Ռաուլ Ուոլշ
Ռաուլ Ուոլշ (անգլ.՝ Raoul Walsh, իսկական անուն ազգանունը՝ Ալբերտ Էդվարդ Ուոլշ, անգլ.՝ Albert Edward Walsh, մարտի 11, 1887[1][2][3][…], Նյու Յորք շրջան, Նյու Յորք[4][5] - դեկտեմբերի 31, 1980[2][3][6][…], Simi Valley, Կալիֆոռնիա), ամերիկացի ռեժիսոր, դերասան, սցենարիստ, պրոդյուսեր, ամերիկյան կինոյի ամենանշանավոր գործիչներից մեկը, Ամերիկյան կինոակադեմիայի հիմնադիրներից մեկը։
 | |
|---|---|
 | |
| Ծնվել է | մարտի 11, 1887[1][2][3][…] |
| Ծննդավայր | Նյու Յորք շրջան, Նյու Յորք[4][5] |
| Մահացել է | դեկտեմբերի 31, 1980[2][3][6][…] (93 տարեկան) |
| Մահվան վայր | Simi Valley, Կալիֆոռնիա |
| Քաղաքացիություն |  ԱՄՆ |
| Մասնագիտացում | կինոռեժիսոր, դերասան, սցենարիստ, կինոդերասան, կինոպրոդյուսեր և ռեժիսոր |
| Ամուսին | Miriam Cooper? |
| Պարգևներ | |
| IMDb | ID ID 0909825 |
Կենսագրություն և կարիերա
խմբագրելՌաուլ Ուոլշը ծնվել է 1887 թվականին Նյու Յորքում, ամերիկացի Թոմաս Ոոլշի ու ծագումով իռլանդացի Էլիզաբեթ Բրեֆի ընտանիքում։ Նրա փոքր եղբայրը՝ Ջորջը, դարձավ համր կինոյի ժամանակների ամերիկյան ճանաչված դերասաններից մեկը։ Նա Բերիմորների դերասանական տոհմի բարեկամներից մեկն էր, մասնավորապես հայտնի դերասան Ջոն Բերիմորը, ով հաճախ էր այցելում Ուոլշների տուն օգտվելու նրանց հարուստ գրադարանից, հետագայում օգնեց նրան իր կարիերայում։
1918 թվականի հոկտեմբերի 27-ի լուսանկար
Իր կարիերան Ռաուլ Ուոլշը սկսել է 1909 թվականին որպես թատրոնի դերասան, ապա շարունակել է կարիերան կինեմատոգրաֆիայում։ 1914 թվականին նա որպես օգնական հայտնի ռեժիսոր Դևիդ Գրիֆիտի հետ նկարահանեց «Գեներալ Վիլի կյանքը» ֆիլմը, խաղալով նաև այդ ֆիլմում գլխավոր դերերից մեկը։ Իսկ հաջորդ աշխատանքը Գրիֆիտի մեկ այլ հայտնի «Ազգի ծնվումը» ֆիլմում խաղացած Ջոն Ուիլքս Բուտի դերն էր։
1928 թվականին «Հին Արիզոնայում» ֆիլմի նկարահանումների ժամանակ Ռաուլ Ուոլշը ավտովթարի է ենթարկվում և կորցնում աջ աչքը։ Դրանից հետո նա այլևս չի նկարահանվում ֆիլմերում և սև վիրակապ է կրում։
1930 թվականին իր նկարահանած «Մեծ արահետ» վեստեռն ժանրի ֆիլմում իր առաջին դերն է խաղում այն ժամանակ դեռ անհայտ դերասան Մերիոն Մորիսոնը, ում Ուոլշը «կնքում» է Ջոն Ուեյն անունով և ով հետագայում դառնում է ամերիկյան կինոյի վեստեռն ժանրի թերևս ամենանշանավոր դերասաններից մեկը։ Իր սկզբնական աշխատանքները Ուոլշը նկարահանում է Paramount Pictures կինոստուդիայում, սակայն 1939 թվականին փոխադրվում է Warner Brothers ընկերություն, որտեղ հետագա 10 տարիների ընթացքում նկարահանում է իր ամենանշանավոր ֆիլմերը։ Ուոլշը թողնում է մեծ կինոն 1964 թվականին։ 1960 թվականին Հոլիվուդյան փառքի ծառուղում բացվել է նրա անվան աստղը։
Նա 3 անգամ ամուսնացած է եղել։ 1916 թվականին ամուսնանում է համր կինոյի դերասանուհի Միրիամ Կուպերի հետ, ով նկարահանվել է նրա մի քանի ֆիլմերում։ 1926 թվականին նրանք ամուսնալուծվում են։ Նրանից բաժանվելուց հետո ամուսնացել է Լորեն Միլերի (1928 - 1947) և Մերի Սիմփսոնի (1947 - 1980) հետ։
Ֆիլմագրություն
խմբագրելՌաուլ Ուոլշը թողել է հարուստ կինեմատոգրաֆիական ժառանգություն։ Նա նկարահանել է 130-ից ավելի ֆիլմ, խաղացել է մոտ 40 ֆիլմում, 29 ֆիլմի սցենարի հեղինակ է, 19 ֆիլմի պրոդյուսեր։ Ամենանշանավոր ռեժիսորական աշխատանքներից են.
| տարի | ֆիլմ | բնօրինակ անվանում | դերասաններ |
|---|---|---|---|
| 1915 | «Վերածնվում» | Regeneration | |
| 1923 | «Ռոզիտա» | Rosita (Էռնստ Լյուբիչի հետ միասին, տիտրերում նշված չի) |
Մերի Փիքֆորդ |
| 1924 | «Բաղդադի գողը» | The Thief of Bagdad | Դուգլաս Ֆերբենքս |
| 1930 | «Մեծ արահետ» | The Big Trail | Ջոն Ուեյն |
| 1939 | «Լացող քսանականներ» | The Roaring Twenties | Համֆրի Բոգարտ Ջեյմս Կեգնի |
| 1941 | «Բարձր Սիերրա» | High Sierra | Համֆրի Բոգարտ Արթուր Քենեդի |
| 1941 | «Նրանք մահացել են իրենց դիրքերում» | They Died with Their Boots On | Էռոլ Ֆլին Օլիվիա դե Հևիլլենդ Էնթոնի Քուին Արթուր Քենեդի |
| 1944 | «Կասկածելի փառք» | Uncertain Glory | Էռոլ Ֆլին Պոլ Լուկաս |
| 1948 | «Արծաթե գետը» | Silver River | Էռոլ Ֆլին] Թոմաս Միտչել |
| 1949 | «Ճերմակ շիկացում» | White Heat | Ջեյմս Կեգնի |
| 1951 | «Կապիտան Հորացիո Հորնբլոուեր» | Captain Horatio Hornblower R.N. | Գրեգորի Պեք Քրիստոֆեր Լի Վիրջինիա Մայո |
Ծանոթագրություններ
խմբագրել- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Barson M. Raoul Walsh
- ↑ 3,0 3,1 3,2 3,3 3,4 filmportal.de — 2005.
- ↑ 4,0 4,1 4,2 Deutsche Nationalbibliothek Record #129014974 // Gemeinsame Normdatei (գերմ.) — 2012—2016.
- ↑ 5,0 5,1 5,2 Find A Grave — 1996.
- ↑ 6,0 6,1 6,2 Բրոքհաուզի հանրագիտարան (գերմ.)
Արտաքին հղումներ
խմբագրել- Internet Movie Database կայքում
- KinoPoisk կայքում
- AllRovi կայքում
- Virtual History կայքում
- sensesofcinema կայքում
 | Վիքիպահեստն ունի նյութեր, որոնք վերաբերում են «Ռաուլ Ուոլշ» հոդվածին։ |