Չիկագո (գետ)
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Անվան այլ կիրառումների համար տե՛ս՝ Չիկագո (այլ կիրառումներ)
Չիկագո, գետ ԱՄՆ տարածքում։ Հոսում է մի քանի նահանգների տարածքով։ Իր անվանումը ստացել է Միացյալ Նահանգների մեծությամբ երրորդ խոշոր քաղաք Չիկագոյի անունից։
| Չիկագո | |
|---|---|
 | |
| Բնութագիր | |
| Երկարություն | 251 |
| Ավազան | Միսիսիպի գետ |
| Ջրի ծախս | 399 ± 0,001 մ³/վ |
| Ջրահոսք | |
| Ակունք | Միչիգան լիճ |
| Ակունքի տեղակայում | Միչիգան լիճ[1], North Branch Chicago River?[1] և South Branch Chicago River?[1] |
| Գետաբերան | Մեքսիկական ծոց |
| Գետաբերանի տեղակայում | South Branch Chicago River?[1] |
| Կոորդինատներ | |
| Տեղակայում | |
| Երկիր |  ԱՄՆ |
| Երկրամաս | Չիկագո[2] |
| Ջրահավաք | Illinois River drainage basin?[1] և Lake Michigan drainage basin?[1] |
Գետը կազմավորվել է ոչ վաղ անցյալում։ Սկզբնական շրջանում գետը հոսում էր դեպի Միչիգան լիճը, որի ափին էլ հենց գտնվում է Չիկագոն։ Գետը լիճն է թափվել այն վայրում, որտեղ ներկայումս գտնվում է Մեդիսոն սթրիթը։ Գետի նոր հոսքը փոխվել է 19-րդ դարում, ովքեր նրա հոսքը տեղափոխել են դեպի հարավ՝ Միսիսիպի գետի ավազանը։ Սա կատարվել է սանիտարական անվտանգության համար, ինչպես նաև խուսափելու ջրհեղեղներից։ Այսօր գետը հոսում է Միչիգան լճի արևմտյան մասով։ Չիկագոյի կենտրոնով այն հոսում է դեպի քաղաքի հարավային արվարձանները՝ կազմելով նավարկելի ջրանցք։ Այնուհետ գետին է խառնվում Դե Փլեյնս գետի ջրերը, որից հետո էլ գետը հոսում է դեպի հարավ՝ Մեքսիկական ծոց։
Գետի էկոլոգիան
խմբագրելՉիկագո գետը մեծապես տուժել է Իլինոյսում առկա արդյունաբերական գործարաններից թափվող արտադրական արդյունքում։ Գետում բնակվում են քաղցրահամ ջրերում բնակվող ձկների մի քանի տեսակ, մեծ քանակությամբ խեցգետիններ։ Իլինոյս նահանգի ղեկավարությունը հանդես է եկել զգուշացմամբ, որ գետի ձկները ուտելու համար վտանգավոր են, քանի որ ջրի մեջ շատ է սնդիկի պարունակությունը։
Կամուրջներ
խմբագրելՉիկագո գետի վրա առաջին կամուրջը կառուցվել է գետի հյուսիսային մասում՝ Քինզի սթրիթի մոտ 1832 թվականին։ Երկրորդ կամուրջը կառուցվել է 1833 թվականին։ 19-րդ դարի վերջին կամուրջների տակ փորվել են անցքուղիներ՝ ապահովելու կամուրջների անցման հեշտությունը և խցանումների կանխումը։ Անցքուղիների մասին իր աշխատություններում անդրադարձել է Թեոդոր Դրայզերը։
Առաջին բացվովի կամուրջը կառուցվել է 1834 թվականին Դիրբորն սթրիթի մոտ։ Ներկայումս Չիկագո գետի վրա կառուցված են 38 բացվովի կամուրջներ։
Սուրբ Պատրիկի տոնը և Չիկագոն
խմբագրել
Չիկագո գետը մեծ նշանակություն ունի Սուրբ Պատրիկի տոնի տոնակաատարությունների ժամանակ։ Ամեն տարի, տոնակատարության օրերին, գետը ներկում են կանաչ գույնով։ Ավանդույթը պահպանվում է արդեն 40 տարի։ Փաստացի, իրադարձությունները տեղի չեն ունենում հենց Սուրբ Պատրիկի օրը, այլ մոտակա շաբաթ օրը։ Այսպես 2009 թվականին գետը ներկվել է շաբաթ օրը՝ մարտի 14-ին, այն դեպքում, երբ Սուրբ Պատրիկի տոնը երեքշաբթի օրն էր՝ մարտի 17-ին։
Չիկագոյի քաղաքապետարանին առընթեր Սուրբ Պատրիկի տոնի կազմակերպման կոմիտեի ղեկավար Բիլլ Քինգը հայտարարել է, որ գետը կանաչ ներկելու գաղափարը ծագել է շատ պատահական, երբ սանտեխնիկների խումբը օգտագործել էր ֆլուորեսցեինի գունանյութ, որը պատահմամբ թափվել էր գետի մեջ։
ԱՄՆ շրջակա միջավայրի պաշտպանության ծառայությունը արգելում է օգտագործել ֆլուորեսցենտ այդ նպատակների, քանի որ ապացուցվել է, որ գունանյութը էկոլոգիական մեծ վնասներ է հասցնում գետին։ Մասնագետների կարծիքով գունանյութը, որը այսօր կիրառվում է գետի ներկման համար, անվտանգ է այնտեղ բնակվող կենդանատեսակների համար։
2009 թվականին ԱՄՆ նախկին առաջին տիկին Միշել Օբամայի խնդրանքով, ով ծնունդով Չիկագոյից է, Սուրբ Պատրիկի տոնի կապակցությամբ Սպիտակ տան հարևանությամբ գտնվող շատրվանի ջուրը ներկվել է կանաչ գույնով։
Պատկերասրահ
խմբագրել-
Գետը Չիկագոյի հյուրանոցներից մեկի մոտ -
Բացվովի կամուրջ Չիկագո գետի վրա -
Չիկագոն գետի վրայից -
Սուրբ Պատրիկի տոնը
Ծանոթագրություններ
խմբագրելԱրտաքին հղումներ
խմբագրել- Друзья реки Чикаго Արխիվացված 2006-11-06 Wayback Machine
- Сайт «зелёной» реки Արխիվացված 2007-05-26 Wayback Machine
 | Վիքիպահեստն ունի նյութեր, որոնք վերաբերում են «Չիկագո (գետ)» հոդվածին։ |