Սմբատ Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
Սմբատ Սահակի Սահակյան (հոկտեմբերի 2, 1895, Ձորագյուղ, Հայաստան - դեկտեմբերի 10, 1971, Երևան, Հայկական ԽՍՀ, ԽՍՀՄ), հայ խորհրդային մեքենագետ, ՀԽՍՀ-ում գյուղատնտեսության մեքենայացման հիմնադիրներից, տեխնիկական գիտությունների դոկտոր (1953), պրոֆեսոր (1954), ՀԽՍՀ գիտության վաստակավոր գործիչ (1961)։
Սմբատ Սահակի Սահակյան | |
---|---|
Ծնվել է | 1895 հոկտեմբերի 2 |
Ծննդավայր | Ձորագյուղ, Գուգարքի շրջան |
Մահացել է | դեկտեմբերի 10, 1971 | (տարիքը 76)
Մահվան վայր | Երևան |
Ազգություն | հայ |
Կրթություն | Հարավռուսական պետական պոլիտեխնիկական համալսարան (1921) և Մոսկվայի գյուղատնտական մեքենայացման և էլեկտրաֆիկացման ինստիտուտ (1930) |
Գիտական աստիճան | տեխնիկական գիտությունների դոկտոր և պրոֆեսոր |
Մասնագիտություն | գիտնական |
Պարգևներ և մրցանակներ |
Կենսագրություն խմբագրել
1921 թվականին ավարտել է Նովոչերկասկի պոլիտեխնիկական ինստիտուտը, 1930 թվականին՝ Մոսկվայի գյուղատնտեսության մեքենայացման և էլեկտրիֆիկացման ինստիտուտը։ 1931 - 1971 թվականներին եղել է Հայկական գյուղատնտեսական ինստիտուտի մեքենայացման, ապա գյուղատնտեսական մեքենաների և գործիքների ամբիոնի վարիչը։
Սահակյանի մասնակցությամբ Հայաստանում կազմակերպվեցին գյուղատնտեսական մեքենաների համատեղ օգտագործման առաջին ընկերությունները, մեքենատրակտորային ջոկատները։ Գիտական աշխատանքները վերաբերում են լեռնային և ջրովի երկրագործության մեքենայացման, Հայաստանի քարքարոտ հողերի յուրացման, գյուղատնտեսական մեքենաների հենքային մակերևույթների և բնահողի փոխազդման և այլ հարցերին։
Պարգևներ խմբագրել
Պարգեատրվել է Աշխատանքային կարմիր դրոշի շքանշանով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 138)։ |