Շոգեբաղնիք (մուլտֆիլմ)
Շոգեբաղնիք, լիամետրաժ մուլտիպլիկացիոն ֆիլմ։ Նկարահանվել է 1962 թվականին ռեժիսորներ Սերգեյ Յուտկևիչի և Անատոլի Կարանովիչի կողմից Վլադիմիր Մայակովսկու նույնանուն պիեսի հիման վրա։
Տեսակ | մուլտֆիլմ |
---|---|
Ռեժիսոր | Սերգեյ Յուտկևիչ և Անատոլի Կարանովիչ |
Սցենարիստ | Սերգեյ Յուտկևիչ |
Հնչյունավորում | Արկադի Ռայկին |
Բեմադրող նկարիչ | Լև Զբարսկի |
Երաժշտություն | Ռոդիոն Շչեդրին |
Օպերատոր | Միխայիլ Կամենեցկի |
Երկիր | ԽՍՀՄ |
Ընկերություն | Սոյուզմուլտֆիլմ |
Թվական | 1962 |
Կինոքննադատների կարծիքով 1960-ական թվականներին ընկերության կողմից թողարկված ֆիլմերի շարքում այս ֆիլմն առավել հարուստ է տեխնոլոգիական և ստեղծագործական հայտնաբերումներով, որոնք, իրենց հերթին լիովին թարմացրել են տիկնիկային ֆիլմի հնարքների պաշարը[1]։
Ֆիլմի ստեղծման համար օգտագործվել է կինոկոլաժի մեթոդը, որն իր մեջ ներառում է այնպիսի հնարքներ, ինչպես՝ փաստագրական դրվագներ, նկարված և տիկնիկային մուլտիպլիկացիա, ինչպես նաև իրական դերասանների խաղ։
Սյուժե խմբագրել
Արդեն շատ վաղուց և անհաջող կերպով ժամանակի մեքենայի ստեղծողները՝ Չուդակովն ու Վելոսիպեդկինը, փորձում են գնալ կառավարման և համաձայնեցման ղեկավարի՝ ընկեր Պոբեդոնոսիկովի մոտ։ Նրանց անընդհատ ուղարկում են առաջ ու հետ, ձախ և աջ, իսկ երբ հայտնվում են Պոբեդոնոսիկովի աշխատասենյակի դռների մոտ, նրանց կանգնեցնում է քարտուղար Օպտիմիստենկոն։ Լսելով նրանց հայտնագործության մասին՝ անգլիացի զբոսաշրջիկ Պոնտ Կիչը իր թարգմանչուհու՝ Մեզալյանոսովայի և «Կոկուսի» նախագահի՝ Իվան Իվանովիչի հետ նա գալիս է նկուղ, որտեղ չարչարվում էին գյուտարարները։ Այլազգի երիտասարդով հիացած Իվան Իվանովիչը գյուտարարներին առաջարկում է իրենց հայտնագործությունը վաճառել Պոնտ Չիկին։ Չուդակովը ցույց է տալիս մեքենայի գործողությունները։ Նրա մեջից դուրս է գալիս ապագայից ուղարկված նամակ։ Պոնտ Չիկը ամեն ինչ լուսանկարում է։ Բայց գյուտարարները հրաժարվում են գումարից և լուսավորում են ժապավենը՝ փչացնելով այն։
Նրանք նորից փորձում են գնալ Պոբեդոնոսիկովի մոտ, որը մեքենագրուհուն իր հիմար մտքերն էր թելադրում։ Բայց գյուտարարների դիմումի վրա դրված էր համաձայնեցման և կառավարման գլխավոր վարիչի մակագրությունը՝ «մերժել»։ Չնայած բոլոր խոչընդոտներին՝ ժամանակի մեքենան աշխատում է։ Նրա մեջից հայտնվում է ֆոսֆորային կինը՝ 2030 թվականի պատվիրակը։ Ապագա դար ուղևորվելու համար նա լիազորված էր ընտրել լավագույններին։ Բոլոր բյուրոկրատները, չինովնիկներն ու սրիկաները ցանկանում են ընդգրկվել այդ ճանապարհորդության մեջ։ Բայց ընտրության գործընթացը խիստ էր, և շուտով մեկնարկում է թռիչքը։ Արագորեն երևում են անցած տարիների իրադարձությունները՝ ավարտվելով տիեզերագնացի հաղթական թռիչքով։ Իսկ մուլտֆիլմի բացասական կերպարները հայտնվում են աղբամանում։
Ստեղծողներ խմբագրել
- Սցենար և բեմադրում - Սերգեյ Յուտկևիչ, Անատոլի Կարանովիչ
- Օպերատոր - Միխայիլ Կամենեցկի
- Նկարիչ - Ֆելիքս Զբարսկի
- Կոմպոզիտոր - Ռոդիոն Շչեդրին
- Ձայնային օպերատոր - Բորիս Ֆիլչիկով
- Մոնտաժող - Լիդիա Կյակշտ
- Երկրորդ նկարիչ - Վալենտինա Վասիլենկո
- Տիկնիկավարներ - Վլադմիր Պուզանով, Մարիա Պորտնայա, Յուրի Կլեպացկի
- Նկարիչ-մուլտիպլիկատոր - Վյաչեսլավ Կոտյոնոչկին
- Տեքստը կարդում են - Եկատերինա Ռայկինա, Արկադի Ռայկին
- Համակցված նկարահանումների օպերատոր - Բորիս Արեցկի
- Նկարված մուլտիպլիկացիայի օպերատոր - Նիկոլայ Գրինբերգ
- Ռեժիսորի օգնական - Մ. Ռապոպորտ
- Օպերատոի օգնական - Ա. Շիկ
- Աղմկային ձևավորում - Ա. Բարանով
- Գրական խորհրդատու - Վասիլի Քաթանյան
- Խմբագիր - Բորիս Վորոնով
- Տիկնիկների և դեկորացիաների հեղինակներ - Վ. Կուրանով, Վ. Կալաշնիկովա, Պավել Գուսև, Վլադիմիր Աբբակումով, Վալերի Պետրով, Բորիս Կարավաև, Օլեգ Մասաինով, Վ. Չերնիխով, Վերա Չերկինսկայա, Վլադիմիր Ալիսով, Պավել Լեսին, Սեմյոն Էտլիս՝ Ռոման Գուրովի գլխավորությամբ
- Ֆիլմերի ստեղծման պրոդյուսերական նվագախումբ (դիրիժոր՝ Էմին Խաչատրյան, մեներգիչ՝ Արթուր Էյզեն)
Լրացուցիչ փաստեր խմբագրել
Մուլտֆիլմում հայտնվող ֆոսֆորային կինը ստեղծված է Պիկասոյի նկարների հիման վրա։
Ծանոթագրություններ խմբագրել
- ↑ Киностудия «Союзмультфильм» Краткий исторический обзор Արխիվացված 2016-03-05 Wayback Machine, new.souzmult.ru.