Ջուլիանա Հաֆ
Ջուլիանա Հաֆ (անգլ.՝ Julianne Alexandra Hough, հուլիսի 20, 1988[1], Orem, Յուտա շրջան, Յուտա, ԱՄՆ), ամերիկացի պարուհի, խորեոգրաֆ, երգչուհի, դերասանուհի։
 անգլ.՝ Julianne Hough | |
|---|---|
_(cropped).jpg) | |
| Ծնվել է | հուլիսի 20, 1988[1] (36 տարեկան) |
| Ծննդավայր | Orem, Յուտա շրջան, Յուտա, ԱՄՆ |
| Կրթություն | Թատերական արվեստի Իտալիա Կոնտի ակադեմիա, Alta High School? և Las Vegas Academy? |
| Քաղաքացիություն |  ԱՄՆ |
| Մասնագիտություն | դերասանուհի, երաժիշտ, երգչուհի, երգերի հեղինակ, կինոդերասանուհի, հեռուստատեսային դերասանուհի, պարուհի և պարուսույց |
| Ժանրեր | Քանթրի |
| Ծնողներ | հայր՝ Bruce Robert Hough? |
| Ամուսին(ներ) | Brooks Laich? |
| Համատեղ ապրող(ներ) | Ռայան Սիքրեսթ |
Կենսագրություն
խմբագրելՋուլիանան ծնվել է Յուտա նահանգի Սոլթ Լեյք Սիթի արվարձանում գտնվող Օրեմ փոքրիկ քաղաքում։ Ունի եղբայր՝ Դերեկը և երեք քույր` Շերի, Մերեբեթ և Քեթրին։
Որոշ ժամանակ ապրել է Լոնդոնում, որից հետո վերադարձել է ԱՄՆ, որտեղ մեկ տարի շարունակ մոր հետ ապրել է Լաս Վեգասում, ապա վերադարձել է Յուտա՝ հոր մոտ։ Որոշ ժամանակ անց տեղափոխվել է Լոս Անջելես։
Կարիերա
խմբագրելԴերասանական կարիերա
խմբագրելԴերասանուհու կարիերան սկսել է 2001 թվականին՝ նկարահանվելով «Հարի Փոթերը և Փիլիսոփայական քարը» ֆիլմում։
Պարային կարիերա
խմբագրելՏասնհինգ տարեկանում դարձել է ամենաերիտասարդ պարողը, որը Մեծ Բրիտանիայի Blackpool Dance Festival-ի լատինոամերիկյան պարային մրցույթի երկու կատեգորիաներում՝ «Պատանեկան» և «Երիտասարդական», հաղթել է։
Մասնակցել է ABC ալիքով հեռարձակվող «Աստղերի հետ պարեր (ԱՄՆ)» ծրագրի ամերիկյան տարբերակին, որտեղ պարել է չմշկորդ Ապոլո Անտոն Օնոյի (չորրորդ եթերաշրջան) և դերասան Քոդի Լինլիի (յոթերորդ եթերաշրջան) հետ[2][3]։
2008 թվականի նոյեմբերի 20-ին հայտարարել էր, որ մոտ ապագայում չի վերադառնա «Աստղերի հետ պարեր»-ին մասնակցելու և իր ժամանակը կնվիրի երաժշտական կարիերային[2]։
2019 թվականից ամերիկյան հայտնի «America’s Got Talent» տաղանդների շոուի դատավորներից մեկն է։
Երաժշտական կարիերա
խմբագրել«Will You Dance With Me» քանթրի ոճի առաջին սինգլը թողարկվել է 2007 թվականի մայիսին iTunes-ում և Wal-Mart-ում, իսկ վաճառքից ստացված գումարը փոխանցվել է ամերիկյան Կարմիր խաչին։ Ավելի ուշ այս սինգլը հայտնվել է Billboard Pop 100-ում[4], որից հետո պայմանագիր է ստորագրել Universal Music Group Nashville ընկերության հետ։
2008 թվականին երգչուհու թողարկված «Season of Season: The Julianne Hough Holiday Collection» առաջնաելույթային ալբոմը[5] հայտնվել է Billboard 200 չարթի 3-րդ հորիզոնականում[6]։
2009 թվականի հունվարի 15-ին Վիսկոնսին նահանգի Գրին Բեյ քաղաքում տեղի է ունեցել առաջին մենահամերգը։
Անձնական կյանք
խմբագրել2017 թվականի հուլիսի 8-ից Ջուլիանան ամուսնացած է հոկեյիստ Բրուքս Լայքի հետ, որի հետ հանդիպում էր իրենց հարսանիքից 3 տարի առաջ[7]։
Ընտրյալ ֆիլմագրություն
խմբագրել| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2001 | ֆ | Հարրի Փոթերը և Փիլիսոփայական քարը | Harry Potter and the Sorcerer’s Stone | Հոթվարթսի աշակերտուհի |
| 2010 | ֆ | Ծաղրանկար | Burlesque | Ջորջիյա |
| 2011 | ֆ | Առանց կապանքների | Footloose | Արիել Մուր |
| 2012 | ֆ | Ռոք դարերի համար | Rock of Ages | Շերի Քրիսթիան |
| 2013 | ֆ | Հանգիստ հանգրվան | Safe Haven | Քեթի |
| 2016 | ֆ | Թեթևաբարո պապիկը | Dirty Grandpa | Մերեդիտ Գոլդշտեյն |
| 2016 | ֆ | Պարզապես բառեր չկան | Speechless | Միս Բլում |
Հետաքրքիր փաստեր
խմբագրել- Ջուլիանայի երկու տատիկն ու երկու պապիկիկն էլ զբաղվել են պրոֆեսիոնալ բալետով։
- 2008 թվականին Maxim ամսագիրը «100 ամենասեքսուալ կանանց» ցանկում դերասանուհուն 30-րդ տեղն Է հատկացրել։
Ծանոթագրություններ
խմբագրել- ↑ 1,0 1,1 Discogs — 2000.
- ↑ 2,0 2,1 Julianne Hough Not Returning For ‘Dancing’s’ Season 9 | Access Hollywood — Celebrity News, Photos & Videos
- ↑ «Julianne Hough (Джулианна Хью) видео». Արխիվացված է օրիգինալից 2010 թ․ հունվարի 23-ին. Վերցված է 2009 թ․ մայիսի 23-ին.
- ↑ 'Dancing with the Stars' pro Julianne Hough signs country record deal — Reality TV World — News, information, episode summaries, message boards, chat and games for unscripted …
- ↑ en:Sounds of the Season: The Julianne Hough Holiday Collection
- ↑ CMT : News : Julianne Hough Dances to Top of Country Album Chart
- ↑ Julianne Hough Is Married! The DWTS Judge Weds NHL Star Brooks Laich in an Elegant Outdoor Idaho Ceremony
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Ջուլիանա Հաֆ» հոդվածին։ |