Սուքիաս Թորոսյան
- Վիքիպեդիայում կան հոդվածներ Թորոսյան ազգանունով այլ մարդկանց մասին։
Սուքիաս Անդրանիկի Թորոսյան (սեպտեմբերի 4, 1959, Երևան, Հայկական ԽՍՀ, ԽՍՀՄ), հայ ծաղրանկարիչ, բեմադրիչ։
Սուքիաս Թորոսյան | |
|---|---|
| Ի ծնե | Սուքիաս Անդրանիկի Թորոսյան |
| Ծնվել է | 1959, սեպտեմբերի 4 |
| Ծննդավայր | Երևան |
| Ազգություն | հայ |
| Քաղաքացիություն |  Հայաստան |
| Մասնագիտություն | նկարիչ |
Կենսագրություն խմբագրել
1962-1991 թվականներին եղել է Սպենդիարյանի անվան օպերային թատրոնի դերասան։ 1983 թվականին ավարտել է Երևանի գեղարվեստա-թատերական ինստիտուտի դիզայնի բաժինը։ 1981-1991 թվականներին եղել է «Ոզնիներ» թատրոնի հիմնադիրը և գեղարվեստական ղեկավարը, 1983 թվականին՝ Սարդարապատի թանգարանի ցուցադրական բաժնի վարիչ, 1984-1986 թվականներին` Հայպետկինոյի գովազդային բաժնի գլխավոր նկարիչ, 1986-1991 թվականներին` Հայգյուղնախագիծ ինստիտուտի գլխավոր դիզայներ, 1991-1996 թվականներին` «Ազգ» օրաթերթի երգիծանկարիչ ("ToTo")։
1992 թվականին հիմնադրել է Գավիթ թատրոնը։ 1992-1996 թվականներին եղել է Հայաստանի Թեքեյան մշակութային միության նախագահ, 1996-2000 թվականներին` Առավոտ օրաթերթի երգիծանկարիչ ("ToTo")։ 2001-2005 թվականներին եղել է ԱԼՄ հոլդինգի գլխավոր նկարիչ, 2003 թվականից Հայաստանի երգիծանկարիչների ասոցիացիայի հիմնադիր և նախագահ, 2004-2005 թվականներին` «Երևանցիներ» հեռուստահաղորդումների հեղինակ և հաղորդավար։ 2005-2012 թվականներին եղել է Կոմիտասի անվան կոնսերվատորիայի ավագ դասախոս, 2013 թվականից՝ «Արևավիշապ» միջազգային փառատոն-մրցույթի հիմնադիր և կազմակերպիչ։ 2013 թվականից աշխատում է ԵՃՇՊՀ-ում[1][2][3]։
Ցուցահանդեսներ խմբագրել
- 1966 թվականին՝ «Աշխարհը երեխաների աչքերով, նկարչական միջազգային ցուցահանդեսի հաղթող (Մոսկվա)
- 1976 թվականին՝ Անհատական ցուցահանդես, Երևան, Պատվոգիր ՀՀ կրթության նախարարության կողմից
- 1995 թվականին՝ Անհատական ցուցահանդեսներ` Լոնդոն (Անգլիա) - Փարիզ (Ֆրանսիա)
- 1996 թվականին՝ Անհատական ցուցահանդեսներ՝ Անտվերպեն (Բելգիա) - Բեյրութ (Լիբանան)
- 2003 թվականից կազմակերպում է ամենամյա ապրիլմեկյան համահայկական երգիծանկարչական ցուցահանդեսը
- 2006 թվականին՝ Անհատական ցուցահանդես, Հայաստանի նկարիչների միություն
- 2010 թվականին՝ Գրաֆիկական ցուցահանդես նվիրված եղեռնի 95- ամյակին, Թեքեյան կենտրոն
- 2011 թվականին՝ Գեղանկարչական ցուցահանդես Բուլղարիայի դեսպանատան հովանավորությամբ
- 2012 թվականին՝ Գեղանկարչական ցուցահանդես «Գեղանկարչական այբբենարան» խորագրով՝ նվիրված գրատպության 500-ամյակին
- 2019 թվականին՝ Անհատական ցուցահանդես՝ «Հայոց պատմություն» խորագրով, Կոմիտասի անվան կամերային երաժշտության տուն
Ներկայացումներ, բեմականացումներ խմբագրել
- 1996 թվականին՝ Goya Caprichos #0 էքսպերիմենտալ ներկայացում, Հակոբ Պարոնյանի անվան երաժշտական կոմեդիայի պետական թատրոն
- 1997 թվականին՝ Մոցարտի Ռեքվիեմ բեմականացումը Բեյրութում
- 1998 թվականին՝ Մոցարտի Ռեքվիեմ ներկայացման նոր մեկնաբանություն նվիրված 1988 թվականի երկրաշարժի զոհերի հիշատակին
- 1999 թվականին՝ «Ապրիր, որ հիշես» ներկայացման բեմադրությունը Երևանի պարարվեստի ուսումնարանում
- 1999 թվականին՝ Վիլյամ Սարոյանի «Հեյ, ով կա այստեղ» մինի օպերային ներկայացման բեմադրությունը Կոմիտասի անվան կամերային երաժշտության տանը
- 2004 թվականին՝ Գրքի ձևավորումներ՝ «Տոկա, իմ սերը», ԱՄՆ
- 2004 թվականին՝ Պուչինի «Մադամ Բաթերֆլայ» օպերային ներկայացման բեմադրություն, Հայաստանի սիմֆոնիկ նվագախումբ, Արամ Խաչատրյան համերգասրահում
- 200 թվականին՝ «Ընտրություններ հայկական ձևով» գրքի ձևավորում, Մեծ Բրիտանիայի Թագավորություն
- 2007 թվականին՝ Լեոնկավալոի «Պայացներ» օպերային ներկայացման բեմադրում, Արամ Խաչատրյանի անվան ֆիլհարմոնիայի մեծ դահլիճ
- 2008 թվականին՝ Վերդիի «Ռիգոլետտո» օպերային ներկայացման բեմադրիչ, Ազգային օպերային թատրոն
- 2009 թվականին՝ Վերդիի «Մադամ Բաթերֆլայ» օպերային ներկայացման բեմադրիչ, Երևանի Օպերայի և բալետի պետական ակադեմիական թատրոն
- 2011 թվականին՝ Վերդիի «Ռիգոլետտո» օպերային ներկայացման բեմադրիչ, Ազգային օպերային թատրոն
- 2012 թվականին՝ Պուչինիի «Մադամ Բաթերֆլայ» օպերային ներկայացման բեմադրություն, Ազգային օպերային թատրոն
- 2014 թվականին՝ Լեոնկավալոյի «Պայացներ» օպերային ներկայացման բեմադրություն, Հայաստանի սիմֆոնիկ նվագախումբ, Արամ Խաչատրյան համերգասրահում
- 2018 թվականին՝ Պուչինիի «Մադամ Բաթերֆլայ» օպերային ներկայացման բեմադրություն, Ազգային օպերային թատրոն
- 2019 թվականին՝ «Վիրտուալ Տոկատ» էքսպերիմենտալ ներկայացում[4], Կոմիտասի անվան կամերային երաժշտության տուն
- 2020 թվականին՝ Չայկովսկու «Մարդուկ-ջարդուկ» էքսպերիմենտալ ներկայացում, Արամ Խաչատրյանի անվան ֆիլհարմոնիայի մեծ դահլիճ