Ուիլ Գրիգ
Ուիլյամ Դոնալդ Գրիգ (անգլ.՝ William Donald Grigg,հուլիսի 3, 1991[1], Solihull, Ուեսթ Միդլանդս, Անգլիա, Միացյալ Թագավորություն), հյուսիսիռլանդացի ֆուտբոլիստ, «Չեսթերֆիլդ» ակումբի հարձակվող։ Հանդես է եկել Հյուսիսային Իռլանդիայի հավաքականում։ 2016 թվականի Եվրոպայի առաջնության մասնակից։
 անգլ.՝ Will Grigg | |||
|---|---|---|---|
 | |||
| Քաղաքացիությունը |
.svg){kind=small} Միացյալ Թագավորություն | ||
| Ծննդյան ամսաթիվ | հուլիսի 3, 1991[1] (32 տարեկան) | ||
| Ծննդավայր | Solihull, Ուեսթ Միդլանդս, Անգլիա, Միացյալ Թագավորություն | ||
| Հասակ | 180 սանտիմետր | ||
| Քաշ | 70 կիլոգրամ | ||
| Դիրք | հարձակվող | ||
|
| |||
|
| |||
|
| |||
|
| |||
|
| |||
Ակումբային կարիերա
խմբագրելԳրիգը անգլիական «Բիրմինգհեմ Սիթիի» սան է։ 2007 թվականին չի կարողացել պայմանագիր կնքել ակումբի հետ և տեղափոխվել է Միդլենդի ֆուտբոլային դաշինքի «Սթրեթֆորդ Թաուն» ակումբ, որտեղ անցկացրել է ընդամենը երկու հանդիպում։ 2008 թվականի ամռանը, չնայած «Վեստ Բրոմվիչ Ալբիոնի» հետաքրքրությանը, Ուիլը տեղափոխվել է «Ուոլսոլ»։ Դեկտեմբերի 20-ին «Չելտենհեմ Թաունի» դեմ խաղում իր նորամուտն է նշել Անգլիայի առաջին լիգայում[2]։ 2011 թվականի հունվարի 11-ին «Բրիստոլ Ռովերսի» դեմ խաղում Գրիգը խփել է իր առաջին գոլը «Ուոլսոլի» կազմում[3]։ 2013 թվականի փետրվարի 26-ին հեթ-տրիկի հեղինակ է դարձել «Կարլայլ Յունայթեդի» դեմ խաղում[4]։ 2012/2013 մրցաշրջանում Ուիլը դարձել է 20 գոլի հեղինակ և ճանաչվել թիմի տարվա լավագույն ֆուտբոլիստ։
Նույն թվականի ամռանը Գրիգը եռամյա պայմանագիր է կնքել «Բրենտֆորդ» ակումբի հետ։ Օգոստոսի 3-ին «Պորտ Վեյլի» դեմ խաղում իր նորամուտն է նշել նոր թիմում[5]։ Օգոստոսի 10-ին «Շեֆիլդ Յունայթեդի» դեմ խաղում Ուիլը դուբլի հեղինակ է դարձել՝ իր առաջին գոլերը խփելով «Բրենտֆորդի» կազմում[6]։
2014 թվականի ամռանը Գրիգը վարձավճարով տեղափոխվել է «Միլթոն Քինս Դոնս»։ Օգոստոսի 9-ին «Ջիլինգհեմի» դեմ խաղում նորամուտն է նշել նոր թիմում[7]։ Նույն խաղում Ուիլն իր առաջին գոլը խփել է «ՄԿ Դոնսի» կազմում։ Օգոստոսի 26-ին «Մանչեսթեր Յունայթեդի» դեմ Անգլիայի գավաթի խաղում դարձել է դուբլի հեղինակ[8]։
2015 թվականի ամռանը Գրիգը տեղափոխվել է «Ուիգան Ատլետիկ»։ Օգոստոսի 8-ին «Քովենթրի Սիթիի» դեմ խաղում նորամուտն է նշել նոր ակումբում[9]։ Օգոստոսի 11-ին Անգլիական լիգայի գավաթի խաղարկության «Բերիի» դեմ խաղում Ուիլն իր առաջին գոլն է խփել «Ուիգանի» կազմում[10]։
Միջազգային կարիերա
խմբագրել2012 թվականի հունիսի 2-ին Նիդեռլանդների հավաքականի դեմ ընկերական խաղում Գրիգը նորամուտը նշել է Հյուսիսային Իռլանդիայի հավաքականի կազմում[11]։ 2016 թվականի մայիսի 27-ին Բելառուսի հավաքականի դեմ խաղում խփել է իր առաջին գոլը ազգային թիմի կազմում[12]։
2016 թվականի ամռանը Ուիլը Ֆրանսիայում մասնակցել է Եվրոպայի առաջնությանը։ Մրցաշարում պահեստային էր և խաղադաշտ դուրս չի եկել։
Գոլեր Հյուսիսային Իռլանդիայի հավաքականի կազմում
խմբագրել| # | Ամսաթիվ | Վայր | Հակառակորդ | Արդյունք | Հաշիվ | Մրցույթ |
|---|---|---|---|---|---|---|
| 01. | 2016 թվականի մայիսի 27 | Վինձոր Պարկ, Բելֆաստ, Հյուսիսային Իռլանդիա |  Բելառուս |
3:0 | 3:0 | Ընկերական հանդիպում |
| 02. | 2018 թվականի սեպտեմբերի 8 | Վինձոր Պարկ, Բելֆաստ, Հյուսիսային Իռլանդիա |  Բոսնիա և Հերցեգովինա |
1:2 | 1:2 | ՈՒԵՖԱ-ի ազգերի լիգա 2018/2019 |
Ծանոթագրություններ
խմբագրել- ↑ 1,0 1,1 Transfermarkt.com(բազմ․) — 2000.
- ↑ «Челтнем Таун VS. Уолсолл 0:0» (ռուսերեն). soccerway.com. 2008 թ․ դեկտեմբերի 20. Արխիվացված օրիգինալից 2016 թ․ մարտի 7-ին. Վերցված է 2015 թ․ դեկտեմբերի 2-ին.
- ↑ «Бристоль Роверс VS. Уолсолл 2:2» (ռուսերեն). soccerway.com. 2011 թ․ հունվարի 11. Արխիվացված օրիգինալից 2016 թ․ մարտի 7-ին. Վերցված է 2015 թ․ դեկտեմբերի 2-ին.
- ↑ «Карлайл Юнайтед VS. Уолсолл 0:3» (ռուսերեն). soccerway.com. 2013 թ․ փետրվարի 26. Արխիվացված օրիգինալից 2016 թ․ մարտի 7-ին. Վերցված է 2015 թ․ դեկտեմբերի 2-ին.
- ↑ «Порт Вейл VS. Брентфорд 1:1» (ռուսերեն). soccerway.com. 2013 թ․ օգոստոսի 3. Արխիվացված օրիգինալից 2016 թ․ մարտի 7-ին. Վերցված է 2015 թ․ դեկտեմբերի 2-ին.
- ↑ «Брентфорд VS. Шеффилд Юнайтед 3:1» (ռուսերեն). soccerway.com. 2013 թ․ օգոստոսի 10. Արխիվացված օրիգինալից 2016 թ․ մարտի 6-ին. Վերցված է 2015 թ․ դեկտեմբերի 2-ին.
- ↑ «Милтон Кинс Донс VS. Джиллингем 4:2» (ռուսերեն). soccerway.com. 2014 թ․ օգոստոսի 9. Արխիվացված օրիգինալից 2016 թ․ մարտի 7-ին. Վերցված է 2015 թ․ դեկտեմբերի 2-ին.
- ↑ «Милтон Кинс Донс VS. Манчестер Юнайтед 4:0» (ռուսերեն). soccerway.com. 2014 թ․ օգոստոսի 26. Արխիվացված օրիգինալից 2015 թ․ դեկտեմբերի 7-ին. Վերցված է 2015 թ․ դեկտեմբերի 2-ին.
- ↑ «Ковентри Сити VS. Уиган Атлетик 2:0» (ռուսերեն). soccerway.com. 2015 թ․ օգոստոսի 8. Արխիվացված օրիգինալից 2015 թ․ նոյեմբերի 17-ին. Վերցված է 2015 թ․ դեկտեմբերի 2-ին.
- ↑ «Уиган Атлетик VS. Бери 1:2» (ռուսերեն). soccerway.com. 2015 թ․ օգոստոսի 11. Արխիվացված օրիգինալից 2015 թ․ դեկտեմբերի 8-ին. Վերցված է 2015 թ․ դեկտեմբերի 2-ին.
- ↑ «Нидерланды VS. Северная Ирландия 6:0» (ռուսերեն). soccerway.com. 2012 թ․ հունիսի 2. Արխիվացված օրիգինալից 2015 թ․ դեկտեմբերի 23-ին. Վերցված է 2015 թ․ դեկտեմբերի 2-ին.
- ↑ «Северная Ирландия VS. Белоруссия 3:0» (ռուսերեն). soccerway.com. 2016 թ․ մայիսի 27. Արխիվացված օրիգինալից 2016 թ․ հունիսի 1-ին. Վերցված է 2016 թ․ հունիսի 2-ին.
Արտաքին հղումներ
խմբագրել- Northern Ireland stats at Irish FA
 | Վիքիպահեստն ունի նյութեր, որոնք վերաբերում են «Ուիլ Գրիգ» հոդվածին։ |