Սոֆյա Նալեպինսկա-Բոյչուկ
Սոֆյա Օլեքսանդրիվնա Նալեպինսկա-Բոյչուկ ( ուկր. ՝ Софія Олександрівна Налепинська-Бойчук[2]. հուլիսի 30, 1884, Լոձ, Piotrków Governorate, Warsaw general-governorate, Ռուսական կայսրություն - դեկտեմբերի 11, 1937, Կիև, Ուկրաինական ԽՍՀ, ԽՍՀՄ)[3] ), ծնունդով Լեհաստանից և լեհական ծագումով ուկրաինացի նկարչուհի, ով առավել հայտնի է իր փայտափորագրություններով։
Սոֆյա Նալեպինսկա-Բոյչուկ | |
---|---|
Ծնվել է | հուլիսի 30, 1884 |
Ծննդավայր | Լոձ, Piotrków Governorate, Warsaw general-governorate, Ռուսական կայսրություն |
Վախճանվել է | դեկտեմբերի 11, 1937 (53 տարեկան) |
Մահվան վայր | Կիև, Ուկրաինական ԽՍՀ, ԽՍՀՄ |
Քաղաքացիություն | Ռուսական կայսրություն և ԽՍՀՄ |
Մասնագիտություն | նկարչուհի |
Աշակերտներ | Զորյա Գալինա Դենիսիվնա, Կոնստանտին Կոզլովսկի, Q115314630?, Q12157871? և Q20067508? |
Ամուսին | Միխայիլ Բոյչուկ[1] |
Sofiya Nalepinska-Boychuk Վիքիպահեստում |
Կենսագրություն խմբագրել
Ծնվել է Լեհաստանում։ Հայրը երկաթուղային ճարտարագետ էր, մայրը՝ դաշնակահարուհի։ 1890 թվականին հոր հետ տեղափոխվել է Սանկտ Պետերբուրգ, որտեղ էլ ստացել է կերպարվեստի առաջին դասերը՝ աշակերտելով լեհ նկարիչ Յան Ցիգլինսկուն։ Հետագայում նա մասնավոր դասեր է առել Մյունխենում՝ հունգարացի նկարիչ Սիմոն Հոլյոսից[3]։ Իր ուսումնառությունն ավարտել է 1909 թվականին Փարիզում, Ռանսոնի ակադեմիայում, որտեղ աշխատել է Ֆելիքս Վալոտոնի և Մորիս Դենիսի հետ[4]։ Այստեղ էլ ծանոթացել է ուկրաինացի նկարիչ Միխայլո Բոյչուկի հետ։ Նրա և մի ընկերոջ հետ Իտալիայում շրջագայելուց հետո վերադարձել է Գալիցիա և ներգրավվել տեղի արվեստագետների համայնքում։
Բոյչուկի հետ նրա հարաբերությունները գնալով խորացել են, և 1917 թվականին նրանք Կիևում ամուսնացել են։ Սոֆյան սովորել է ուկրաիներեն և արագ յուրացրել մշակույթը։ Նրանք 1918 թվականին որդի են ունեցել։ 1919-1922 թվականներին Սոֆյան աշխատել է Միրգորոդի արվեստի դպրոցում, այնուհետև դարձել է Կիևի պլաստիկ արվեստի ինստիտուտի քսիլոգրաֆիայի արհեստանոցի վարիչը (1924 թվականից հետո՝ Կիևի արվեստի ինստիտուտ, այժմ ՝ Վիզուալ արվեստների և ճարտարապետության ազգային ակադեմիա )։ Նա այնտեղ աշխատել է մինչև 1929 թվականը[4]
1936 թվականին նա և իր ամուսինը ձերբակալվել են լրտեսության և հակահեղափոխական գործունեության մեղադրանքով։ Հաջորդ տարի նրանց գնդակահարել են. համապատասխանաբար՝ դեկտեմբերին և հուլիսին։
Սոֆյա Նալեպինսկա-Բոյչուկի աշխատանքների մեծ մասը գրքի նկարազարդման համար նախատեսված փայտափորագրություններ են, այդ թվում՝ Տարաս Շևչենկոյի, Դմիտրի Մամին-Սիբիրյակի և Ստեպան Վասիլչենկոյի ստեղծագործությունների թեմաներով։ Ուկրաինայի անկախության պատերազմի ժամանակ նա նախագծել է թղթադրամների և պետական արժեթղթերի նմուշօրինակներ։ Դրանք 1932 թվականին ցուցադրվել են, բայց երբեք չեն օգտագործվել[3]։
1988 թվականին նա արդարացվել է։ 1996 թվականին նրա անունը տեղ է գտել բռնաճնշումների ենթարկված քառասուն արվեստագետների հուշարձանին, որ գտնվում է ազգային ակադեմիայում[5]։
Ծանոթագրություններ խմբագրել
- ↑ Internet Encyclopedia of Ukraine / O. Havrylyshyn, F. Sysyn, M. Moser, M. R. Stech, R. Sawycky — CIUS, 2001.
- ↑ There are variants of the surname Нелепинська-Бойчук and Налепінська-Бойчук.
- ↑ 3,0 3,1 3,2 Дмитрієнко М. Ф. Налепинська С. О. // Encyclopedia of Ukrainian History: Т. 7: Мі-О / Редкол.: V.A. Smolii (ed.) and in НАН України. Institute of Ukrainian History. — К.: В-во «Наукова думка» (Scientific Thought), 2010. — 728
- ↑ 4,0 4,1 D.O. Gorbachov; "Налепинська-Бойчук Софія Олександрівна" // Ukrainian Soviet Encyclopedia
- ↑ Galyna Sklyarenka; "Пам'ятник репресованим митцям" // Collection of Historical and Cultural Monuments of Ukraine: Кн. 1, ч. 2.: М-С. — с. 866—867
Գրականություն խմբագրել
- M.F. Dmitryenko;; Налепинська-Бойчук Софія Олександрівна
- Serhii Bilokin; Смерть Софії Налепінської-Бойчук
- Выставки советского изобразительного искусства : Справочник. Т. 1. — М., 1965. — С. 439;
- Выставки советского изобразительного искусства : Справочник. Т. 2. — М., 1967. — С. 446;
- Словник художників Украіни. — Киів, 1973. — С. 158;
- Степанян Н. Искусство России XX века : Взгляд из 90-х. — М. : Эксмо-Пресс, 1999. — С. 139.
Արտաքին հղումներ խմբագրել
- Կենսագրությունը @ ArtHive
- Լուսանկարը և համառոտ կենսագրությունը Ուկրաինայի արվեստի գրադարանում
- «Միխայլո Բոյչուկի ուսանողները» @ The Day
- 30 июля 1884 года в Лодзи в семье польского инженера путей сообщения родилась Софья Александровна Налепинская-Бойчук — украинский график, профессор. Жена художника Михаила Бойчука (до 1929).
Վիքիպահեստն ունի նյութեր, որոնք վերաբերում են «Սոֆյա Նալեպինսկա-Բոյչուկ» հոդվածին։ |