Սելևկոս I Նիկատոր
Սելևկոս I Նիկատոր (մ. թ. ա. 358, Europos, Հին Մակեդոնիա - մ. թ. ա. 281, Lysimachia), Սելևկյանների դինաստիայի և Սելևկյանների պետության հիմնադիրը։ Առաջ է քաշվել որպես Ալեքսանդր Մակեդոնացու զորավար։ Ալեքսանդրի մահից հետո կառավարումն ստացել է Բաբելոն սատրապությունը, որտեղ ամրապնդվել է մ. թ. ա. 312 թվականին։ Իշխանության համար դիադոքսների միջև պայքարում իր տիրապետությանն է միացրել Մարաստանը, Սուզիանեն, Պարսքը, ապա Բակտրիան։ Մ. թ. ա. 305 թվականին իրեն հռչակել է թագավոր։ Արշավել է Հնդկաստան։ Իպսոսի ճակատամարտից (մ. թ. ա. 301) հետո Ալեքսանդր Մակեդոնացու հիմնած պետության տարածքը դիադոքոսների միջև վերաբաժանելիս ստացել է Միջագետքը և Ասորիքը։ Մ. թ. ա. 281 թվականին ջախջախելով Թրակիայի և Փոքր Ասիայի մի մասի թագավոր Լիսիմաքոսին, զավթել է գրեթե ամբողջ Փոքր Ասիան։ Թրակիան և Մակեդոնիան նվաճելու համար զորքով անցել է Հելլեսպոնտոսը, բայց սպանվել է Մակեդոնիայի թագավոր Պտղոմեոս Կերավնոսի դեմ կռվում։
| Սելևկոս I Նիկատոր | |
|---|---|
 | |
| Ծնվել է | մ. թ. ա. 358 |
| Ծննդավայր | Europos, Հին Մակեդոնիա |
| Մահացել է | մ. թ. ա. 281 |
| Մահվան վայր | Lysimachia |
| Քաղաքացիություն | Հին Մակեդոնիա Սելևկյանների կայսրություն |
| Կրոն | հին հունական դիցաբանություն |
| Մասնագիտություն | գերիշխան |
| Ամուսին | Apama? և Stratonice of Syria? |
| Ծնողներ | հայր՝ Antiochus?, մայր՝ Laodice of Macedonia? |
| Զբաղեցրած պաշտոններ | Seleucid ruler? |
| Երեխաներ | Antiochus I Soter?[1], Phila? և Achaeus? |
| Seleucus I Վիքիպահեստում | |
ԾանոթագրություններԽմբագրել
- ↑ Антиох // Энциклопедический словарь / под ред. И. Е. Андреевский — СПб.: Брокгауз — Ефрон, 1890. — Т. Iа. — С. 849–850.
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|