Վիքիպեդիա

Պատերազմի ուսումնասիրման ինստիտուտ

կազմակերպություն

Պատերազմի ուսումնասիրման ինստիտուտ ( անգլ.՝ Institute for the Study of War, հապավում՝ ISW ), ամերիկյան շահույթ չհետապնդող հետազոտական խումբ և վերլուծական կենտրոն, որը 2007 թվականին հիմնադրել է ռազմական պատմաբան Քիմբերլի Կագանը։ Պատերազմի ուսումնասիրման ինստիտուտն իրականացնում է հետազոտություններ և վերլուծություններ պաշտպանության և արտաքին գործերի հարցերի վերաբերյալ։ Այն պատրաստել է զեկույցներ Սիրիայի քաղաքացիական, Աֆղանստանի և Իրաքի պատերազմների մասին՝ «կենտրոնանալով ռազմական գործողությունների, թշնամու սպառնալիքների և տարբեր հակամարտությունների գոտիներում քաղաքական միտումների վրա»[3][4]։ Ներկայումս ինստիտուտը հրապարակում է ամենօրյա զեկույցներ Ռուսաստանի 2022 թվականին Ուկրաինա ներխուժման[5] ինչպես նաև Իրանում 2022 թվականի բողոքի ցույցերի վերաբերյալ[6]։

Պատերազմի ուսումնասիրման ինստիտուտ
Institute for the Study of War
Տեսակոչ առևտրային կազմակերպություն, մտքի կենտրոն և 501(c)(3) organization?
Երկիր ԱՄՆ
ՀապավումISW
Հիմնադրված2007
Իրավ. կարգավիճակգործող
Գլխադասային գրասենյակՎաշինգտոն, Կոլումբիայի շրջան, ԱՄՆ[1]
ՏեղագրությունՎաշինգտոն, ԱՄՆ
Գլխավոր քարտուղարJack Keane?[2]
ՀիմնադիրՔիմբերլի Կագան
Կայքunderstandingwar.org

Պատերազմի ուսումնասիրման ինստիտուտը հիմնադրվել է ի պատասխան Իրաքի և Աֆղանստանի պատերազմների լճացմանը։ Կազմակերպության հիմնական ֆինանսավորումը տրամադրվում է պաշտպանական ոլորտի կապալառուների խմբի կողմից[7]։ Համաձայն իր կայքում տեղադրված հայտարարության՝ Պատերազմի ուսումնասիրման ինստիտուտը ձգտում է տրամադրել «իրական ժամանակում, կառավարությունից անկախ և բաց կոդով վերլուծություն ընթացիկ ռազմական գործողությունների և ապստամբների հարձակումների վերաբերյալ»[8]։ Պատերազմի ուսումնասիրման ինստիտուտը ներկայումս գործում է որպես շահույթ չհետապնդող կազմակերպություն, որը մասամբ աջակցվում է պաշտպանական կապալառուների[9] ներառյալ General Dynamics, DynCorp[10], և նախկինում՝ Raytheon-ի ներդրումներով[11]։ Կազմակերպության կենտրոնակայանը գտնվում է Վաշինգտոնում[12]։

Քաղաքական դիրքորոշում և ազդեցություն խմբագրել

Պատերազմի ուսումնասիրման ինստիտուտը սիրիական հակամարտության ժամանակ՝ պաշտպանելով ավելի կոշտ մոտեցում, քննադատել է թե՛ Բարաք Օբամայի, թե՛ Դոնալդ Թրամփի վարչակազմերի քաղաքականությունը։ 2013 թվականին Կագանը կոչ է արել զենք և տեխնիկա մատակարարել «չափավոր» ապստամբներին՝ հույս ունենալով, որ Ասադից հետո «ԱՄՆ-ին բարեկամ պետություն» կստեղծվի[13]։ 2017 թվականին Պատերազմի ուսումնասիրման ինստիտուտի վերլուծաբան Քրիստոֆեր Կոզակը գովաբանել է նախագահ Դոնալդ Թրամփին Շայրաթ ավիաբազայի ռմբակոծության համար, սակայն հանդես է եկել հետագա հարձակումներով՝ հայտարարելով, որ «զսպումը մշտական պայման է, այլ ոչ թե մեկ ժամվա հարվածային փաթեթ»[14]։ 2018 թվականին Պատերազմի ուսումնասիրման ինստիտուտի վերլուծաբան Ջենիֆեր Կաֆարելլան հոդված է հրապարակել՝ կոչ անելով հարձակողական ռազմական ուժ կիրառել Ասադի կառավարության դեմ[15]։

Պատերազմի ուսումնասիրման ինստիտուտը սիրիական հակամարտության ժամանակ՝ պաշտպանելով ավելի կոշտ մոտեցում, քննադատել է թե՛ Բարաք Օբամայի, թե՛ Դոնալդ Թրամփի վարչակազմերի քաղաքականությունը։ 2013 թվականին Կագանը կոչ է արել զենք և տեխնիկա մատակարարել «չափավոր»

 
Քիմբերլի Քագանը Իրաքում, 2008 թվականին

ապստամբներին՝ հույս ունենալով, որ Ասադից հետո «ԱՄՆ-ին բարեկամ պետություն» կստեղծվի[13]։ 2017 թվականին Պատերազմի ուսումնասիրման ինստիտուտի վերլուծաբան Քրիստոֆեր Կոզակը գովաբանել է նախագահ Դոնալդ Թրամփին Շայրաթ ավիաբազայի ռմբակոծության համար, սակայն հանդես է եկել հետագա հարձակումներով՝ հայտարարելով, որ «զսպումը մշտական պայման է, այլ ոչ թե մեկ ժամվա հարվածային փաթեթ»[14]։ 2018 թվականին Պատերազմի ուսումնասիրման ինստիտուտի վերլուծաբան Ջենիֆեր Կաֆարելլան հոդված է հրապարակել՝ կոչ անելով հարձակողական ռազմական ուժ կիրառել Ասադի կառավարության դեմ[15]։

Կառուցվածք խմբագրել

Պատերազմի ուսումնասիրման ինստիտուտի խորհրդի կազմում են գեներալ Ջեք Քինը, Քիմբերլի Կագանը, ՄԱԿ-ում ԱՄՆ նախկին դեսպան Քելի Քրաֆթը, Ուիլյամ Քրիստոլը, ԱՄՆ նախկին սենատոր Ջոզեֆ Լիբերմանը, Քևին Մանդիան, Դեյվիդ Պետրեուսը, Ջեք Դ. Ֆիլիպսը և Ուիլյամ Ռոբերտին[16]։ Պատերազմի ուսումնասիրման ինստիտուտի կորպորատիվ խորհրդի նախկին և ներկայիս անդամները ներառում են Raytheon-ը, Մայքրոսոֆթը, Palantir-ը, Ջեներալ Մոթորսը, General Dynamics-ը և Kirkland & Ellis-ը[11][17][18]։

Ծանոթագրություններ խմբագրել

  1. ↑ https://www.understandingwar.org/
  2. ↑ https://www.understandingwar.org/who-we-are
  3. ↑ «About Us». Institute for the Study of War. December 2010. Վերցված է 2010 թ․ հոկտեմբերի 12-ին.
  4. ↑ «Kimberly Kagan». Center for Presidential History at Southern Methodist University (English). Վերցված է 2022 թ․ հոկտեմբերի 15-ին.{{cite web}}: CS1 սպաս․ չճանաչված լեզու (link)
  5. ↑ «Ukraine Project». Institute for the Study of War (անգլերեն). Վերցված է 2022 թ․ ապրիլի 7-ին.
  6. ↑ «Institute for the Study of War». Institute for the Study of War (անգլերեն). Արխիվացված է օրիգինալից 2022 թ․ մարտի 25-ին. Վերցված է 2023 թ․ հունվարի 8-ին.
  7. ↑ Urrutia, Olivier (September 2013). «The Role of Think Tanks in the Definition and Application of Defence Policies and Strategies» (PDF). Revista del Instituto Español de Estudios Estratégicos. 2: 26–27.
  8. ↑ «Institute for the Study of War».
  9. ↑ Civilian analysts gained Petraeus's ear while he was commander in Afghanistan, By Rajiv Chandrasekaran, The Washington Post, December 19, 2012
  10. ↑ «Our Supporters». Institute for the Study of War.
  11. ↑ 11,0 11,1 «Our Supporters | Institute for the Study of War». 2013 թ․ ապրիլի 1. Արխիվացված է օրիգինալից 2013 թ․ ապրիլի 1-ին. Վերցված է 2022 թ․ մարտի 25-ին.
  12. ↑ «About». Right Web. June 2010. Վերցված է 2011 թ․ հունվարի 31-ին.
  13. ↑ 13,0 13,1 «The Smart and Right Thing in Syria». Hoover Institution (անգլերեն). Վերցված է 2022 թ․ մարտի 22-ին.
  14. ↑ 14,0 14,1 «ISW Analysts React to the U.S.'s Anti-Assad Strike in Syria». Institute for the Study of War (անգլերեն). Վերցված է 2022 թ․ մարտի 29-ին.
  15. ↑ 15,0 15,1 Cafarella, Jennifer (2018 թ․ փետրվարի 22). «US passivity in the face of Syrian atrocities is hurting our global interests». Fox News (ամերիկյան անգլերեն). Վերցված է 2022 թ․ մարտի 22-ին.
  16. ↑ «Who We Are». Institute for the Study of War.
  17. ↑ «Our Supporters | Institute for the Study of War». 2017 թ․ դեկտեմբերի 19. Արխիվացված է օրիգինալից 2017 թ․ դեկտեմբերի 19-ին. Վերցված է 2022 թ․ մարտի 25-ին.
  18. ↑ «Institute for the Study of War». Institute for the Study of War (անգլերեն). Արխիվացված է օրիգինալից 2022 թ․ մարտի 25-ին. Վերցված է 2022 թ․ մարտի 25-ին.
 Վիքիպահեստն ունի նյութեր, որոնք վերաբերում են «Պատերազմի ուսումնասիրման ինստիտուտ» հոդվածին։
Ստացված է «https://hy.wikipedia.org/w/index.php?title=Պատերազմի_ուսումնասիրման_ինստիտուտ&oldid=9280925» էջից