Վիքիպեդիա

Պաոլո Մոնտի

Պաոլո Մոնտի (իտալ.՝ Paolo Monti, օգոստոսի 11, 1908(1908-08-11)[1][2][3], Նովարա, Պիեմոնտ, Իտալիա - նոյեմբերի 29, 1982(1982-11-29)[1][2][4][…], Միլան, Իտալիա[5])[8], իտալացի լուսանկարիչ։ Համարվում է ամենաինտելեկտուալ ժամանակակից իտալացի լուսանկարիչ-արվեստագետներից մեկը[9]։

Պաոլո Մոնտի
իտալ.՝ Paolo Monti
Դիմանկար
Ծնվել էօգոստոսի 11, 1908(1908-08-11)[1][2][3]
ԾննդավայրՆովարա, Պիեմոնտ, Իտալիա
Մահացել էնոյեմբերի 29, 1982(1982-11-29)[1][2][4][…] (74 տարեկան)
Մահվան վայրՄիլան, Իտալիա[5]
ԳերեզմանԱնցոլա դ’Օսոլա
Քաղաքացիություն Իտալիա և  Իտալիայի թագավորություն
ԿրթությունԲոկոնիի համալսարան (նոյեմբերի 30, 1930)[6]
Մասնագիտությունլուսանկարիչ
ԱշխատավայրԲոլոնիայի համալսարան
Ծնողներհայր՝ Romeo Monti?[7]
 Paolo Monti Վիքիպահեստում

Գործունեության վաղ շրջանում Մոնտին փորձել է աբստրակցիոնիզմը, ինչպես նաև դիֆրակցիան։ 1953 թվականից հանդես է եկել որպես պրոֆեսիոնալ լուսանկարիչ։ Հիմնականում աշխատել է ճարտարապետական վերարտադրությունների հետ, որոնք օգտագործվել են ամսագրերում, գրքերում։ 1966 թվականից կազմել է իտալական քաղաքների պատմական կենտրոնների կատալոգները[9]։

Կենսագրություն

խմբագրել

Մոնտին ծնվել է Պիեմոնտ մարզի Նովարա քաղաքում։ Հայրը եղել է բանկիր և սիրողական լուսանկարիչ։ Հոր աշխատանքի հետ կապված՝ ընտանիքը շարունակ քաղաքից քաղաք է տեղափոխվել։ 1930 թվականին ավարտել է Միլանի Բոկկոնի համալսարանի տնտեսագիտական ֆակուլտետը։ Մի քանի ամիս աշխատել է Պիեմոնտի մարզում։ 1936 թվականին մահացել է հայրը։ Կարճ ժամանակ անց Մոնտին ամուսնացել է Մարիա Բիոնտտիի հետ[10]։

1939-1945 թվականներին ապրել է Վենետիկի մոտ գտնվող Մեստրե նախկին քաղաքում, այնուհետև տեղափոխվել է Վենետիկ, որտեղ աշխատել է Տարածաշրջանային գյուղատնտեսական կոոպերատիվում՝ շարունակելով զբաղվել լուսանկարչությամբ[10]։

Մոնտիի օգնությամբ 1947 թվականին հիմնադրվել է La Gondola ակումբը, որը կարճ ժամանակ անց դարձել է ավանգարդ լուսանկարչական շարժման կենտրոն։ 1953 թվականին Մոնտին դարձել է պրոֆեսիոնալ լուսանկարիչ՝ հիմնականում աշխատելով ճարտարապետության և դիզայնի ոլորտի ամսագրերի հետ։ Նրա օգնությամբ լուսաբանվել են քաղաքներ և շրջաններ, ճարտարապետներ ու արվեստագետներ[10]։

1965 թվականից Մոնտին լուսանկարել է իտալական գրականության պատմության նկարազարդումները, ինչպես նաև կենտրոնացել է Ապենինյան հովիտները լուսանկարելու վրա, այդ թվում նաև Էմիլիա Ռոմանիա մարզը։ Հետագայում անդրադարձել է իտալական արվեստի պատմությանը։ 1980 թվականից հետո լուսանկարել է Օրտա լիճը և Օսոլա հովիտը[10]։

Պատկերասրահ

խմբագրել

Ծանոթագրություններ

խմբագրել
  1. ↑ 1,0 1,1 1,2 1,3 1,4 Տեղեկատվության և մշակույթի եվրոպական գրադարան — 2004.
  2. ↑ 2,0 2,1 2,2 2,3 2,4 http://www.beic.it/mostre/monti/bio.html
  3. ↑ 3,0 3,1 Zannier I. Monti, Paolo // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T059349
  4. ↑ 4,0 4,1 4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
  5. ↑ 5,0 5,1 5,2 autori vari Enciclopedia Treccani (իտալ.) — Istituto dell'Enciclopedia Italiana, 1929.
  6. ↑ Grande R. D. Dizionario Biografico degli Italiani (իտալ.) — 2012. — Vol. 76.
  7. ↑ 7,0 7,1 https://digital.beic.it/fondo-paolo-monti/
  8. ↑ «Monti, Paolo». Dizionario Biografico degli Italiani (Italian). Treccani. Վերցված է 2016 թ․ ապրիլի 12-ին.{{cite web}}: CS1 սպաս․ չճանաչված լեզու (link)
  9. ↑ 9,0 9,1 «Paolo Monti Photographer». Venice: La Gondola. Վերցված է 2016 թ․ ապրիլի 8-ին.
  10. ↑ 10,0 10,1 10,2 10,3 «Paolo Monti Fotografo». beic.it (Italian). Արխիվացված է օրիգինալից 2016 թ․ մարտի 3-ին. Վերցված է 2016 թ․ ապրիլի 9-ին.{{cite web}}: CS1 սպաս․ չճանաչված լեզու (link)
 Վիքիպահեստն ունի նյութեր, որոնք վերաբերում են «Պաոլո Մոնտի» հոդվածին։
Ստացված է «https://hy.wikipedia.org/w/index.php?title=Պաոլո_Մոնտի&oldid=9757079» էջից