած հաղթանակից հետո Սիձուկա Արակավան ավարտել է իր սիրողական կարիերան: Նա հանդես է գալիս սառցե շոուներում և ցուցադրական ներկայացումներում, ինչպես նաև աշխատում է սպորտային մեկնաբան ճապոնական հեռուստատեսությունում:

Անձնական կյանք

2003 թվական

Սիձուկա Արակավան ծնվել է Տոկիոյի նահանգի Սինագավա մարզում, մեծացել է Սենդայում, որը Տոհոկու տարածաշրջանի խոշորագույն քաղաքն է: Նա ընտանիքի միակ երեխան է: Ապագա չեմպիոնուհուն անվանակոչել են ի պատիվ ճապոնական պատմության և գրականության մեջ հայտնի Սիձուկի Գոդզենի, որն ապրել է XII դարում:

2000 թվականի մարտին Սիձուկան ընդունվել է Վասեդայի համալսարան և 2004 թվականին ստացել հումանիտար գիտությունների բակալավրի աստիճան՝ շարունակելով հանդես գալ մրցումներում ։ Համալսարանի ավարտական քննություններից մի քանի օր անց նա հաղթել է աշխարհի առաջնությունում։

Սենդայի սպորտային սահադաշտի փակելուց հետո, որտեղ սկսվել էր նրա կարիերան, Սիձուկան ժամանակավորապես ապրում է Սիմսբուրիում (Կոնեկտիկուտ նահանգ) և մարզվում Կոնեկտիկուտի միջազգային չմշկավազքի կենտրոնում:

Նրա գեղասհքի կուռքերն են Քրիստի Յամաչուգին և Յուկա Սատոն: Սիրում է լսել Քրիստինա Ագիլերայի, Բիյոնսեի և EXILE խմբի կատարումները։ Սիրում է գնումներ կատարել, լող, գոլֆ և ջրային սպորտաձևեր:

Որպես իր հոբբի՝ Սիձուկան նշում է գուրմանական ուտեստների պատրաստումը։ Նա հավաքում է խաղալիք արջուկներ (անգլ.՝ Beanie Baby), ունի շի-տցու՝ Չարո անունով և համստեր՝ Ջինթոքի։ Նա ունի նաև չորս շուն՝ Չոկո, Տիրամիսու, Արոմա և Ռոսա:

Կարիերա

Կարիերայի սկիզբ

Սիձուկան 5 տարեկանում սկսում է հետաքրքրվել գեղասահքով և ընդունվում է Chibikko Skate School մարզադպրոց ։ Յոթ տարեկանում հաճախում է բալետի դասերի՝ ազգային ակադեմիական թատրոնում: Սիձուկան սկսել է մարզվել Հիրոսի Նագակուբոյի ղեկավարությամբ, որն ավելի վաղ հանդես էր գալիս 1972 թվականին Ճապոնական Սապորո քաղաքում տեղի ունեցած Ձմեռային օլիմպիական խաղերում: Ութ տարեկանում նա հաջողությամբ կատարել է իր առաջին եռակի ցատկը՝ «սալխովը»։

1994 թվականից Սիձուկան մասնակցել է Ազգային առաջնություններում։ 1994-1996թթ. նրան անվանել են «Ճապոնիայի լավագույն պատանի գեղասահորդուհի» (անգլ.՝ All Japan Junior Figure athlete): Արակավան արագ առաջադիմել է և դարձել առաջին ճապոնացի գեղասահորդը, որը երեք անգամ անընդմեջ նվաճել է ազգային պատանեկան տիտղոսները:

Արակավան 2006 թվականի Օլիմպիական խաղերում

Մեծահասակների մակարդակում

2004 թվական

Սիձուկա Արակավան 1998-ին և 1999-ին դարձել Է Ճապոնիայի չեմպիոն։

Նրա օլիմպիական դեբյուտը տեղի է ունեցել 16 տարեկանում, երբ նա ներկայացրել Է Ճապոնիան 1998 թվականի Նագանոյի Ձմեռային օլիմպիական խաղերում։ Ճապոնիայի կայսրը և կայսրուհին կանանց կամայական ծրագրի ընթացքում ներկա են եղել մրցաշարին: Այդ ժամանակ Սիձուկան դարձավ 13-րդը՝ հանդիսանալով իր երկրի հավաքականի երկրորդ համարը։

2002 թվականին Արակավան երկրորդ տեղն Է զբաղեցրել Ճապոնիայի առաջնությունում և արդյունքում չի մասնակցել Ձմեռային օլիմպիական խաղերին:

2002-2003 մրցաշրջանում Սիձուկան հաղթել է Ձմեռային ասիական խաղերում և Ձմեռային Ունիվերսիադայում: Նա, չորս մայրցամաքների առաջնությունում, երկու անընդմեջ նվաճում էարծաթե մեդալ։ Ճապոնիայում անցկացվող գեղասահքի միջազգային բաց մրցումներում (NHK Trophy) նվաճում է բրոնզե մեդալ: Այնուհետև նա երրորդն էր Ճապոնիայի առաջնությունում հինգ մեդալակիր՝ ի լրումն նախորդ մրցաշրջանների երկու ոսկե և երկու արծաթե մեդալների:

2004-ին Արակավան նվաճում աշխարհի առաջնությունը՝ կատարելով յոթ եռացատկ ։ Նա դառնում է աշխարհի երրորդ ճապոնացի չեմպիոնուհին՝ Միդորի Իտոյից (1989) և Յուկի Սատոյից հետո (1994):

Սիձուկան պատրաստվում էր սիրողական կարիերան ավարտել 2004-ին, սակայն աշխարհի առաջնությունում հաղթանակը ստիպեց նրան փոխել իր ծրագրերը։ Նա ոտքի վնասվածք ուներ, կարոտում էր տունը և մոտիվացիայի պակասի արդունքում սկսում է ետ մնալ իրենից երիտասարդներից:

Սիձուկայի խոսքով, 2005 թվականի աշխարհի առաջնությունում իններորդ տեղը պատճառ է դառնում, որ նա մնա սպորտում և վերականգնի իր մարզավիճակը: Նա կարծում էր, որ չի կարող հեռանալ սպորտից նման մինորային նոտայով։ 2005-ի նոյեմբերին նա դիմում է Նիկոլայ Մորոզովին՝ խնդրելով դառնալ իր մարզիչը: 2006 թվականին Սիձուկան դառում է Օլիմպիական խաղերի հաղթող՝ միայն հինգ եռացատկ ազատ ծրագրում:

Սպորտային ձեռքբերումներ

2000 թվականից հետո

Մրցումներ	2000-2001	2001-2002	2002-2003	2003-2004	2004-2005	2005-2006
Ձմեռային օլիմպիական խաղեր						1
Գեղասահքի աշխարհի առաջնություն			8	1	9
Գեղասահքի՝ չորս մայրցամաքների առաջնություն	6	2	2
Գեղասահքի Ճապոնիայի առաջնություն	2	2	3	3	WD	3
Գեղասահք ասիական խաղեր			1
Գեղասահքի Գրան Պրիի եզրափակիչ			4	3	2
Cup of China						3
Trophée Eric Bompard	9	6		2		3
Cup of Russia	7		5		2
NHK Trophy			3		1
Skate America		4		3
Skate Canada				2
Universiade			1

Մինչև 2000 թվական

Մրցումներ	1993-1994	1994-1995	1995-1996	1996-1997	1997-1998	1998-1999	1999-2000
Ձմեռային օլիմպիական խաղեր					13
Գեղասահքի աշխարհի առաջնություն					22
Գեղասահքի չորս մայրցամաքների առաջնություն						6
Գեղասահքի պատանիների աշխարհի առաջնություն		8	7	8
Գեղասահքի Ճապոնիայի առաջնություն				2	1	1	5
Чемпионаты Японии среди юниоров		1	1	1
Գեղասահք ասիական խաղեր						2
Skate America						9
NHK Trophy				7	6	8	5
Sparkassen Cup					7		5
Nebelhorn Trophy		2	1

Տեղ նաև

• Ձմեռային օլիմպիական խաղեր 2006

Արտաքին հղումներ

Վիքիպահեստն ունի նյութեր, որոնք վերաբերում են «Սիձուկա Արակավա» հոդվածին։

Վիքիպահեստն ունի նյութեր, որոնք վերաբերում են «Սիձուկա Արակավա» հոդվածին։

• Պաշնտոնական կայք էջ(ճապոներեն)
• Սիձուկա Արակավա(անգլ.) Չմշկորդների միջազգային միության պաշտոնական կայքում