Սուրբ Պողոսի և Պետրոսի տաճար (Օսյեկ)
Սուրբ Պողոսի և Պետրոսի տաճար (խորվ.՝ Katedrala Svetog Petra i Pavla), կաթոլիկ տաճար Խորվաթիայի Օսյեկ քաղաքում։ Ջյակովո-Օսյեկի արքեպիսկոպոսության տաճար է, ճարտարապետական հուշարձան։
Սուրբ Պողոսի և Պետրոսի տաճար | |
---|---|
Հիմնական տվյալներ | |
Տեսակ | co-cathedral?, մշակութային ժառանգության օբյեկտ և տաճար |
Երկիր | Խորվաթիա |
Տեղագրություն | Օսիեկ[1] |
Հասցե | Trg pape Ivana Pavla II. 2, 31000 Osijek[2] |
Դավանանք | կաթոլիկություն |
Թեմ | Roman Catholic Archdiocese of Đakovo-Osijek? |
Հիմնական ամսաթվերը | 1894 |
Ժառանգության կարգավիճակ | Register of Cultural Goods of Croatia?[2] |
Անվանված | Պողոս առաքյալ և Պետրոս առաքյալ |
Ճարտարապետ | Gerhard Franz Langenberg? և Josef Schmalzhofer? |
Ճարտարապետական ոճ | Նեոգոթիկա |
Հիմնադրված | 1894 |
Բարձրություն | 94 մետր |
Շինանյութ | աղյուս և քար |
Church of SS. Peter and Paul in Osijek Վիքիպահեստում | |
svpetaripavao.hr |
Պատմություն խմբագրել
Ժամանակակից տաճարի տեղում ի սկզբանե եղել է գերեզմանատուն և հնարավոր է, ոչ մեծ մատուռ։ 1732 թվականին գերեզմանատունը մաքրվել է, իսկ մատուռի տեղում թեմական ոչ մեծ եկեղեցի է կառուցվել։ Օսյեկի ընդարձակման ու զարգացման արդյունքում 19-րդ դարի վերջին այն այլևս չէր բավարարում քաղաքի պահանջները[3]։
Արքեպիսկոպոս Յոսիպ Յուրայ Շտրոսմայերի նախաձեռնությամբ, որը խորվաթական ազգային վերածննդի նշանավոր գործիչ էր, 1894 թվականի օգոստոսի 4-ին սկսվել է նոր եկեղեցու կառուցումը։ Նեոգոթիկայի ոճով կառույցը, որը նախագծել էր գերմանացի ճարտարապետ Ֆրանց Լանգենբերգը, կառուցվել է չորս տարվա ընթացքում։ Եվս երկու տարի է անհրաժեշտ եղել ներքին հարդարանքի համար, և ի վերջո 1900 թվականին Շտրոսմայերն օծել է եկեղեցին առաքյալներ Պողոսի ու Պետրոսի անուններով[4]։
1938-1942 թվականներին խորվաթ նկարիչ Միրկո Ռաչկին պատերին ու առաստաղին ստեղծել է ֆրեսկոների շարք, որոնք ներկայացնում են Հին և Նոր կտակարանների հատվածներ[3]։
Երկրորդ համաշխարհային պատերազմի տարիներին եկեղեցին մի փոքր վնասվել է։ Այն նաև տուժել է 1964 թվականի երկրաշարժից։ Եկեղեցին ոչ մեծ չափով տուժել է նաև Խորվաթիայի անկախության պատերազմի ընթացքում, երբ սերբերի կողմից Օսյեկի հրետակոծման արդյունքում քաղաքի վրա մոտ 100 արկ է նետվել[3]։ Պատերազմից հետո աստիճանաբար սկսել են վերականգնել եկեղեցին, սակայն առանձին աշխատանքներ շարունակվում են մինչ օրս[4]։
2008 թվականի հունիսի 18-ին Ջյակովո-Սրեմի թեմը ստացել է միտրոպոլիտ-արքեպիսկոպոսության կարգավիճակ և վերանվանվել Ջյակովո-Օսյեկի արքեպիսկոոսություն, ընդ որում արքեպիսկոպոսության մայր տաճար է հռչակվել Սուրբ Պետրոսի տաճարը Ջյակովոյում, իսկ Սուրբ Պողոսի և Պետրոսի տաճարը ստացել է համամայրտաճարային եկեղեցու կարգավիճակ[5]։
Ճարտարապետություն խմբագրել
Սուրբ Պողոսի և Պետրոսի տաճարը նեոգոթական ոճի դասական եկեղեցի է։ Այն կառուցված է քարից և պատված է կարմիր աղյուսով։ Ունի լատինական խաչի տեսք, ինտերիերն ունի երեք նավ։ Արևելյան ճակատամասի զանգակատան աշտարակը բազմահարկ է․ այն ունի 90 մ բարձրություն։ Այնտեղ տեղադրված է չորս զանգ, իսկ ստորին մասում գոթական պորտալն է մուտքով։ Հարավային ճակատամասը զարդարված է վարդակ պատուհանով[3]։
Ծանոթագրություններ խմբագրել
Արտաքին հղումներ խմբագրել
- Տաճարի պաշտոնական կայք
- Osječka katedrala
- Zlata Živarković-Kerže, Antun Jarm «Župna crkva sv. Petra i Pavla u Osijeku» (1995.)
- Konkatedrala sv. Petra i Pavla //gcatholic.org
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Պողոսի և Պետրոսի տաճար (Օսյեկ) կատեգորիայում։ |