Մովսեսգյուղ (Տավուշի մարզ)

Մոսեսգեղ
Գյուղ
	Մոսեսգեղ
	Մովսես, համայնապատկեր
Երկիր	Հայաստան
Մարզ	Տավուշ
Գյուղապետ	Արարատ Ավալյան
ԲԾՄ	1000 մ
Կլիմայի տեսակ	մերձարևադարձային
Պաշտոնական լեզու	Հայերեն
Բնակչություն	▼1748 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	Մովսեսցի
Ժամային գոտի	UTC+4
Հեռախոսային կոդ	+374 (267-96)
Պաշտոնական կայք	movses.am
	Մովսեսգյուղ Վիքիպահեստում

Անվան այլ կիրառումների համար տե՛ս՝ Մոսեսգյուղ (այլ կիրառումներ)

Մոսեսգյուղ կամ Մովսես, գյուղ Հայաստանի Հանրապետության Տավուշի մարզում` նախկին Շամշադինի շրջանում, Բերդ քաղաքից մոտ 7 կմ հյուսիս-արևելք, Մոսեսգետի ցածրադիր ափին։ Սահմանամերձ գյուղ է, գտնվում է հայ-ադրբեջանական շփման գծից մոտ 1 կմ հեռավորության վրա։

Անվան ստուգաբանությունԽմբագրել

Ըստ ավանդության լեզգիների հրոսակախմբերի հարձակման ժամանակ բոլորը փախչում և թաքնվում են, չի փախչում միայն քաջ ու հաղթանդամ Մովսես Աթաբեկյանը, որից և գյուղ կոչվում է Մովսես։ Մեկ այլ աղբյուրի համաձայն գյուղը հիմնադրել է Մովսես Աթաբեկյանը, ով կառուցել է առաջին տունը՝ այդպիսով դնելով ապագա բնակավայրի հիմքը։

ԱշխարհագրությունԽմբագրել

Գյուղի միջնակարգ դպրոցը

Տարածաշրջանի նախկին խորհրդային վարչական կենտրոն Բերդից գտնվում է 15 կիլոմետր հեռավորության վրա, հյուսիսարևելյան հատվածում, Խնձորուտի լեռնաշղթայի միմյանցից բավականին մոտ ձգվող երկու լեռնաբազուկների միջև, Մոսեսգետ գետի ցածրադիր ափին։

ԿլիմաԽմբագրել

Կլիման մեղմ է, բարեխառն է, շրջակայքն անտառապատ։

ՊատմությունԽմբագրել

Գյուղի նոր Սուրբ Աստվածածին եկեղեցին

Մոսեսգեղը մատենագրության մեջ հիշատակվում է որպես Մոսես, Մովսեսգյուղ, Մովսես, Մովսեսգեղ, Մովսեսքենդ անվանումներով։

Գյուղը սկզբում հիմնված է եղել այժմյան հարավարևելյան բարձրության վրա, Ղարաբաղից եկած վերաբնակիչների կողմից։

ԲնակչությունԽմբագրել

Ըստ ՀՀ 2011 թ. մարդահամարի արդյունքների` Մոսեսգյուղի մշտական բնակչությունը կազմել է 1748, առկա բնակչությունը` 1465 մարդ^[2]։ Բնակիչները հայեր են, որոնց նախնիները եկել են Լեռնային Ղարաբաղից։

Մոսեսգյուղի բնակչության փոփոխությունը ժամանակի ընթացքում` ստորև.

Տարի	Բնակչություն
1831	220 մարդ	^[3]
1873	684 մարդ	^[3]
1897	1139 մարդ	^[3]
1926	1431 մարդ	^[3]
1939	2118 մարդ	^[3]
1959	2474 մարդ	^[3]
1970	2904 մարդ	^[3]
1979	2741 մարդ	^[3]
1989	2547 մարդ	^[3]
2001	2212 մարդ	^[4]
2011	1748 մարդ	^[1]

ՏնտեսությունԽմբագրել

Բնակչությունը զբաղվում է անասնապահությամբ, խաղողագործությամբ և պտուղ-բանջարեղենի մշակությամբ։

Պատմամշակութային կառույցներԽմբագրել

Գյուղից 3 կմ հարավ-արևելքում գտնվում է Սբ. Գևորգ եկեղեցին (XIV-XVII դարեր), Հին Մոսես գյուղատեղին (XIV-XVII դարեր)։ Շրջակայքում կան եկեղեցու, մատուռի ավերակներ, խաչքարեր։