Բացել գլխավոր ցանկը

Սերաֆին Խոակին Ավենդանյո Մարտինես (իսպաներեն՝ Serafín Xoaquín Avendaño Martínez, հոկտեմբերի 12, 1838(1838-10-12)[1][2] կամ օգոստոսի 2, 1837(1837-08-02)[3][4], Վիգո[5] - օգոստոսի 23, 1916(1916-08-23), Վալյադոլիդ, Կաստիլիա և Լեոն, Իսպանիա), իսպանացի բնանկարիչ

Սերաֆին Ավենդանյո
Serafín de Avendaño.jpg
Ծնվել էհոկտեմբերի 12, 1838(1838-10-12)[1][2] կամ օգոստոսի 2, 1837(1837-08-02)[3][4]
ԾննդավայրՎիգո[5]
Վախճանվել էօգոստոսի 23, 1916(1916-08-23)
Մահվան վայրՎալյադոլիդ, Կաստիլիա և Լեոն, Իսպանիա
ՔաղաքացիությունԻսպանիա
ԿրթությունՍան Ֆեռնանդոյի գեղարվեստի թագավորական ակադեմիա
Մասնագիտություննկարիչ
Ժանրբնանկար
ՈւսուցիչCarlos de Haes?
ՀայրJoaquín Avendaño?
Serafín Avendaño Վիքիպահեստում

ԿենսագրությունԽմբագրել

Սերաֆին Ավենդանյոն ծնվել է Վիգո քաղաքում, պրոֆեսորի ընտանիքում: Պատանեկան տարիքում իր ընտանիքի հետ տեղափոխվել է Մադրիդ, ընդունվել Real Academia de Bellas Artes de San Fernando՝, որտեղ աշակերտել է նկարիչներ Անտոնիո Մարիա Էսկիվելին և Խենարո Պերես Վիլյամիլին [6]: 1858 թվականին Գալիսիայի ցուցահանդեսում ներկայացրած «Իմ թախիծը» («A miña tristura») ջրաներկ աշխատանքի համար արժանացել է արծաթե մեդալի:

Ընտանիքի ապահովվածության շնորհիվ Ավեդանյոն ի վիճակի է եղել 1860-ական թվականներին տևական ժամանակով ճանապարհորդել: Այցելել է Ամերիկայի Միացյալ Նահանգներ (այստեղ նկարել է Նիագարայի ջրվեժը), Անգլիա, Ֆրանսիա, Շվեյցարիա: 1864 թվականին մեդալ է նվաճել՝ մասնակցելով Իսպանիայի գեղարվեստի ազգային հեղինակավոր ցուցահանդեսին: 1866-ին կրթաթոշակ է շահել ու մեկնել Իտալիա՝ ուսումը շարունակելու, նկարչության արվեստի նրբությունների մեջ խորանալու; Այստեղ նա մնացել է մինչև 1891 թվականը[7]՝ ժամանակի մեծ մասն անցկացնելով Ճենովայում ու դրա մերձակայքում: Այդ ընթացքում սերտ կապեր է հաստատել տեղացի բնանկարիչների Scuola di Rivara խմբի հետ, բայց և պարբերաբար այցելել է Իսպանիա՝ մասնակցելու զանազան ցուցահանդեսների, աշխատելու ընտանեկան դաստակերտում, որ գտնվում էր Վիգոյի մերձակայքում:

1893 թվականին վերադառնալով հայրենիք՝ մինչև 1911 թվականը աշխատակցել է Blanco y Negro ամսագրին՝ դառնալով նկարազարդումների հեղինակ, միաժամանակ մասնակցել է մի շարք ցուցահանդեսների մրցութային հանձնաժողովների աշխատանքներին[6]: Նրա բնանկարները մեդալների են արժանացել 1892 և 1899 թվականներին անցկացված ազգային ցուցահանդեսներում[7]: Կյանքի վերջին տարիներն անց է կացրել Վալյադոլիդում, որտեղ էլ 1916 թվականին կնքել է իր մահկանացուն[8]: Նրա աշխատանքների հետմահու բազմաթիվ ցուցահանդեսներ են կազմակերպվել ընդհուպ մինչև 1930-ական թվականների ավարտը նչպես Իսպանիայում, այնպես էլ Իտալիայում:

ԳրականությունԽմբագրել

  • Serafín Avendaño: inventario y valoración de su actividad pictórica en Liguria, Departamento de Historia del Arte, 2001 84-699-5943-3
  • Rosa Elvira Caamaño Fernandez, Serafín Avendaño. 1837-1916 (exhibition catalog), Centro Cultural Caixavigo, 1991.
  • Ramón Otero Túñez (gl), "El pintor Avendaño", in Cuadernos de Estudios Gallegos, vol. XVIII, #54, 1963

ՊատկերասրահԽմբագրել

ԾանոթագրություններԽմբագրել

Արտաքին հղումներԽմբագրել