Ուլյանա Սեմյոնովա
Ուլյանա Լարիոնովնա Սեմյոնովա (լատիշ․՝ Uļjana Semjonova, ի ծնե ազգանունը՝ Իուլիյակա[2], 9 մարտի, 1952, Զարասայ, Լատվիական ԽՍՀ, ԽՍՀՄ), լատվիացի խորհրդային բասկետբոլիստուհի[3][4], օլիմպիական երկակի չեմպիոն, աշխարհի եռակի չեմպիոն, Եվրոպայի տասնակի չեմպիոն։ ԽՍՀՄ սպորտի վաստակավոր վարպետ (1971)։
| Ուլյանա Սեմյոնովա | |
|---|---|
 | |
| Անձնական տեղեկություն | |
| Սեռ՝ | իգական |
| Ամբողջական անուն՝ | Ուլյանա Լարիոնովնա Սեմյոնովա (Իուլիյակա) |
| Բնօրինակ անուն՝ | Uļjana Semjonova |
| Ազգություն՝ | լատվիացի |
| Մասնագիտացում՝ | բասկետբոլիստուհի |
| Երկիր՝ |  ԽՍՀՄ և  Լատվիա |
| Ծննդյան ամսաթիվ՝ | մարտի 9, 1952 (72 տարեկան) |
| Ծննդավայր՝ | Զարասայ, Լատվիական ԽՍՀ, ԽՍՀՄ[1] |
| Ակումբ՝ | TTT (Ռիգա) (1967-1987) Տինտորետո (1987-1988) Վալանսյեն (Օրշի) (1988-1989) |
| 210 սմ | |
| Քաշ՝ | 128 կգ |
Կենսագրություն խմբագրել
Ուլյանա Իուլիյական ծնվել է 1952 թվականի մարտի 9-ին Լատվիայի Զարասայ քաղաքում։ Նրա առաջին մարզիչը եղել է Իգոր Անտոնովիչ Սպոգիսը (ծնվել է 1934 թվականին, որպես ֆիզկուլտուրայի ուսուցիչ աշխատել է Լատվիայի Դաուգավպիլսի շրջանի Մեդումի գյուղում)։ Սովորել է Լատվիայի ֆիզկուլտուրայի պետական ինստիտուտում, որն ավարտել է 1973 թվականին։
Ուլյանա Սեմյոնովան կենտրոնական խաղացող է։ Նրա հասակը կազմում է 210 սմ[5] (այլ տվյալներով՝ 213 սմ[6])։ Նա եղել է ամենաբարձրահասակ կանանցից մեկը նախկին ԽՍՀՄ-ում, ում սովորականից բարձր հասակի պատճառը պաթոլոգիկ գիգանտիզմը չէ[7]։ Իր գրեթե ողջ մարզական կարիերան նա անցկացրել է Ռիգայի TTT ակումբում, որ ընդգրկված էր Դաուգավայի Կամավոր մարզական ընկերության կազմում։ Միաժամանակ նա հանդես է եկել ԽՍՀՄ բասկետբոլի հավաքականում։
Ուլյանա Սեմյոնովան Օլիմպիական չեմպիոն է դարձել է 1976 և 1980 թվականներին։ Նա երեք անգամ դարձել է աշխարհի չեմպիոն (1971, 1975, 1983), տասը անգամ՝ Եվրոպայի չեմպիոն (1968, 1970, 1972, 1974, 1976, 1978, 1980, 1981, 1983, 1985)։ 1968-1973, 1975-1977 և 1979-1984 թվականներին նրա թիմը դարձել է ԽՍՀՄ չեմպիոն, իսկ 1974 և 1978 թվականներին արժանացել է ԽՍՀՄ առաջնության արծաթե մեդալների։ Ուլյանա Սեմյոնովան հաղթել է ԽՍՀՄ ժողովուրդների V (1971), VI (1975), VII (1979) ու VIII (1983) Սպարտակիադաներում, ինչպես նաև 1969 թվականի ԽՍՀՄ գավաթի առաջնությունում։ 1973 թվականին նա դարձել է Ունիվերսիադայի չեմպիոն։ 1968-1975, 1977, 1981-1982 թվականներին նա հաղթել է Եվրոպայի չեմպիոնների առաջանությունում, իսկ 1987 թվականին դարձել է Լիլիան Ռոնկետիի գավաթի գավաթակիր։
Ուլյանա Սեմյոնովան պարգևատրվել է Լենինի շքանանշանով (1985), Աշխատանքային կարմիր դրոշի շքանշանով, Ժողովուրդների բարեկամության շքանշանով, Երեք աստղերի շքանշանով (Լատվիայի բարձրագույն պարգևը), Բարեկամության շքանշանով (Ռուսաստան, 2006)։
1993 թվականին ընդգրկվել է Սֆրինգֆիլդի փառքի սրահում, 1999 թվականին՝ Կանանց բասկետբոլի սրահում, որ ստեղծվել էր Թենեսի նահանգում, իսկ 2007 թվականին՝ Բասկետբոլի միջազգային ֆեդերացիայի Փառքի սրահում (Իսպանիա)։
Ուլյանա Սեմյոնովան ճանաչվել է XX դարի լավագույն բասկետբոլիստուհին Լատվիայում։
1988-1992 թվականներին Ուլյանա Սեմյոնովան եղել է Լատվիայի Օլիմպիական կոմիտեի փոխնախագահ։ 1991 թվականից եղել է Լատվիայի Օլիմպիական սոցիալական հիմնադրամի նախագահ։
Ծանոթագրություններ խմբագրել
- ↑ Ульяна Семенова / Ulyana Semenova: Женщина-легенда советского баскетбола
- ↑ Козина А. Латвия собирает деньги на реабилитацию легендарной баскетболистки — «Российская газета», 5 октября 2007
- ↑ Semjonova, Uļjana; Kresa, Inita (1996). Kad es biju laimīga. Rīga: Latvijas Olimpiskā komiteja. էջ 8. ISBN 9984-10-001-4.
- ↑ Uļjana Semjonova Արխիվացված 2017-06-09 Wayback Machine. sports-reference.com
- ↑ Безъязычный А. [1] — «Спорт-Экспресс», 28 ноября 2006
- ↑ Semionova sempre gigante "Dico solo grazie allo sport"
- ↑ Самый большой человек Արխիվացված 2010-02-27 Wayback Machine — biggest.su
Աղբյուրներ խմբագրել
- Генкин, Зиновий Аронович. Баскетбол: Справочник / Авт.-сост. З. А. Генкин, Е. Р. Яхонтов. — М.: Физкультура и спорт, 1983. — 224с.
Արտաքին հղումներ խմբագրել
- Ульяна СЕМЕНОВА: «ЗАБИТЬ СВЕРХУ НИКОГДА НЕ ПРОБОВАЛА»(չաշխատող հղում)
- Ульяна Семенова отказала миллионеру из-за баскетбола
- Семенова — ласточка высокого полета
- Ульяна Семенова (Ulyana Semenova) — все о знаменитости
 | Վիքիպահեստն ունի նյութեր, որոնք վերաբերում են «Ուլյանա Սեմյոնովա» հոդվածին։ |