Սմբատ Մելքոնյան
- Վիքիպեդիայում կան հոդվածներ Մելքոնյան ազգանունով այլ մարդկանց մասին։
Սմբատ Խաչատուրի Մելքոնյան (1918, Թաթար Առաջին - անհայտ), հայ մանկավարժ։ ԽՄԿԿ անդամ (1942): Հայրենական մեծ պատերազմի մասնակից։
| Սմբատ Մելքոնյան | |
|---|---|
| Ծնվել է | 1918 |
| Ծննդավայր | Թաթար Առաջին |
| Մահացել է | անհայտ |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  |
Կենսագրություն
խմբագրելՍմբատ Մելքոնյանը ծնվել է 1918 թվականին, Ղարսի նահանգի Նախիջևան գյուղում։ 1920 թվականին հայրենադարձել է Թալինի շրջանի Արեգ գյուղում։ 1936 թվականին՝ միջնակարգն ավարտելուց հետո, նշանակվել է ուսուցիչ, այնուհետև դպրոցի ուսմասվար, ժողկրթբաժնի տեսուչ։ 1940 թվականին մեկնել է զինվորական ծառայության[1]։
1941 թվականի հունիսի 22-ից մինչև հաղթական ավարտ մասնակցել է պատերազմին։ 1942 թվականին ընդունվել է կոմունիստական կուսակցության շարքերը։ 1943 թվականին մասնակցել է Մոզդոկ, Պյատիգորսկ, Արմավիր, Կրասնոդար և այլ քաղաքների ու բնակավայրերի ազատագրմանը։ 1943 թվականի հոկտեմբերին մերձծովյան բանակի կազմում դեսանտ է իջել Կերչի թերակղզում, այնուհետև մասնակցել Ղրիմի ազատագրմանը, 3-րդ Ուկրաինական ռազմաճակատի զորամասերի կազմում կռվել է Ռումինիայի, Հունգարիայի ազատագրման համար, մասնակցել է Վիեննայի գրավմանը[1]։
Զորացրվելուց հետո Մելքոնյանը եղել է ՀԿԿ Թալինի շրջկոմի պրոպագանդայի և ագիտացիայի բաժնի վարիչ, շրջկոմի երկրորդ քարտուղար, 1966-1979 թվականներին ժողովրդական դեպուտատների Թալինի շրջանային խորհրդի գործկոմի նախագահ։ Ավարտել է ՀԿԿ Կենտկոմին կից կուսակցական երկամյա դպրոցը և Երևանի հեռակա մանկավարժական ինստիտուտի պատմության ֆակուլտետը։
Պարգևատրվել է Աշխատանքային կարմիր դրոշի երկու շքանշաններով, մեդալներով, երկու անգամ արժանացել է ՀԽՍՀ Գերագույն խորհրդի նախագահության պատվոգրի։ Մելքոնյանը եղել է ՀԿԿ Թալինի շրջկոմին առնթեր կուսակցական հանձնաժողովի նախագահ[1]։
Պարգևներ
խմբագրել- Աշխատանքային կարմիր դրոշի կրկնակի շքանշան