Պամպա

Պամպա կամ Պամպաներ (իսպ.՝ Pampa), տափաստան, որը տարածվում է Հարավային Ամերիկայի հարավ-արևելքում՝ Պարանա և Ուրուգվայ գետերի գետաբերանային շրջանում։

Պամպայի տարածման շրջանը

Պամպա

Պամպայում կլիման խոնավ մերձարևադարձային է, բայց արևելքից դեպի արևմուտք տեղումների քանակը նկատելիորեն նվազում է։ Մերձարևադարձային տափաստաններում և անտառատափաստաններում բնական բուսականություն քիչ է պահպանվել, քանի որ ամենուրեք հողերը մշակվում են կամ օգտագործվում են որպես արոտավայրեր։

Պամպան Հարավային Ամերիկայում հացահատիկի, եգիպտացորենի և անասնապահական մթերքների (մսի, բրդի, կաշվի) արտադրության խոշորագույն շրջան է։ Տնային կենդանիները հիմնականում բերվել են Եվրոպայից։

Պարանա գետը, որը կտրում-անցնում է պամպայով, օվկիանոս թափվելու տեղում առաջացնում է ընդարձակ գետաբերան՝ Լա Պլատա կոչվող գետախորշը, որի ափերին տարածվել է Բուենոս Այրեսը՝ Արգենտինայի մայրաքաղաքը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 105)։