Ջոն Բոլթոն

	Ջոն Բոլթոն; John Bolton
Դրոշ	(27-ին) ԱՄՆ ազգային անվտանգության հարցերով խորհրդական
ապրիլի 9, 2018 – - սեպտեմբերի 10, 2019
Նախորդող	Հերբերտ Ռեյմոնդ Մաքմաստեր
Հաջորդող	Ռոբերտ Օ’Բրայեն
Դրոշ	(25-րդ) ՄԱԿ-ում ԱՄՆ դեսպան
օգոստոսի 2, 2005 - դեկտեմբերի 31, 2006
Նախորդող	Ջոն Դենֆորթ
Հաջորդող	Զալմայ Հալիլզադ
Դրոշ	(3-րդ) ԱՄՆ պետքարտուղարի՝ զենքի վերահսկման և միջազգային անվտանգության հարցերով տեղակալ
մայիսի 11, 2001 - հուլիսի 31, 2005
Նախորդող	Ջոն Հոլում
Հաջորդող	Ռոբերտ Ջոզեֆ
Կուսակցություն՝	հանրապետական կուսակցություն
Կրթություն՝	Եյլի իրավունքի դպրոց, Մաքդոնո դպրոց և Գրեյս Հոփեր քոլեջ
Գիտական աստիճան՝	Իրավաբանական գիտությունների դոկտոր
Մասնագիտություն՝	քաղաքական գործիչ, դիվանագետ, փաստաբան և պետական ծառայող
Դավանանք	Ամերիկայի ավետարանական լյութերական եկեղեցի և լյութերականություն
Ծննդյան օր	նոյեմբերի 20, 1948 (75 տարեկան)
Ծննդավայր	Բալթիմոր, Մերիլենդ, ԱՄՆ
Վախճանի վայր	Քրիստին Բոլթոն; (1972-1983); Գրեթչեն Սմիթ; (1986-այժմ)
Քաղաքացիություն	ԱՄՆ
Ի ծնե անուն	անգլ.՝ John Robert Bolton
Ամուսին	Աշխեն Միկոյան; (օր․ ազգանուն՝ Թումանյան); (1896–1962)
Զավակներ	1
Ինքնագիր
Պարգևներ
John R. Bolton

Ջոն Ռոբերտ Բոլթոն (անգլ.՝ John Robert Bolton, նոյեմբերի 20, 1948(1948-11-20)^[2]^[3]^[4]^[…], Բալթիմոր, Մերիլենդ, ԱՄՆ), ամերիկացի փաստաբան, դիվանագետ, քաղաքական մեկնաբան, ԱՄՆ ազգային անվտանգության հարցերով խորհրդական (2018-2019), ՄԱԿ-ում ԱՄՆ դեսպան (2005-2006)։

Ավարտել է Եյլի համալսարանը (բակալավր՝ 1970, իրավագիտության դոկտոր՝ 1974թ․), գործունեության մեծ մասն անցկացրել է պետական աշխատավայրերում։ Դաշնային ծառայությունն սկսել է ԱՄՆ 40-րդ նախագահ Ռոնալդ Ռեյգանի ադմինիստրացիայում, պաշտոններ զբաղեցրել ԱՄՆ միջազգային զարգացման գործակալությունում (ԱՄՆ ՄԶԳ, USAID) և Արդարադատության դեպարտամենտում (1985–89)^[5]։ 1989-1993 թվականներին, Ջորջ Բուշ ավագի նախագահության տարիներին, եղել է միջազգային կազմակերպությունների գործերով ԱՄՆ պետքարտուղարի օգնականը։

1990-ականների ընթացքում ակտիվ գործունեություն է ծավալել հայտնի պահպանողական կազմակերպություններում, այդ թվում ՝ Ամերիկյան ձեռնարկատիրական ինստիտուտում (AEI), որի փոխնախագահն էր 1997–2001 թվականներին, «Նոր ամերիկյան դար» նախագծում, ինչխպես նաև Եղել Հանրապետական կուսակցության ազգային կոմիտեի պաշտոնյա^[5]։

2005 թվականի օգոստոսից մինչև 2006 թվականի դեկտեմբերը, նախագահ Ջորջ Բուշ կրտսերի որոշմամբ ստանձնել է ՄԱԿ-ում ԱՄՆ դեսպանի ժամանակավոր պաշտոնակատարի դերը։ 2018 թվականի ապրիլից մինչև 2019 թվականի սեպտեմբերը ստանձնել է նախագահ Դոնալդ Թրամփի ազգային անվտանգության հարցերով խորհրդականի պաշտոնը։